| 摘要 |
ᠲᠤᠲ᠋ᠧᠮ ᠪᠤᠯ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠦ ᠪᠠᠯᠠᠷᠯᠢᠭ ᠦᠶᠡ ᠶᠢᠨ ᠣᠪᠤᠭ ᠲᠦᠷᠦᠯ᠂ ᠤᠭᠰᠠᠭᠠ ᠠᠢᠮᠠᠭ ᠤᠳ ᠦᠪᠡᠷ ᠢ ᠪᠡᠨ ᠶᠠᠮᠠᠷ ᠨᠢᠭᠡᠨ ᠠᠮᠢᠲᠠᠨ ᠪᠤᠶᠤ ᠨᠢᠭᠡᠨ ᠤᠷᠭᠤᠮᠠᠯ ᠡᠰᠡᠭᠦᠯᠡ ᠪᠠᠢᠭᠠᠯᠢ ᠶᠢᠨ ᠶᠠᠮᠠᠷ ᠨᠢᠭᠡᠨ ᠦᠵᠡᠭᠳᠡᠯ ᠲᠡᠢ ᠣᠢᠷᠠ ᠲᠦᠷᠦᠯ ᠪᠤᠯᠬᠤ ᠮᠦᠷᠲᠡᠭᠡᠨ ᠲᠡᠷᠡ ᠬᠦ ᠠᠮᠢᠲᠠᠨ ᠤᠷᠭᠤᠮᠠᠯ ᠠᠴᠠ ᠬᠤᠪᠢᠶᠠᠵᠤ ᠢᠷᠡᠭᠰᠡᠨ᠂ ᠮᠦᠨ ᠲᠡᠷᠡ ᠬᠦ ᠠᠮᠢᠲᠠᠨ ᠤᠷᠭᠤᠮᠠᠯ ᠢᠶᠠᠷ ᠰᠦᠭ ᠰᠦᠯᠳᠡ ᠪᠡᠨ ᠪᠤᠯᠭᠠᠳᠠᠭ ᠪᠤᠳᠠᠰ ᠳᠤᠬᠢᠶ ᠠ ᠶᠢᠨ ᠶᠠᠭᠤᠮᠠ ᠮᠦᠨ ᠭᠡᠵᠦ ᠦᠵᠡᠳᠡᠭ᠃ ᠦᠭᠦᠯᠡᠯ ᠳᠦ᠂ ᠭᠤᠤᠯᠳᠠᠭᠤ 《ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》 ᠳᠠᠬᠢ ᠬᠡᠳᠦᠨ ᠰᠤᠩᠭᠤᠳᠠᠭ ᠵᠢᠱᠢᠶᠡ ᠳᠦ ᠰᠠᠭᠤᠷᠢᠯᠠᠨ᠂ 《ᠪᠤᠭᠤ》 ᠶᠢ ᠮᠣᠩᠭᠤᠯ ᠤᠭᠰᠠᠭᠠᠲᠠᠨ ᠤ ᠣᠩᠭᠤᠨ ᠲᠤᠲ᠋ᠧᠮ᠂ 《ᠴᠢᠨᠤᠠ》 ᠶᠢ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠦ ᠲᠤᠲ᠋ᠧᠮ ᠰᠢᠲᠦᠯᠭᠡ᠂ 《ᠴᠠᠭᠠᠨ ᠱᠤᠩᠬᠤᠷ》 ᠢ ᠡᠷᠲᠡᠨ ᠦ ᠮᠣᠩᠭᠤᠯᠴᠤᠳ ᠤᠨ ᠲᠤᠲ᠋ᠧᠮ ᠰᠦᠯᠳᠡ ᠬᠡᠮᠡᠨ ᠦᠵᠡᠵᠦ᠂ ᠡᠷᠲᠡᠨ ᠦ ᠮᠣᠩᠭᠤᠯᠴᠤᠳ ᠤᠨ ᠪᠠᠯᠠᠷᠯᠢᠭ ᠰᠡᠳᠬᠢᠭᠦᠢ ᠶᠢᠨ ᠰᠢᠲᠦᠬᠡᠴᠢᠯᠡᠭᠰᠡᠨ ᠠᠭᠤᠯᠭᠠ ᠬᠡᠯᠪᠡᠷᠢ ᠶᠢ ᠲᠤᠲ᠋ᠧᠮ ᠦᠨ ᠤᠳᠬᠠ ᠠᠴᠠ ᠬᠠᠢᠵᠤ᠂ ᠡᠳᠡᠭᠡᠷ ᠢ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠮᠣᠩᠭᠤᠯ ᠤᠭᠰᠠᠭᠠ ᠣᠪᠤᠭ ᠤᠨ ᠲᠤᠲ᠋ᠧᠮ ᠤᠨ ᠨᠦᠯᠦᠭᠡ ᠳᠤᠰᠬᠠᠯ᠂ ᠲᠤᠲ᠋ᠧᠮ ᠰᠢᠲᠦᠯᠭᠡ ᠶᠢᠨ ᠤᠯᠠ ᠮᠦᠷ᠂ ᠲᠤᠲ᠋ᠧᠮ ᠰᠡᠳᠬᠢᠭᠦᠢ ᠶᠢᠨ ᠤᠴᠢᠷ ᠦᠯᠡᠳᠡᠭᠡᠰᠦ ᠬᠡᠮᠡᠨ ᠦᠵᠡᠪᠡ᠃ |