| 摘要 |
ᠤᠯᠤᠰ ᠤᠨ ᠳᠤᠲᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠨᠡᠯᠢᠶᠡᠳ ᠣᠯᠠᠨ ᠮᠣᠩ᠋ᠭᠤᠯᠴᠢ ᠡᠷᠳᠡᠮᠲᠡᠳ ᠡᠷᠲᠡᠨ ᠦ ᠮᠣᠩ᠋ᠭᠤᠯᠴᠤᠳ ᠤᠨ ᠵᠢᠯ ᠦᠨ ᠡᠬᠢ ᠴᠠᠭᠠᠨ ᠰᠠᠷᠠ ᠨᠢ ᠨᠠᠮᠤᠷ ᠴᠠᠭ ᠲᠤ ᠪᠠᠢ᠌ᠯᠠ ᠬᠡᠮᠡᠨ ᠦᠵᠡᠭᠰᠡᠭᠡᠷ ᠢᠷᠡᠭᠰᠡᠨ ᠪᠢᠯᠡ᠃ ᠲᠤᠰ ᠦᠭᠦᠯᠡᠯ ᠳᠦ ᠂ ᠵᠤᠬᠢᠶᠠᠭᠴᠢ ᠠᠴᠠ ᠡᠭᠦᠨ ᠢ ᠡᠰᠡ ᠵᠦᠪᠰᠢᠶᠡᠷᠡᠨ ᠮᠣᠩ᠋ᠭᠤᠯᠴᠤᠳ ᠤᠨ ᠵᠠᠩ ᠦᠢᠯᠡ ᠶᠢᠨ ᠤᠯᠠᠮᠵᠢᠯᠠᠯ ᠳᠠᠬᠢ ᠦᠯᠡᠳᠡᠭᠳᠡᠯ ᠪᠡ ᠬᠠᠭᠤᠴᠢᠨ ᠤ ᠲᠡᠦᠬᠡ᠂ ᠲᠡᠮᠳᠡᠭᠯᠡᠯ ᠦᠳ ᠢ ᠰᠢᠭᠦᠨ ᠲᠤᠩ᠋ᠭᠠᠵᠤ ᠦᠵᠡᠭᠰᠡᠨ ᠰᠠᠭᠤᠷᠢ ᠳᠡᠭᠡᠷᠡ ᠡᠷᠲᠡᠨ ᠦ ᠮᠣᠩ᠋ᠭᠤᠯᠴᠤᠳ ᠤᠨ ᠵᠢᠯ ᠦᠨ ᠡᠬᠢ ᠴᠠᠭᠠᠨ ᠰᠠᠷᠠ ᠨᠢ ᠨᠠᠮᠤᠷ ᠴᠠᠭ ᠲᠤ ᠪᠠᠢ᠌ᠭᠰᠠᠨ ᠦᠭᠡᠢ ᠭᠡᠰᠡᠨ ᠦᠵᠡᠯᠲᠡ ᠶᠢ ᠳᠤᠷᠠᠳᠴᠤ᠂ ᠡᠨᠡᠬᠦ ᠦᠵᠡᠯᠲᠡ ᠪᠡᠨ ᠨᠡᠯᠢᠶᠡᠳ ᠣᠯᠠᠨ ᠲᠠᠯᠠ ᠪᠠᠷ ᠣᠴᠢᠵᠤ ᠨᠤᠲᠠᠯᠠᠭᠰᠠᠨ ᠪᠠᠢ᠌ᠨᠠ᠃ ᠲᠡᠭᠡᠭᠡᠳ 《ᠴᠠᠭᠠᠨ ᠰᠠᠷᠠ》᠋ ᠶᠢᠨ 《ᠴᠠᠭᠠᠨ》ᠨᠢ ᠰᠦ᠋ ᠴᠠᠭᠠ ᠲᠠᠢ ᠬᠤᠯᠪᠤᠭᠠ ᠦᠭᠡᠢ᠂ ᠬᠠᠷᠢᠨ ᠬᠠᠪᠤᠷ ᠢᠷᠡᠵᠦ ᠨᠠᠮᠤᠷ ᠪᠤᠴᠠᠳᠠᠭ ᠬᠤᠨ ᠲᠤᠲ᠋ᠧᠮ ᠦᠨ ᠴᠠᠭᠠᠨ ᠦᠩᠭᠡ ᠶᠢᠨ ᠪᠡᠯᠭᠡᠳᠡᠯ ᠡᠴᠡ ᠢᠷᠡᠯᠡ ᠭᠡᠵᠦ ᠦᠵᠡᠭᠰᠡᠨ ᠪᠠᠢ᠌ᠨᠠ᠃ |
