| 摘要 |
ᠮᠣᠩᠭᠤᠯ ᠲᠡᠦᠭᠡ ᠰᠣᠳᠣᠯᠣᠯ ᠤᠨ ᠬᠦᠷᠢᠶᠠᠨ ᠳ᠋ᠡᠬᠢ ᠬᠤᠪᠤᠲᠤ ᠬᠠᠰᠠᠷ ᠤᠨ ᠲᠣᠬᠠᠢ ᠰᠣᠳᠤᠯᠭᠠᠨ ᠤ ᠣᠳᠣᠬᠢ ᠪᠠᠢᠳᠠᠯ ᠢ ᠶᠡᠷᠦᠢᠩᠬᠡᠢ ᠳ᠋ᠤᠨᠢ ᠰᠢᠨᠵᠢᠵᠦ ᠦᠵᠡᠪᠡᠯ᠂ ᠨᠢᠭᠡ ᠳ᠋ᠤ᠂ ᠬᠠᠪᠤᠲᠤ ᠬᠠᠰᠠᠷ ᠤᠨ ᠲᠡᠦᠬᠡᠳᠦ ᠦᠢᠯᠡ ᠶᠠᠪᠤᠳᠠᠯ ᠤᠨ ᠰᠣᠳᠤᠯᠭᠠᠨ ᠢ ᠴᠢᠩᠬᠢᠰ ᠬᠠᠭᠠᠨ ᠤ ᠦᠢᠯᠡ ᠶᠠᠪᠤᠳᠠᠯ ᠤᠨ ᠰᠣᠳᠤᠯᠭᠠᠨ ᠳ᠋ᠤ ᠪᠠᠭᠲᠠᠭᠠᠵᠤ ᠲᠠᠭᠠᠤ ᠳ᠋ᠤᠨᠢ ᠰᠣᠳᠤᠯᠵᠤ ᠪᠤᠢ; ᠬᠤᠶᠠᠷ ᠲᠦ᠂ ᠬᠠᠪᠤᠲᠤ ᠬᠠᠰᠠᠷ ᠤᠨ ᠬᠤᠢᠴᠢᠰ ᠤᠨ ᠬᠢᠨᠢ ᠦᠶ ᠠ ᠤᠯᠠᠷᠢᠨ ᠶᠠᠪᠤᠭᠳᠠᠭᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠬᠠᠪᠤᠲᠤ ᠬᠠᠰᠠᠷ ᠤᠨ ᠲᠠᠢᠯᠭᠠ ᠶᠢᠨ ᠲᠣᠬᠠᠢ ᠪᠠ ᠲᠡᠭᠦᠨ ᠤ ᠦᠶᠠ ᠵᠠᠯᠭᠠᠮᠵᠢ ᠵᠢ ᠬᠡᠰᠡᠭ ᠪᠣᠰᠠᠭ ᠢᠢᠡᠷ ᠦᠩᠭᠡᠪᠴᠢ ᠲᠠᠯ ᠠ ᠡᠴᠡ ᠨᠢ ᠰᠢᠨᠵᠢᠨ ᠦᠭᠦᠯᠡᠵᠦ ᠪᠠᠢᠪᠠᠴᠤ ᠬᠠᠪᠤᠲᠤ ᠬᠠᠰᠠᠷ ᠤᠨ ᠲᠦᠷᠦᠯᠬᠢ ᠵᠠᠩ ᠴᠢᠨᠠᠷ᠂ ᠦᠵᠡᠯ ᠰᠠᠨᠠᠭᠠ ᠵᠢ ᠨᠢ ᠰᠢᠰᠲ᠋ᠸᠮ ᠲᠠᠢ ᠪᠡᠷ ᠨᠢᠭᠲᠠᠯᠠᠨ ᠰᠣᠳᠤᠯᠵᠤ ᠪᠠᠢᠭᠠ ᠪᠡᠷ ᠶᠡᠷᠦ ᠨᠢ ᠬᠦᠷᠦᠯᠴᠡᠬᠦ ᠦᠭᠡᠢ; ᠭᠤᠷᠪᠠ ᠳ᠋ᠤ᠂ ᠬᠠᠪᠤᠲᠤ ᠬᠠᠰᠠᠷ ᠤᠼᠨ ᠲᠣᠬᠠᠢ ᠪᠡᠳᠠᠳᠤ ᠲᠡᠦᠬᠡ ᠬᠢᠭᠡᠳ ᠲᠡᠦᠬᠡ ᠡᠴᠡ ᠡᠰᠢᠲᠠᠢ ᠲᠤᠮᠤᠭ ᠶᠠᠷᠢᠶ ᠠ᠂ ᠵᠠᠩ ᠦᠢᠯᠡ᠂ ᠠᠷᠬᠢᠯᠤᠬᠢ ᠵᠡᠷᠭᠡ ᠵᠢ ᠬᠠᠷᠢᠯᠴᠠᠨ ᠦᠢᠯᠡᠴᠢᠯᠡᠬᠦᠯᠦᠨ ᠪᠦᠬᠦ ᠲᠠᠯ ᠠ ᠪᠡᠷ ᠰᠣᠳᠤᠯᠵᠤ ᠪᠠᠢᠭᠠ ᠪᠡᠷ ᠬᠦᠨᠵᠡᠭᠡᠢ ᠪᠣᠰᠤ; ᠲᠦᠷᠪᠡ ᠳ᠋ᠤ᠂ ᠬᠠᠪᠤᠲᠤ ᠬᠠᠰᠠᠷ ᠤᠨ ᠨᠢᠭᠡᠨ ᠨᠠᠰᠤᠨ ᠤ ᠪᠪᠦᠬᠦᠢᠯᠡ ᠲᠡᠦᠬᠡᠳᠦ ᠦᠢᠯᠡ ᠶᠠᠪᠤᠳᠠᠯ ᠢ ᠲᠠᠰᠤᠯᠲᠠᠭᠤᠯᠵᠤ ᠪᠠᠢᠭ ᠠ ᠮᠦᠷᠲᠡᠭᠡᠨ ᠬᠠᠪᠤᠲᠤ ᠬᠠᠰᠠᠷ ᠤᠨ ᠭᠡᠷᠡ ᠲᠦᠷᠦᠯ ᠬᠢᠭᠡᠳ ᠬᠤᠷᠢᠠᠨ᠂ ᠵᠠᠠᠯᠢᠳ᠂ ᠲᠦᠷᠪᠡᠨ ᠬᠡᠦᠬᠡᠳ᠂ ᠤᠷᠠᠳ᠂ ᠮᠤᠤᠮᠢᠩᠭᠠᠨ᠂ ᠭᠤᠷᠯᠤᠰ᠂ ᠲᠦᠷᠪᠡᠳ᠂ ᠬᠤᠱᠤᠳ ᠵᠡᠷᠭᠡ ᠠᠢᠮᠠᠭ ᠤᠳ ᠤᠨ ᠪᠦᠷᠢᠯᠳᠦᠴᠡ᠂ ᠲᠠᠷᠬᠠᠴᠠ᠂ ᠤᠯᠠᠷᠢᠯᠲᠠ ᠶᠢᠨ ᠲᠤᠳᠤᠭᠠᠲᠤ ᠬᠤᠯᠪᠤᠭᠠ ᠭᠠᠳᠠᠭᠠᠲᠤ ᠬᠠᠷᠢᠴᠠᠭᠠ ᠪᠠ ᠤᠷᠤᠨ ᠨᠤᠲᠤᠭ ᠤᠨ ᠲᠡᠦᠬᠡᠨ ᠰᠣᠶᠣᠯ ᠤᠨ ᠵᠠᠷᠢᠮ ᠲᠠᠯ ᠠ ᠶᠢᠨ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠵᠢ ᠤᠶᠠᠯᠳᠤᠭᠤᠯᠤᠨ ᠰᠣᠳᠤᠯᠵᠤ ᠪᠠᠢᠭᠠ ᠪᠡᠷ ᠨᠡᠩ ᠴᠦ ᠬᠦᠢᠴᠡᠳ ᠦᠭᠡᠢ ᠶᠣᠮ᠃ ᠬᠤᠷᠢᠩᠭᠤᠢᠯᠠᠪᠠᠯ᠂ ᠬᠠᠪᠤᠲᠤ ᠬᠠᠰᠠᠷ ᠤᠨ ᠰᠣᠳᠣᠯᠣᠯ ᠨᠢ ᠮᠣᠩᠭᠤᠯ ᠲᠡᠦᠭᠡ ᠰᠣᠳᠤᠯᠭᠠᠲᠠᠳ ᠲᠦ ᠬᠦᠩᠬᠡᠪᠴᠢᠯᠠᠭᠳᠡᠭᠰᠡᠭᠡᠷ ᠯᠡ ᠪᠠᠢᠵᠤ ᠬᠠᠷᠠᠬᠠᠨ ᠪᠦᠬᠦ ᠲᠠᠯ ᠠ ᠪᠡᠷ ᠬᠦᠨᠵᠡᠭᠡᠢᠢᠷᠡᠨ ᠴᠢᠳᠠᠭᠠᠳᠤᠢ᠃ |
