| 摘要 |
ᠲᠤᠰ ᠦᠭᠦᠯᠡᠯ ᠳᠦ ᠂ 《ᠮᠣᠩ᠋ᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》᠋ ᠳᠠᠬᠢ ᠬᠤᠶᠠᠷ ᠦᠪᠡᠷᠮᠢᠴᠡ ᠬᠡᠯᠡᠯᠭᠡ ᠶᠢ ᠵᠠᠳᠠᠯᠤᠨ ᠰᠢᠨᠵᠢᠯᠡᠭᠰᠡᠨ ᠪᠠᠢ᠌ᠨᠠ᠃ ᠨᠢᠭᠡᠳᠦᠭᠡᠷ ᠲᠦ᠂ 《ᠴᠠᠭᠠᠨᠠ ᠴᠠᠴᠠᠪᠠᠰᠤ᠂ ᠬᠠᠷᠠ ᠳᠠ ᠬᠠᠬᠠᠪᠠᠰᠤ》ᠭᠡᠳᠡᠭ ᠪᠤᠯ 《ᠦᠬᠦᠬᠦ》ᠭᠡᠳᠡᠭ ᠤᠳᠬᠠ ᠶᠢ ᠦᠵᠡᠭᠦᠯᠦᠭᠰᠡᠨ ᠦᠪᠡᠷᠮᠢᠴᠡ ᠬᠡᠯᠡᠯᠭᠡ ᠪᠤᠯᠬᠤ ᠶᠤᠮ ᠭᠡᠵᠦ ᠪᠠᠲᠤᠯᠠᠨ ᠦᠭᠦᠯᠡᠭᠰᠡᠨ ᠦ ᠬᠠᠮᠲᠤ ᠮᠣᠩ᠋ᠭᠤᠯᠴᠤᠳ ᠤᠨ ᠵᠠᠩ ᠦᠢᠯᠡ᠂ ᠠᠮᠢᠳᠤᠷᠠᠯ ᠠᠬᠤᠢ᠂ ᠰᠤᠶᠤᠯ ᠲᠡᠦᠬᠡ ᠶᠢᠨ ᠬᠤᠯᠪᠤᠭᠳᠠᠯ ᠠᠴᠠ ᠢᠷᠡᠯ ᠭᠠᠷᠤᠯ ᠤᠨ ᠬᠢᠨᠢ ᠲᠤᠬᠠᠢ ᠤᠬᠤᠴᠢᠯᠠᠨ ᠰᠢᠨᠵᠢᠯᠡᠵᠡᠢ᠃ ᠬᠤᠶᠠᠳᠤᠭᠠᠷ ᠲᠤ᠂ 《ᠨᠡᠭᠦᠯᠡ ᠮᠡᠲᠦ ᠪᠡᠶᠡ ᠴᠢᠨᠦ ᠨᠡᠭᠦᠰ ᠤᠳᠤᠪᠠᠰᠤ᠂ ᠨᠡᠳᠭᠡᠯ ᠮᠡᠲᠦ ᠤᠯᠤᠰ ᠴᠢᠨᠦ ᠭᠡᠨᠡ ᠮᠡᠳᠡᠭᠦᠯᠭᠦᠨ᠍！···· 》ᠭᠡᠬᠦ ᠦᠪᠡᠷᠮᠢᠴᠡ ᠬᠡᠯᠡᠯᠭᠡ ᠳᠡᠬᠢ ᠵᠦᠢᠷᠯᠡᠭᠦᠨ ᠪᠤᠯᠤᠭᠰᠠᠨ ᠦᠭᠡᠰ ᠨᠢ ᠶᠡᠷᠦᠩᠬᠡᠢ ᠳᠡᠭᠡᠨ ᠮᠤᠳᠤ ᠪᠠ ᠰᠢᠪᠠᠭᠤ ᠲᠠᠢ ᠯᠠ ᠬᠤᠯᠪᠤᠭᠠ ᠲᠠᠢ ᠪᠠᠢ᠌ᠵᠤ᠂ ᠪᠦᠬᠦᠢ᠌ᠯᠡ ᠬᠡᠯᠡᠯᠭᠡ ᠪᠤᠯ ᠮᠤᠳᠤ ᠪᠠ ᠮᠤᠳᠤᠨᠠ ᠣᠷᠤᠰᠢᠭᠴᠢ ᠰᠢᠪᠠᠭᠤᠨ ᠤ ᠰᠢᠲᠦᠯᠴᠡᠬᠦ ᠬᠠᠷᠢᠴᠠᠭᠠ — ᠮᠤᠳᠤ ᠰᠢᠪᠠᠭᠤᠨ ᠤ ᠪᠠᠷᠢᠯᠳᠤᠯᠭᠠ ᠪᠠᠷ ᠵᠦᠢᠷᠯᠡᠵᠦ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠤᠷᠠᠨ ᠬᠠᠪᠤᠯᠢᠭ ᠢᠯᠡᠳᠭᠡᠮᠵᠢ ᠪᠤᠯᠬᠤ ᠶᠤᠮ ᠭᠡᠳᠡᠭ ᠦᠵᠡᠯᠲᠡ ᠶᠢ ᠳᠡᠪᠰᠢᠭᠦᠯᠵᠡᠢ᠃ |
