| 摘要 |
ᠲᠤᠰ ᠦᠭᠦᠯᠡᠯ ᠮᠣᠩᠭ᠋ᠤᠯ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠤᠨ ᠬᠦᠭ᠍ᠵᠢᠯ ᠢ ᠰᠤᠶᠤᠯ ᠤᠨ ᠬᠤᠪᠢᠷᠠᠯᠲᠠ ᠲᠠᠢ ᠤᠶᠠᠯᠥᠳᠤᠭᠤᠯᠤᠨ ᠰᠢᠨᠵᠢᠭᠡᠳ ᠲᠤᠤᠯᠢᠰ ᠲᠤᠭᠤᠷᠪᠢᠯ ᠤᠨ ᠦᠨᠳᠦᠰᠦᠨ ᠭᠤᠷᠪᠠᠨ ᠲᠦᠷᠬᠦ (ᠢᠵᠠᠭᠤᠷ ᠲᠤᠤᠯᠢᠰ᠂ ᠲᠡᠭᠦᠯᠳᠡᠷ ᠲᠤᠤᠯᠢᠰ᠂ ᠬᠤᠪᠢᠯᠤᠮᠠᠯ ᠲᠤᠤᠯᠢᠰ)᠋ ᠶᠢ ᠳᠤᠷᠠᠳᠤᠨ ᠭᠠᠷᠭᠠᠵᠠᠢ᠃ ᠲᠤᠤᠯᠢᠰ ᠲᠠᠬᠢ ᠪᠤᠷᠬᠠᠨ ᠱᠠᠰᠢᠨ ᠤ ᠨᠦᠯᠦᠭᠡ ᠶᠢ ᠰᠢᠨᠵᠢᠯᠡᠬᠦ ᠳᠡᠭᠡᠨ ᠢᠵᠠᠭᠤᠷ ᠲᠤᠤᠯᠢᠰ ᠲᠤ ᠪᠦᠬᠡ ᠮᠦᠷᠭᠦᠯ ᠦᠨ ᠨᠦᠯᠦᠭᠡ ᠭᠤᠤᠯ ᠪᠤᠯᠬᠤ ᠠᠴᠠ ᠪᠢᠰᠢ ᠪᠤᠷᠬᠠᠨ ᠱᠠᠰᠢᠨ ᠤ ᠨᠦᠯᠦᠭᠡ ᠪᠠᠷᠤᠭ ᠬᠠᠷᠠᠭᠳᠠᠬᠤ ᠦᠭᠡᠢ᠃ ᠲᠡᠭᠦᠯᠳᠡᠷ ᠲᠤᠤᠯᠢᠰ ᠲᠤ ᠪᠤᠷᠬᠠᠨ ᠱᠠᠰᠢᠨ ᠤ ᠨᠦᠯᠦᠭᠡ ᠠᠳᠠᠯᠢ ᠪᠤᠰᠤ ᠲᠤᠤᠯᠢᠰ ᠲᠤ ᠠᠳᠠᠯᠢ ᠪᠤᠰᠤ ᠬᠡᠮᠵᠢᠶᠡ ᠪᠡᠷ ᠳᠤᠰᠬᠠᠭᠳᠠᠭᠰᠠᠨ᠂ ᠡᠭᠦᠨ ᠳᠦ ᠡᠨᠡᠳᠬᠡᠭ᠌ ᠲᠦᠪᠡᠳ ᠡᠴᠡ ᠢᠷᠡᠯᠲᠡᠢ ᠪᠤᠶᠤ ᠲᠡᠭᠦᠨ ᠦ ᠨᠦᠯᠦᠭᠡᠨ ᠳᠤᠤᠷᠠ ᠪᠤᠢ ᠪᠤᠯᠤᠭᠰᠠᠨ ᠮᠣᠩᠭ᠋ᠤᠯ ᠭᠡᠰᠡᠷ (ᠪᠤᠷᠢᠶᠠᠳ ᠭᠡᠰᠡᠷ ᠡᠭᠦᠨ ᠳᠦ ᠦᠯᠦ ᠪᠠᠭᠲᠠᠨᠠ) ᠲᠤ ᠪᠤᠷᠬᠠᠨ ᠱᠠᠰᠢᠨ ᠤ ᠨᠦᠯᠦᠭᠡ ᠨᠡᠯᠢᠶᠡᠳ ᠵᠠᠮᠪᠠᠷᠠᠭᠠᠳᠠᠢ ᠳᠦᠷᠰᠦᠯᠡᠭᠳᠡᠵᠦ᠂ ᠬᠤᠪᠢᠯᠤᠮᠠᠯ ᠲᠤᠤᠯᠢᠰ ᠲᠤ ᠪᠦᠬᠡ ᠮᠦᠷᠭᠦᠯ ᠦᠨ ᠨᠦᠯᠦᠭᠡ᠂ ᠪᠤᠷᠬᠠᠨ ᠱᠠᠰᠢᠨ ᠤ ᠨᠦᠯᠦᠭᠡ ᠪᠤᠯᠤᠨ ᠲᠠᠷᠢᠶᠠᠯᠠᠬᠤ ᠰᠤᠶᠤᠯ ᠤᠨ ᠨᠦᠯᠦᠭᠡ ᠬᠠᠷᠢᠯᠴᠠᠨ ᠨᠡᠪᠴᠢᠭᠰᠡᠨ ᠶᠡᠬᠡᠯᠡ ᠰᠤᠨᠢᠷᠬᠠᠯᠲᠠᠢ ᠰᠤᠶᠤᠯ ᠤᠨ ᠨᠡᠢ᠌ᠯᠢᠭ᠌ ᠲᠦᠷᠬᠦ ᠪᠡᠷ ᠪᠤᠯᠤᠭᠰᠠᠨ ᠢ ᠴᠢᠬᠤᠯᠠᠴᠢᠯᠠᠨ ᠦᠭᠦᠯᠡᠵᠡᠢ᠃ ᠬᠤᠷᠴᠢᠨ ᠲᠤᠤᠯᠢᠰ ᠢ ᠵᠠᠳᠠᠯᠤᠨ ᠰᠢᠨᠵᠢᠯᠡᠬᠦ ᠶᠢ ᠳᠠᠮᠵᠢᠭᠤᠯᠤᠨ᠂ ᠦᠨᠳᠦᠰᠦᠨ ᠮᠤᠲ᠋ᠢᠹ᠂ ᠳᠦᠷᠢ ᠲᠤᠭᠲᠠᠯᠴᠠᠭᠠ᠂ ᠣᠷᠴᠢᠨ ᠠᠬᠤᠢ᠂ ᠵᠤᠬᠢᠶᠠᠮᠵᠢ ᠪᠦᠲᠦᠴᠡ ᠵᠡᠷᠭᠡ ᠲᠠᠯᠠ ᠪᠠᠷ ᠢᠯᠡᠷᠡᠭᠰᠡᠨ ᠲᠠᠷᠢᠶᠠᠯᠠᠬᠤ ᠰᠤᠶᠤᠯ᠂ ᠪᠸᠡᠰᠡᠨ ᠦᠯᠢᠭᠡᠷ ᠦᠨ ᠨᠦᠯᠦᠭᠡ ᠶᠢ ᠨᠠᠷᠢᠪᠴᠢᠯᠠᠨ ᠰᠢᠨᠵᠢᠯᠡᠭᠰᠡᠨ ᠪᠠᠢ᠌ᠨᠠ᠃ |
