| 摘要 |
ᠮᠤᠳᠤᠨ ᠴᠤᠭᠤᠷ ᠪᠤᠯ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠦ ᠤᠯᠠᠮᠵᠢᠯᠠᠯᠲᠤ ᠢᠵᠠᠭᠤᠷ ᠬᠦᠭᠵᠢᠮᠳᠡᠭᠦᠷ ᠦᠨ ᠰᠤᠩᠭᠤᠳᠠᠭ ᠨᠢᠭᠡ ᠲᠦᠷᠦᠯ ᠵᠤᠢᠯ ᠪᠤᠯᠤᠨᠠ᠃ ᠮᠤᠳᠤᠨ ᠴᠤᠭᠤᠷ ᠤᠨ ᠲᠡᠦᠬᠡ ᠨᠢ ᠤᠷᠲᠤ ᠪᠦᠭᠡᠳ ᠲᠡᠭᠦᠨ ᠢ ᠵᠤᠬᠢᠶᠠᠵᠤ ᠦᠢᠯᠡᠳᠬᠦ ᠮᠠᠲ᠋ᠧᠷᠢᠶᠠᠯ ᠨᠢ ᠣᠨᠴᠠᠭᠠᠢ ᠮᠦᠷᠲᠡᠭᠡᠨ ᠬᠡᠯᠪᠡᠷᠢ ᠳᠦᠷᠰᠦ ᠨᠢ ᠴᠦ ᠦᠪᠡᠷᠮᠢᠴᠡ ᠪᠠᠢᠳᠠᠭ᠃ ᠶᠡᠷᠦ ᠳᠡᠭᠡᠨ ᠬᠤᠶᠠᠷ ᠨᠦᠬᠡ ᠲᠡᠢ᠂ ᠭᠤᠷᠪᠠᠨ ᠨᠦᠬᠡ ᠲᠡᠢ᠂ ᠳᠦᠷᠪᠡᠨ ᠨᠦᠬᠡ ᠲᠡᠢ ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠲᠤᠭᠠᠨ ᠤ ᠨᠦᠬᠡ ᠲᠡᠢ ᠪᠠᠢᠵᠤ᠂ ᠳᠠᠭᠤᠨ ᠤ ᠦᠩᠭᠡ ᠨᠢ ᠬᠦᠩᠭᠢᠨᠡᠮᠡ᠂ ᠪᠠᠢᠭᠠᠯᠢᠭᠯᠢᠭ᠂ ᠤᠵᠠᠭᠤᠷᠯᠢᠭ ᠣᠨᠴᠠᠯᠢᠭ ᠲᠠᠢ᠃ ᠮᠤᠳᠤᠨ ᠴᠤᠭᠤᠷ ᠢ ᠪᠦᠬᠦ ᠲᠠᠯᠠ ᠪᠠᠷ ᠰᠢᠨᠵᠢᠯᠡᠵᠦ ᠰᠤᠳᠤᠯᠤᠨ᠂ ᠵᠠᠯᠭᠠᠮᠵᠢᠯᠠᠵᠤ ᠦᠪᠯᠡᠨ᠂ ᠲᠡᠭᠦᠨ ᠢ ᠦᠨᠳᠦᠰᠦᠲᠡᠨ ᠦ ᠪᠡᠨ ᠳᠠᠭᠤᠤ ᠬᠦᠭᠵᠢᠮ ᠦᠨ ᠦᠨᠡᠲᠦ ᠦᠪ ᠪᠤᠶᠤ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠦᠨ ᠴᠢᠬᠤᠯᠠ ᠨᠢᠭᠡ ᠲᠦᠷᠦᠯ ᠵᠤᠢᠯ ᠤᠨ ᠬᠤᠪᠢ ᠪᠠᠷ ᠨᠠᠨᠳᠢᠩᠨᠠᠵᠤ ᠬᠦᠷᠦᠩᠭᠡᠯᠡᠵᠦ ᠠᠪᠬᠤ ᠴᠢᠬᠤᠯᠠ ᠲᠠᠢ ᠶᠤᠮ᠃ ᠮᠤᠳᠤᠨ ᠴᠤᠭᠤᠷ ᠪᠤᠯ ᠴᠤᠭᠤᠷ ᠤᠨ ᠨᠢᠭᠡ ᠲᠦᠷᠦᠯ ᠵᠤᠢᠯ ᠪᠤᠯᠤᠨᠠ᠃ ᠣᠳᠤᠬᠠᠨ ᠳᠤ ᠴᠤᠭᠤᠷ ᠨᠢ ᠤᠯᠤᠰ ᠤᠨ ᠳᠡᠰ ᠦᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠢᠶᠡᠷ ᠬᠠᠮᠠᠭᠠᠯᠠᠭᠳᠠᠵᠤ ᠪᠤᠢ᠃ |