| 摘要 |
ᠤᠷᠢᠲᠤ ᠴᠠᠭ ᠲᠤ ᠮᠣᠩ᠋ᠭᠤᠯ ᠳᠤ 《ᠵᠤᠨ ᠭᠤᠤᠯ ᠳᠤ ᠣᠷᠤᠬᠤ ᠦᠭᠡᠢ᠂ ᠬᠤᠴᠠᠰᠤ ᠪᠠᠨ ᠢᠯᠡ ᠤᠭᠢᠶᠠᠬᠤ ᠦᠭᠡᠢ》ᠴᠡᠭᠡᠷ ᠦᠳ ᠪᠠᠢ᠌ᠵᠠᠢ᠃ ᠲᠡᠭᠡᠭᠡᠳ ᠡᠨᠡ ᠨᠢ ᠪᠦᠷ 《ᠠᠶᠤᠩ᠋ᠭᠠ ᠠᠴᠠ ᠠᠶᠤᠬᠤ》ᠲᠠᠢ ᠤᠶᠠᠯᠳᠤᠵᠤ ᠢᠷᠡᠵᠡᠢ᠃ ᠤᠰᠤ ᠨᠢ ᠡᠷᠲᠡᠨ ᠦ ᠬᠦᠮᠦᠰ ᠦᠨ ᠨᠢᠳᠦᠨ ᠳᠦ ᠵᠦᠭᠡᠷ ᠯᠡ ᠤᠰᠤ ᠪᠢᠰᠢ᠂ ᠬᠠᠷᠢᠨ 《ᠠᠮᠢᠨ ᠤᠰᠤ》ᠭᠡᠵᠦ ᠳᠡᠭᠡᠳᠦᠯᠡᠭᠳᠡᠳᠡᠭ᠃ ᠡᠢ᠌ᠮᠦ 《ᠠᠮᠢᠨ ᠤᠰᠤ》᠋ ᠶᠢ ᠪᠡᠶᠡ ᠤᠭᠢᠶᠠᠬᠤ ᠵᠡᠷᠭᠡ 《ᠬᠡᠷᠡᠭᠴᠡᠭᠡ ᠦᠭᠡᠢ ᠶᠠᠭᠤᠮᠠᠨ》᠋ ᠳᠤ ᠬᠡᠷᠡᠭᠯᠡᠬᠦ ᠨᠢ ᠪᠷᠢᠯᠭᠡᠯ ᠭᠡᠵᠦ ᠦᠵᠡᠵᠦ᠂ ᠲᠡᠢ᠌ᠨᠬᠦ ᠪᠦᠷᠢᠯᠭᠡᠪᠡᠯ ᠲᠡᠭᠷᠢ ᠳᠦ ᠶᠠᠯᠠ ᠭᠡᠵᠦ ᠵᠠᠯᠠᠭᠠᠭᠳᠠᠬᠤ ᠪᠤᠯᠤᠨᠠ ᠭᠡᠵᠦ ᠦᠵᠡᠳᠡᠭ ᠤᠴᠢᠷ ᠠᠴᠠ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ 《ᠤᠰᠤᠨ ᠤ ᠴᠡᠭᠡᠷ》ᠡᠭᠦᠰᠴᠡᠢ᠃ ᠣᠯᠪᠢ ᠬᠤᠯᠤᠭᠠᠨᠠ ᠶᠢ ᠲᠡᠭᠷᠢ ᠨᠢᠷᠭᠡᠭ᠍ᠰᠡᠨ ᠳᠤᠮᠤᠭ ᠨᠢ ᠶᠠᠭ ᠡᠭᠦᠨ ᠢ ᠬᠠᠷᠠᠭᠤᠯᠵᠤ ᠪᠠᠢ᠌ᠨᠠ᠃ 《ᠣᠯᠪᠢ》ᠪᠤᠯ ᠬᠤᠯᠤᠭᠠᠨᠠ ᠶᠢᠨ ᠨᠡᠷᠡ ᠮᠦᠷᠲᠡᠭᠡᠨ ᠦᠭᠡᠷᠡ ᠨᠢᠭᠡ ᠤᠳᠬᠠ ᠨᠢ 《ᠬᠤᠪᠳᠤᠭ᠂ ᠢᠲᠡᠮᠡᠭᠡᠢ》ᠪᠤᠯᠤᠨᠠ᠃ ᠬᠡᠲᠦᠷᠬᠡᠢ ᠢᠳᠡᠬᠦ ᠨᠢ ᠮᠦᠨ ᠪᠦᠷᠯᠭᠡᠯ ᠶᠤᠮ᠃ ᠵᠠᠷᠢᠮ ᠨᠤᠲᠤᠭ ᠲᠤ ᠠᠭᠠᠯᠵᠢ ᠶᠢ ᠲᠡᠭᠷᠢ ᠨᠢᠷᠭᠡᠳᠡᠭ ᠭᠡᠵᠦ ᠳᠤᠮᠤᠭᠯᠠᠳᠠᠭ᠃ ᠠᠭᠠᠯᠵᠢ ᠨᠢ ᠰᠢᠯᠦᠰ ᠲᠡᠢ ᠪᠦᠳᠦᠭᠦᠨ ᠭᠡᠳᠡᠰᠦ ᠲᠡᠢ ᠤᠴᠢᠷ ᠠᠴᠠ ᠪᠠᠰᠠ ᠣᠯᠪᠢ ᠲᠠᠢ ᠠᠳᠠᠯᠢ 《ᠬᠤᠪᠳᠤᠭ᠂ ᠢᠲᠡᠮᠡᠭᠡᠢ》ᠤᠳᠬᠠ ᠲᠠᠢ ᠪᠤᠯᠳᠠᠭ᠃ ᠬᠤᠪᠳᠤᠭ᠂ ᠢᠲᠡᠮᠡᠭᠡᠢ ᠪᠤᠯ ᠬᠦᠮᠦᠨ ᠦ ᠬᠦᠰᠡᠯ ᠰᠢᠨᠦᠯ ᠶᠤᠮ᠃ ᠬᠦᠮᠦᠨ ᠦ ᠬᠦᠰᠡᠯ ᠰᠢᠨᠦᠯ ᠢ ᠨᠢᠭᠡ ᠬᠡᠮᠵᠢᠶᠡ ᠪᠡᠷ ᠬᠢᠵᠠᠭᠠᠷᠯᠠᠮᠠᠨᠵᠢᠨ ᠰᠠᠶᠢ ᠨᠡᠢ᠌ᠭᠡᠮ ᠬᠠᠮᠳᠤᠯᠢᠭ ᠪᠦᠷᠢᠯᠳᠦᠵᠦ ᠴᠢᠳᠠᠨᠠ᠃ ᠬᠢᠵᠠᠭᠠᠷᠯᠠᠬᠤ ᠦᠢᠯᠡᠳᠦᠯ ᠢ ᠭᠦᠢᠴᠡᠳᠭᠡᠳᠡᠭ ᠴᠡᠭᠡᠷ ᠪᠤᠯ ᠪᠤᠯᠪᠠᠰᠤᠨ ᠨᠡᠢ᠌ᠭᠡᠮ ᠳᠦ ᠣᠷᠤᠬᠤ ᠳᠤᠲᠠᠭᠳᠠᠰᠢ ᠦᠭᠡᠢ ᠨᠦᠬᠦᠴᠡᠯ ᠪᠤᠯᠳᠠᠭ᠃ ᠶᠠᠭᠤᠨ ᠳᠤ ᠴᠡᠭᠡᠷ ᠡᠭᠦᠰᠦᠭᠰᠡᠨ ᠪᠤᠢ ᠭᠡᠳᠡᠭ ᠠᠰᠠᠭᠤᠳᠠᠯ ᠢ ᠡᠭᠦᠪᠡᠷ ᠬᠠᠷᠢᠭᠤᠯᠵᠤ ᠪᠤᠯᠬᠤ ᠮᠡᠲᠦ᠃ |
