| 摘要 |
ᠲᠤᠰ ᠦᠭᠦᠯᠡᠯ ᠳᠦ ᠂ 《ᠨᠢᠭᠤᠴᠠ ᠲᠤᠪᠴᠢᠶᠠᠨ》᠋ ᠠᠴᠠ ᠰᠡᠭᠦᠯ ᠦᠨ ᠲᠡᠦᠬᠡᠨ ᠪᠢᠴᠢᠭ᠌ ᠲᠦ ᠵᠦᠴᠢ ᠶᠢᠨ ᠨᠡᠷᠡ ᠶᠢ ᠵᠦᠴᠢ᠂ ᠵᠦᠴᠢ ᠭᠡᠵᠦ ᠬᠤᠶᠠᠷ ᠵᠤᠢ᠌ᠯ ᠢᠶᠠᠷ ᠪᠢᠴᠢᠭᠡᠳ ᠢᠷᠡᠵᠡᠢ᠃ ᠵᠦᠴᠢ ᠪᠤᠯ 《ᠮᠡᠷᠭᠢᠳᠡᠢ ᠣᠯᠵᠠᠭᠤᠷ》ᠪᠢᠰᠢ᠃ ᠡᠭᠦᠨ ᠦ ᠪᠠᠷᠢᠮᠲᠠ ᠨᠢ᠄ 1. ᠲᠡᠮᠦᠵᠢᠨ ᠠᠷᠪᠠᠨ ᠳᠤᠯᠤᠭᠠᠨ ᠨᠠᠰᠤᠨ (1178 ᠣᠨ)᠋ ᠳᠠᠭᠠᠨ ᠭᠡᠷᠯᠡᠵᠦ 1179 ᠣᠨ ᠤ ᠪᠢᠯᠢᠭ᠌ ᠦᠨ ᠤᠯᠠᠷᠢ ᠤᠨ 5 ᠰᠠᠷᠠ ᠳᠤ ᠪᠦᠷᠳᠡ ᠦᠵᠢᠨ ᠮᠡᠷᠭᠢᠳ ᠲᠦ ᠪᠠᠷᠢᠭᠳᠠᠵᠠᠢ᠃ ᠡᠭᠦᠪᠡᠷ ᠦᠵᠡᠪᠡᠯ᠂ ᠮᠡᠷᠬᠢᠳ ᠲᠦ ᠪᠠᠷᠢᠭᠳᠠᠬᠤ ᠠᠴᠠ ᠡᠮᠦᠨᠡ ᠵᠢᠷᠮᠦᠰᠦᠨ ᠪᠤᠯᠤᠭᠠᠳ ᠬᠡᠳᠦᠨ ᠰᠠᠷᠠ ᠪᠤᠯᠵᠠᠢ ᠭᠡᠵᠦ ᠬᠤᠩ ᠵᠢᠶᠦ᠋ᠨ᠂ ᠲᠦ᠋ ᠵᠢᠢ ᠬᠤᠶᠠᠷ ᠲᠡᠦᠬᠡᠴᠢᠨ ᠦ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠵᠤᠷ ᠲᠡᠢ ᠶᠤᠮ᠃ 2. ᠷᠠᠰᠢᠳ᠋᠂ ᠳ᠋ᠤᠰᠰᠤᠨ ᠬᠤᠶᠠᠷ ᠤᠨ ᠲᠡᠦᠬᠡᠨ ᠳᠦ ᠪᠦᠷᠳᠡ ᠦᠵᠢᠨ ᠮᠡᠷᠭᠢᠳ ᠲᠦ ᠪᠠᠷᠢᠭᠳᠠᠬᠤ ᠦᠶᠡ ᠳᠦ ᠵᠢᠷᠮᠦᠰᠦᠨ ᠪᠠᠢ᠌ᠵᠤ᠂ ᠪᠤᠴᠠᠭᠠᠵᠤ ᠠᠪᠴᠢᠷᠠᠬᠤ ᠵᠠᠮ ᠵᠠᠭᠤᠷᠠ ᠵᠦᠴᠢ ᠶᠢ ᠲᠦᠷᠦᠪᠡ ᠭᠡᠵᠡᠢ᠃ ᠪᠦᠷᠳᠡ ᠦᠵᠢᠨ ᠬᠤᠨᠢ ᠬᠢᠷᠭᠠᠬᠤ ᠦᠶᠡ (ᠪᠢᠯᠢᠭ᠌ ᠦᠨ 5 ᠰᠠᠷᠠ)᠋ ᠳᠤ ᠮᠡᠷᠭᠢᠳ ᠲᠦ ᠪᠠᠷᠢᠭᠳᠠᠭᠠᠳ ᠨᠠᠮᠤᠷ ᠡᠪᠦᠯ ᠦᠨ ᠬᠤᠭᠤᠷᠤᠨᠳᠤ (ᠰᠠᠢ᠌ᠰᠢᠶᠠᠯ ᠤᠨ ᠲᠡᠦᠬᠡ) ᠪᠤᠴᠠᠵᠤ ᠢᠷᠡᠬᠦ ᠪᠤᠯᠲᠠᠯᠠ ᠨᠡᠢ᠌ᠲᠡ ᠲᠠᠪᠤᠨ ᠰᠠᠷᠠ ᠠᠴᠠ ᠬᠡᠲᠦᠷᠡᠬᠦ ᠦᠭᠡᠢ᠃ ᠡᠭᠦᠨ ᠡᠴᠡ ᠦᠵᠡᠪᠡᠯ ᠪᠦᠷᠳᠡ ᠦᠵᠢᠨ ᠮᠡᠷᠭᠢᠳ ᠲᠦ ᠪᠠᠷᠢᠭᠳᠠᠬᠤ ᠠᠴᠠ ᠲᠠᠪᠤᠨ ᠰᠠᠷᠠ ᠶᠢᠨ ᠡᠮᠦᠨᠡ ᠵᠦᠴᠢ ᠶᠢ ᠵᠢᠷᠮᠦᠰᠦᠨ ᠪᠤᠯᠵᠠᠢ᠃ 3. ᠪᠦᠷᠳᠡ ᠦᠵᠢᠨ ᠪᠡᠶᠡ ᠬᠦᠨᠳᠦ ᠪᠠᠢ᠌ᠭᠰᠠᠨ ᠤᠴᠢᠷ ᠠᠴᠠ ᠮᠡᠷᠭᠢᠳ ᠡᠴᠡ ᠳᠤᠳᠠᠭᠠᠬᠤ ᠦᠶᠡᠳᠦ ᠲᠡᠭᠦᠨ ᠳᠦ ᠮᠤᠷᠢ ᠣᠨᠣᠭᠤᠯᠤᠭᠰᠠᠨ ᠦᠭᠡᠢ᠂ ᠲᠡᠷᠭᠡᠨ ᠳᠦ ᠰᠠᠭᠤᠯᠭᠠᠵᠤ ᠳᠤᠲᠠᠭᠠᠯᠭᠠᠵᠠᠢ᠃ 4. ᠵᠦᠴᠢ ᠶᠢ ᠵᠤᠴᠢᠨ ᠬᠦᠪᠡᠭᠦᠨ ᠭᠡᠵᠦ ᠦᠵᠡᠬᠦ ᠳᠦ ᠬᠦᠷᠪᠡᠯ᠂ ᠬᠤᠳᠤᠯᠠ ᠬᠠᠭᠠᠨ ᠤ ᠶᠡᠬᠡ ᠬᠦᠪᠡᠭᠦᠨ ᠵᠦᠴᠢ ᠪᠡ ᠵᠦᠴᠢ ᠬᠠᠰᠠᠷ᠂ ᠵᠦᠴᠢ ᠳᠠᠷᠮᠠᠯᠠ ᠨᠠᠷ ᠢ ᠪᠦᠷ ᠵᠤᠴᠢᠨ ᠬᠦᠪᠡᠭᠦᠨ ᠭᠡᠵᠦ ᠦᠵᠡᠬᠦ ᠳᠦ ᠬᠦᠷᠦᠨᠡ᠃ ᠭᠡᠲᠡᠯᠡ ᠲᠡᠭᠡᠵᠦ ᠦᠵᠡᠬᠦ ᠪᠠᠷᠢᠮᠲᠠ ᠪᠠᠢ᠌ᠬᠤ ᠦᠭᠡᠢ᠃ ᠵᠤᠴᠢ ᠪᠢᠰᠢ ᠵᠦᠴᠢ ᠭᠡᠬᠦ ᠨᠢ ᠵᠤᠢ᠌ᠲᠠᠢ᠃ |
