| 摘要 |
《ᠤᠯᠠᠭᠠᠨ ᠪᠠᠷᠰ》ᠰᠡᠳᠭᠦᠯ ᠨᠢ 1927 ᠤᠨ ᠤ ᠡᠬᠢ ᠪᠡᠷ ᠠᠩ᠋ᠬᠠ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ ᠪᠡ ᠠᠷᠪᠠᠨ ᠵᠢᠯ ᠦᠨ ᠳᠠᠷᠠᠭᠠ ᠠᠵᠢᠯ ᠢᠶᠠᠨ ᠵᠠᠯᠭᠠᠨ ᠦᠷᠨᠢᠭᠦᠯᠦᠭᠰᠡᠨ ᠪᠠᠢ᠌ᠪᠠ᠃ ᠲᠡᠷᠡ ᠪᠡᠷ ᠤᠳᠬᠠ ᠰᠤᠶᠤᠯ ᠤᠨ ᠲᠤᠬᠠᠢ ᠤᠷᠠᠢ᠌ᠯᠠᠯ ᠳᠤᠷᠠᠳᠤᠯᠭᠠ ᠦᠨᠳᠦᠰᠦᠲᠡ ᠤᠭᠰᠠᠭᠠᠲᠠᠨ ᠤ ᠮᠠᠨᠳᠤᠯ ᠬᠦᠭ᠍ᠵᠢᠯ ᠦᠨ ᠠᠷᠭᠠ ᠵᠠᠮ ᠤᠨ ᠡᠷᠢᠯ ᠮᠦᠰᠬᠢᠯ᠂ ᠤᠳᠬᠠ ᠵᠤᠬᠢᠶᠠᠯ ᠤᠨ ᠦᠢ᠌ᠯᠡᠰ ᠲᠦ ᠡᠷᠭᠦᠭ᠍ᠰᠡᠨ ᠰᠢᠨᠡ ᠨᠡᠮᠡᠷᠢ ᠬᠠᠨᠳᠢᠪ᠂ ᠰᠢᠨᠡ ᠵᠤᠬᠢᠶᠠᠯᠴᠢ ᠪᠢᠴᠢᠭ᠍ᠲᠡᠳ ᠢ ᠬᠦᠮᠦᠵᠢᠭᠦᠯᠦᠭᠰᠡᠨ ᠴᠢᠬᠤᠯᠠ ᠲᠠᠯᠠᠪᠤᠷ ᠵᠡᠷᠭᠡ ᠪᠡᠷ ᠢᠶᠡᠨ 20᠋ ᠳᠤᠭᠠᠷ ᠵᠠᠭᠤᠨ ᠤ ᠮᠣᠩ᠋ᠭᠤᠯ ᠤᠳᠬᠠ ᠰᠤᠶᠤᠯ ᠤᠨ ᠨᠢᠭᠡᠨ ᠲᠤᠯᠭᠠ ᠪᠠᠷ ᠲᠤᠭᠲᠠᠨᠢᠭᠰᠠᠨ ᠶᠤᠮ᠃ 《ᠰᠢᠨᠡ ᠮᠣᠩ᠋ᠭᠤᠯ》ᠰᠡᠳᠭᠦᠯ ᠦᠨ ᠣᠷᠤᠰᠢᠨ ᠦᠷᠭᠦᠯᠵᠢᠯᠡᠭᠰᠡᠨ ᠬᠤᠭᠤᠴᠠᠭᠠ ᠪᠠ ᠬᠡᠪᠯᠡᠵᠦ ᠲᠠᠷᠬᠠᠭᠠᠭᠰᠠᠨ ᠲᠤᠭᠠ ᠨᠢ 《ᠤᠯᠠᠭᠠᠨ ᠪᠠᠷᠰ》᠋ ᠲᠤ ᠬᠦᠷᠬᠦ ᠦᠭᠡᠢ ᠪᠤᠯᠪᠠᠴᠤ ᠰᠢᠨᠡ ᠰᠡᠳᠬᠢᠭᠦᠢ ᠲᠡᠢ ᠵᠤᠬᠢᠶᠠᠯ ᠪᠦᠲᠦᠭᠡᠯ᠂ ᠰᠢᠨᠡ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ᠂ ᠰᠢᠨᠡ ᠰᠤᠷᠠᠭ ᠵᠠᠩᠭᠢ᠂ ᠰᠢᠨᠡ ᠤᠳᠬᠠ ᠰᠤᠶᠤᠯ ᠤᠨ ᠵᠤᠢ᠌ᠯᠡᠰ ᠢ ᠨᠡᠢ᠌ᠲᠡᠯᠡᠨ ᠦᠷᠨᠢᠭᠦᠯᠦᠭᠰᠡᠨ ᠣᠨᠴᠠᠭᠠᠢ ᠲᠠᠯᠠ ᠪᠠᠷ ᠢᠶᠠᠨ ᠣᠷᠴᠢᠨ ᠦᠶᠡ ᠶᠢᠨ ᠰᠤᠨᠢᠨ ᠰᠡᠳᠭᠦᠯ ᠪᠡ ᠤᠳᠬᠠ ᠰᠤᠶᠤᠯ ᠤᠨ ᠶᠡᠬᠡ ᠦᠢ᠌ᠯᠡᠰ ᠲᠡᠬᠢ ᠤᠴᠢᠷ ᠲᠠᠢ ᠨᠢᠭᠡᠨ ᠲᠦᠪᠯᠡᠷᠡᠯ ᠦᠨ ᠴᠡᠭ ᠪᠤᠯᠤᠨ ᠦᠯᠡᠳᠡᠪᠡ᠃ |
