| 摘要 |
ᠬᠦᠳᠡᠨ ᠬᠠᠨ ᠤᠯᠤᠰ ᠢ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠬᠦᠮᠦᠨ ᠪᠤᠯ ᠶᠡᠬᠡ ᠮᠣᠩᠭᠤᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠦᠭᠡᠳᠡᠢ ᠬᠠᠭᠠᠨ ᠤ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ (ᠵᠠᠷᠢᠮ ᠲᠡᠦᠬᠡᠨ ᠮᠠᠲ᠋ᠧᠷᠢᠶᠠᠯ ᠳᠤ ᠭᠤᠷᠪᠠᠳᠤᠭᠠᠷ ᠬᠦᠪᠡᠭᠦᠨ ᠭᠡᠬᠦ) ᠬᠦᠳᠡᠨ ᠪᠤᠯᠤᠨᠠ᠃ ᠬᠦᠳᠡᠨ 1201 ᠣᠨ ᠬᠦᠷᠲᠡᠯᠡ ᠠᠮᠢᠳᠤᠷᠠᠭᠰᠠᠨ᠂ ᠲᠡᠷᠡ ᠪᠤᠯ ᠦᠭᠡᠳᠡᠢ ᠬᠠᠭᠠᠨ ᠤ ᠰᠢᠯᠵᠢ ᠬᠠᠲᠤᠨ (ᠭᠤᠷᠪᠠᠳᠤᠭᠠᠷ ᠬᠠᠲᠤᠨ) ᠠᠴᠠ ᠲᠦᠷᠦᠭᠰᠡᠨ ᠬᠦᠪᠡᠭᠦᠨ ᠮᠦᠨ᠃ ᠦᠭᠡᠳᠡᠢ ᠬᠠᠭᠠᠨ ᠪᠠᠷ ᠨᠤᠶᠠᠷᠬᠠᠯ ᠤᠨ ᠬᠤᠭᠤᠴᠠᠭᠠᠨ ᠤ ᠡᠬᠢᠨ ᠳᠦ ᠯᠢᠶᠠᠩᠵᠧᠤ ᠪᠠᠷ ᠲᠦᠪ ᠪᠤᠯᠭᠠᠭᠰᠠᠨ ᠬᠠᠰᠢᠨ ᠬᠤᠭᠤᠯᠠᠢ ᠣᠷᠤᠨ ᠢ ᠲᠡᠭᠦᠨ ᠦ ᠭᠤᠷᠪᠠᠳᠤᠭᠠᠷ ᠬᠦᠪᠡᠭᠦᠨ ᠬᠦᠳᠡᠨ ᠳᠦ ᠬᠤᠪᠢ ᠡᠷᠭᠦᠮᠵᠢᠯᠡᠭᠰᠡᠨ ᠪᠠᠢᠨᠠ᠃ ᠡᠭᠦᠨ ᠡᠴᠡ ᠬᠤᠢᠰᠢᠲᠠ ᠬᠦᠳᠡᠨ ᠬᠠᠨ ᠪᠠ ᠲᠡᠭᠦᠨ ᠦ ᠬᠤᠢᠴᠢᠰ 100 ᠢᠯᠡᠭᠦᠦ ᠵᠢᠯ ᠲᠤᠰ ᠣᠷᠤᠨ ᠢ ᠦᠮᠴᠢᠯᠡᠨ ᠨᠤᠶᠠᠷᠬᠠᠭᠰᠠᠨ ᠶᠤᠮ᠃ ᠲᠡᠭᠦᠨ ᠦ ᠨᠤᠶᠠᠷᠬᠠᠯ ᠨᠢ ᠬᠡᠯᠪᠡᠷᠢ ᠡᠴᠡ ᠰᠢᠨᠵᠢ ᠴᠢᠨᠠᠷ ᠲᠤ ᠬᠦᠷᠲᠡᠯᠡ 《ᠤᠯᠤᠰ ᠤᠨ ᠳᠤᠲᠤᠷᠠᠬᠢ ᠤᠯᠤᠰ》 ᠪᠤᠯᠬᠤᠷ ᠬᠦᠳᠡᠨ ᠬᠠᠨ ᠤᠯᠤᠰ ᠪᠤᠯᠵᠤ ᠲᠤᠭᠲᠠᠨᠢᠭᠰᠠᠨ ᠪᠠᠢᠨᠠ᠃ ᠬᠦᠳᠡᠨ ᠦ ᠬᠠᠰᠢᠨ ᠬᠤᠭᠤᠯᠠᠢ ᠣᠷᠤᠨ ᠳᠠᠬᠢ ᠡᠷᠬᠡ ᠮᠡᠳᠡᠯ᠂ ᠬᠦᠴᠦᠨ ᠴᠢᠳᠠᠯ᠂ ᠬᠦᠷᠢᠶᠡ ᠬᠡᠪᠴᠢᠶᠡ ᠪᠤᠯᠤᠨ ᠪᠠᠢᠷᠢ ᠰᠠᠭᠤᠷᠢ ᠨᠢ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠲᠤᠰᠠᠭᠠᠷ ᠴᠢᠨᠠᠷ ᠬᠢᠭᠡᠳ ᠡᠷᠬᠡ ᠮᠡᠳᠡᠭᠰᠡᠨ ᠴᠢᠨᠠᠷ ᠢᠶᠠᠷ ᠴᠢᠩᠭ᠍ᠠ ᠬᠦᠴᠦᠲᠡᠢ ᠪᠤᠯᠬᠤᠷ ᠬᠤᠪᠢ ᠡᠷᠭᠦᠮᠵᠢᠯᠡᠯᠲᠦ ᠤᠯᠤᠰ ᠢ ᠪᠦᠷᠢᠯᠳᠦᠯᠦᠭᠰᠡᠨ ᠶᠤᠮ᠃ |