| 摘要 |
ᠠᠶᠤᠩ᠋ᠭᠠ ᠶᠢ ᠳᠡᠯᠡᠬᠡᠢ ᠶᠢᠨ ᠣᠯᠠᠨ ᠦᠨᠳᠦᠰᠦᠲᠡᠨ ᠪᠦᠷ ᠰᠢᠲᠦᠵᠦ ᠪᠠᠢ᠌ᠵᠠᠢ᠃ ᠸᠢᠬᠦ ᠪᠡᠷ ᠡᠷᠲᠡᠨ ᠦ ᠵᠡᠷᠯᠢᠭ᠌᠌ ᠬᠦᠮᠦᠰ ᠠᠩ᠋ᠬᠠ ᠠᠶᠤᠩ᠋ᠭᠠ ᠶᠢᠨ ᠳᠠᠭᠤᠨ ᠠᠴᠠ ᠰᠦᠷᠳᠡᠭᠰᠡᠨ ᠡᠴᠡ ᠬᠠᠷᠢᠴᠠᠯ ᠤᠨ ᠬᠤᠷᠢᠭᠠ ᠴᠡᠭᠡᠷ ᠡᠭᠦᠰᠴᠦ᠂ ᠠᠶᠤᠩ᠋ᠭᠠ ᠠᠴᠠ ᠲᠡᠭᠷᠢ ᠰᠠᠬᠢᠭᠤᠯᠰᠤᠨ ᠢ ᠮᠡᠳᠡᠷᠡᠵᠦ ᠰᠢᠲᠦᠵᠦ ᠡᠬᠢᠯᠡᠵᠡᠢ ᠭᠡᠪᠡ᠃ ᠡᠭᠦᠨ ᠢ ᠠᠶᠤᠩ᠋ᠭ ᠠ ᠰᠢᠲᠦᠯᠭᠡ ᠶᠢᠨ ᠰᠡᠳᠬᠢᠴᠡ ᠶᠢᠨ ᠦᠨᠳᠦᠰᠦ — 《ᠡᠮᠢᠶᠡᠯ》᠋ ᠢ ᠦᠭᠦᠯᠡᠵᠡᠢ ᠭᠡᠵᠦ ᠣᠢ᠌ᠯᠠᠭᠠᠵᠤ ᠪᠤᠯᠤᠨᠠ᠃ ᠮᠣᠩ᠋ᠭᠤᠯ ᠤᠨ 《ᠠᠶᠤᠩ᠋ᠭᠠ ᠰᠢᠲᠦᠯᠭᠡ》ᠨᠢ ᠮᠦᠨ ᠲᠡᠢ᠌ᠮᠦ 《ᠡᠮᠢᠶᠡᠯ》᠋ ᠡᠴᠡ ᠡᠭᠦᠰᠦᠭᠰᠡᠨ ᠶᠤᠮ᠃ ᠨᠦᠬᠦᠭᠡ ᠲᠠᠯᠠ ᠪᠠᠷ᠂ ᠮᠣᠩ᠋ᠭᠤᠯᠴᠤᠳ ᠠᠶᠤᠩ᠋ᠭᠠ ᠶᠢᠨ ᠳᠠᠭᠤᠨ ᠤ ᠡᠭᠦᠰᠦᠯ ᠢ 《ᠬᠡᠩᠭᠡᠷᠭᠡ ᠳᠡᠯᠡᠳᠬᠦ》ᠲᠡᠢ ᠬᠤᠯᠪᠤᠵᠤ ᠣᠢ᠌ᠯᠠᠭᠠᠵᠤ ᠪᠠᠢ᠌ᠵᠠᠢ᠃ ᠲᠡᠷᠡ ᠣᠢ᠌ᠯᠠᠭᠠᠯᠲᠠ ᠨᠢ ᠬᠢᠲᠠᠳ ᠦᠨᠳᠦᠰᠦᠲᠡᠨ ᠦ ᠬᠢ ᠲᠡᠢ ᠠᠳᠠᠯᠢᠪᠲᠤᠷ ᠪᠠᠢ᠌ᠬᠤ ᠨᠢ ᠰᠤᠶᠤᠯ ᠤᠨ ᠨᠦᠯᠦᠭᠡᠯᠡᠯᠴᠡᠭᠡᠨ ᠪᠤᠯᠤᠨᠠ᠃ ᠮᠣᠩ᠋ᠭᠤᠯ ᠳᠤ ᠲᠤᠷ᠂ ᠯᠧᠢ᠌ᠬᠦᠩ ᠰᠢᠭ᠌ ᠲᠤᠰᠬᠠᠢ ᠰᠠᠬᠢᠭᠤᠰᠤ ᠦᠭᠡᠢ ᠪᠤᠯᠪᠠᠴᠤ ᠠᠶᠤᠩ᠋ᠭᠠ᠂ ᠴᠠᠬᠢᠯᠭᠠᠨ᠂ ᠭᠢᠯᠪᠠᠭᠠᠨ ᠢ ᠬᠠᠮᠲᠤᠷᠠᠭᠤᠯᠤᠭᠰᠠᠨ 《ᠪᠠᠭᠤᠳᠠᠯ ᠤᠨ ᠲᠡᠭᠷᠢ》ᠭᠡᠵᠦ ᠪᠠᠢ᠌ᠨᠠ᠃ ᠪᠠᠭᠤᠳᠠᠯ ᠤᠨ ᠲᠡᠭᠷᠢ ᠪᠤᠯ ᠡᠭᠦᠯᠡ ᠬᠦᠯᠭᠡᠯᠡᠵᠦ ᠨᠤᠮᠤ ᠰᠤᠮᠤ ᠳᠡᠯᠢᠭᠰᠡᠨ ᠪᠠᠢ᠌ᠳᠠᠭ᠃ ᠮᠣᠩ᠋ᠭᠤᠯ ᠳᠤ 《ᠪᠠᠭᠤᠳᠠᠯ ᠤᠨ ᠲᠡᠭᠷᠢ》᠋ ᠶᠢ ᠰᠢᠲᠦᠳᠡᠭ ᠪᠤᠯᠪᠠᠴᠤ ᠲᠡᠭᠦᠨ ᠢ ᠲᠠᠬᠢᠬᠤ ᠲᠤᠰᠬᠠᠢ ᠵᠠᠩ ᠦᠢᠯᠡ ᠭᠡᠵᠦ ᠦᠭᠡᠢ᠃ ᠡᠨᠡ ᠨᠢ ᠮᠣᠩ᠋ᠭᠤᠯ ᠤᠨ ᠠᠶᠤᠩ᠋ᠭᠠᠨ ᠰᠢᠲᠦᠯᠭᠡ ᠨᠢ ᠲᠡᠭᠷᠢ ᠰᠢᠲᠦᠯᠭᠡ ᠶᠢᠨ ᠨᠢᠭᠡ ᠰᠠᠯᠠᠭᠠ ᠪᠤᠯᠤᠭᠰᠠᠨ ᠠᠴᠠ ᠲᠤᠰᠬᠠᠢ ᠲᠠᠬᠢᠯᠭᠠ ᠦᠭᠡᠢ ᠪᠤᠯᠵᠠᠢ᠃ |
