| 摘要 |
ᠮᠤᠨᠭᠭᠤᠯ ᠤᠷᠤᠭ ᠬᠤᠷᠢᠮ ᠤᠨ ᠶᠤᠰᠤᠨ ᠪᠤᠯ ᠮᠤᠨᠭᠭᠤᠯᠴᠤᠳ ᠤᠨ ᠭᠡᠷ ᠪᠦᠯᠢ᠂ ᠦᠷᠡ ᠬᠤᠶᠢᠴᠢ ᠶᠢᠨ ᠠᠳᠠᠯ ᠠᠮᠢᠳᠤᠷᠠᠯ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠮᠠᠰᠢ ᠭᠦᠨ ᠰᠤᠶᠤᠯ ᠰᠡᠳᠬᠢᠭᠦᠢ ᠶᠢᠨ ᠤᠨᠴᠠᠯᠢᠭ ᠲᠠᠢ ᠵᠠᠩ ᠦᠢᠯᠡ ᠶᠤᠮ᠃ ᠲᠡᠭᠦᠨ ᠳᠦ ᠥᠬᠢᠨ ᠳᠤᠷᠠᠰᠬᠤ (ᠪᠠᠰᠠ ᠥᠬᠢᠨ ᠲᠠᠯᠠ ᠶᠢᠨ ᠬᠢᠨ ᠪᠤᠯ ᠭᠠᠵᠠᠷ ᠲᠤ ᠳᠤᠷᠠᠰᠬᠤ᠂ ᠬᠠᠷᠢ ᠳᠤ ᠳᠤᠷᠠᠰᠬᠤ᠂ ᠬᠦᠷᠭᠡᠨ ᠳᠤᠷᠠᠰᠬᠤ᠂ ᠭᠦᠷᠭᠡᠨ ᠳᠦ ᠭᠤᠶᠤᠬᠤ ᠭᠡᠳᠡᠭ ᠪᠦᠭᠡᠳ ᠬᠦᠷᠭᠡᠨ ᠲᠠᠯᠠ ᠶᠢᠨ ᠬᠢᠨ ᠪᠤᠯ ᠪᠡᠷᠢ ᠳᠤᠷᠠᠰᠬᠤ᠂ ᠪᠡᠷᠢ ᠭᠤᠶᠤᠬᠤ᠂ ᠪᠡᠷᠢ ᠬᠡᠯᠡᠯᠴᠡᠬᠦ᠂ ᠤᠷᠤᠭ ᠳᠤᠷᠠᠰᠬᠤ ᠭᠡᠬᠦ ᠮᠡᠲᠦᠴᠢᠯᠡᠨ ᠶᠠᠷᠢᠳᠠᠭ)᠂ ᠠᠮᠠᠨ ᠠᠷᠢᠬᠢ ᠤᠤᠭᠤᠯᠭᠠᠬᠤ᠂ ᠬᠠᠳᠠᠭ ᠲᠠᠯᠪᠢᠬᠤ (ᠶᠡᠬᠡ ᠠᠷᠢᠬᠢ ᠤᠤᠭᠤᠯᠭᠠᠬᠤ)᠂ ᠪᠡᠷᠢ ᠪᠠᠭᠤᠯᠭᠠᠬᠤ ᠬᠤᠷᠢᠮ᠂ ᠬᠦᠰᠢᠭᠡ ᠶᠢᠨ ᠬᠤᠷᠢᠮ᠂ ᠡᠷᠭᠢᠯᠲᠡ ᠶᠢᠨ ᠬᠤᠷᠢᠮ ᠭᠡᠬᠦᠴᠢᠯᠡᠨ ᠤᠯᠠᠨ ᠵᠠᠩ ᠦᠢᠯᠡ ᠪᠠᠶᠢᠳᠠᠭ ᠪᠥᠭᠡᠳ ᠲᠡᠳᠡᠭᠡᠷ ᠨᠢ ᠳᠤᠲᠤᠷᠠ ᠪᠠᠨ ᠪᠠᠰᠠ ᠨᠠᠷᠢᠨ ᠵᠢᠷᠦᠮ ᠭᠤᠷᠢᠮ ᠲᠠᠢ ᠪᠠᠶᠢᠳᠠᠭ ᠲᠤᠬᠠᠢ ᠡᠷᠳᠡᠮᠲᠡᠳ ᠲᠠᠯᠠ ᠲᠠᠯᠠ ᠠᠴᠠ ᠨᠢ ᠲᠡᠮᠳᠡᠭᠯᠡᠨ ᠰᠤᠳᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠭᠡᠲᠡᠯᠡ ᠬᠠᠷᠢᠨ ᠤᠷᠤᠭ ᠬᠤᠷᠢᠮ ᠤᠨ ᠭᠦᠢᠴᠡᠳᠭᠡᠬᠦ ᠶᠠᠪᠤᠴᠠ ᠳᠤᠮᠳᠠ ᠲᠤᠩ ᠴᠢᠬᠤᠯᠠ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠠᠷ ᠤᠷᠤᠯᠴᠠᠳᠠᠭ ᠪᠦᠭᠡᠳ ᠬᠠᠷᠢ ᠭᠠᠵᠠᠷ ᠠᠴᠠ ᠮᠤᠷᠳᠠᠨ ᠢᠷᠡᠭᠰᠡᠨ ᠰᠢᠨᠡ ᠪᠡᠷᠢ ᠶᠢᠨ ᠬᠤᠶᠢᠰᠢᠲᠠ ᠶᠢᠨ ᠠᠳᠠᠯ ᠠᠮᠢᠳᠤᠷᠠᠯ ᠳᠤ ᠲᠤᠳᠤᠷᠬᠠᠢ ᠨᠦᠯᠦᠭᠡ ᠦᠢᠯᠡᠳᠦᠯ ᠦᠵᠡᠭᠦᠯᠳᠡᠭ 《ᠮᠦᠷᠭᠦᠭᠦᠯᠦᠭᠰᠡᠨ ᠠᠪᠤ ᠡᠵᠢ》᠋ ᠶᠢᠨ ᠲᠤᠬᠠᠢ ᠲᠡᠮᠳᠡᠭᠯᠡᠯ ᠰᠤᠳᠤᠯᠤᠯ ᠬᠤᠪᠤᠷᠬᠠᠨ ᠪᠠᠶᠢᠨᠠ᠃ |