| 摘要 |
ᠲᠤᠰ ᠦᠭᠦᠯᠡᠯ ᠳᠦ ᠮᠣᠩ᠋ᠭᠤᠯ ᠵᠤᠬᠢᠶᠠᠯᠴᠢᠳ ᠤᠨ ᠬᠡᠪ ᠨᠠᠮᠪᠠ ᠶᠢᠨ ᠰᠤᠳᠤᠯᠤᠯ ᠳᠤ ᠠᠵᠢᠭᠯᠠᠯᠲᠠ ᠬᠢᠪᠡ᠃ ᠬᠡᠪ ᠨᠠᠮᠪᠠ ᠰᠤᠳᠤᠯᠤᠯ ᠪᠤᠯ ᠨᠡᠢ᠌ᠭᠡᠮ ᠵᠢᠷᠦᠮᠲᠦ ᠮᠣᠩ᠋ᠭᠤᠯ ᠤᠳᠬᠠ ᠵᠤᠬᠢᠶᠠᠯ ᠤᠨ ᠰᠢᠭᠦᠮᠵᠢᠯᠡᠯ ᠦᠨ ᠭᠤᠤᠯ ᠦᠭᠦᠯᠡᠭᠳᠡᠭᠦᠨ ᠪᠤᠯᠤᠨᠠ᠃ ᠦᠪᠦᠷ ᠮᠣᠩ᠋ᠭᠤᠯᠴᠤᠳ ᠬᠡᠪ ᠨᠠᠮᠪᠠ ᠪᠦᠷᠢᠯᠳᠦᠭᠰᠡᠨ ᠵᠤᠬᠢᠶᠠᠯᠴᠢ ᠶᠢ ᠪᠤᠯᠪᠠᠰᠤᠷᠠᠨ ᠴᠠᠭᠠᠷᠠᠭᠰᠠᠨ ᠵᠤᠬᠢᠶᠠᠯᠴᠢ ᠬᠡᠮᠡᠨ ᠦᠵᠡᠳᠡᠭ ᠪᠦᠭᠡᠳ ᠲᠡᠭᠦᠨ ᠦ ᠬᠡᠪ ᠨᠠᠮᠪᠠ ᠶᠢ ᠬᠤᠷᠢᠶᠠᠩ᠋ᠭᠤᠢ᠌ᠯᠠᠨ ᠳᠦᠷᠰᠦᠯᠡᠬᠦ ᠨᠢ ᠵᠤᠬᠢᠶᠠᠯᠴᠢ ᠦᠭᠦᠯᠡᠭᠦᠢ᠂ ᠵᠤᠬᠢᠶᠠᠯ ᠦᠭᠦᠯᠡᠭᠦᠢ ᠶᠢᠨ ᠳᠡᠭᠡᠳᠦ ᠬᠢᠵᠠᠭᠠᠷ ᠤᠨ ᠬᠤᠪᠢ ᠪᠠᠷ ᠬᠡᠪᠰᠢᠭᠰᠡᠨ ᠪᠠᠢ᠌ᠨᠠ᠃ ᠬᠡᠪ ᠨᠠᠮᠪᠠ ᠶᠢᠨ ᠣᠨᠣᠯ ᠤᠨ ᠰᠤᠷᠪᠤᠯᠵᠢ ᠨᠢ ᠡᠷᠲᠡᠨ ᠦ ᠡᠨᠡᠳᠬᠡᠭ᠌ ᠦᠨ ᠵᠤᠬᠢᠰᠲᠤ ᠠᠶᠠᠯᠭᠤᠨ ᠤ ᠶᠤᠰᠤᠨ ᠬᠢᠭᠡᠳ ᠬᠢᠲᠠᠳ ᠦᠨ ᠰᠢᠯᠦᠭ ᠦᠨ ᠤᠬᠠᠭᠠᠨ ᠲᠠᠢ ᠬᠤᠯᠪᠤᠭᠳᠠᠨᠠ᠃ ᠮᠣᠩ᠋ᠭᠤᠯᠴᠤᠳ ᠬᠡᠯᠡᠨ ᠦ ᠴᠢᠮᠡᠭᠯᠡᠯ᠂ ᠪᠦᠲᠦᠴᠡ ᠲᠤᠭᠲᠠᠯᠴᠠᠭᠠ ᠬᠢᠭᠡᠳ ᠠᠮᠢᠰᠬᠤᠯ ᠲᠠᠮᠢᠷ᠂ ᠴᠤᠭ ᠰᠦᠯᠳᠡ ᠳᠦ ᠬᠤᠯᠪᠤᠭᠳᠠᠭᠤᠯᠤᠨ ᠬᠡᠪ ᠨᠠᠮᠪᠠ ᠶᠢ ᠳᠦᠷᠰᠦᠯᠡᠵᠦ ᠪᠠᠢ᠌ᠵᠠᠢ᠃ |
