| 摘要 |
ᠬᠠᠹᠤᠩᠭ᠋ᠠ ᠶᠢᠨ ᠮᠢᠩᠭ᠋ᠠ ᠶᠢᠰᠦᠨ ᠵᠠᠭᠤ ᠭᠤᠴᠢᠭᠠᠳ ᠤᠨ ᠤ ᠦᠶᠡ ᠪᠡᠷ ᠵᠤᠬᠢᠶᠠᠭᠰᠠᠨ 《 ᠬᠦᠬᠡ ᠲᠤᠭ》 ᠭᠡᠬᠦ ᠲᠠᠭᠤᠤ ᠪᠤᠯ ᠬᠤᠪᠢᠰᠬᠠᠯᠳᠤ ᠦᠵᠡᠯ ᠰᠠᠨᠠᠭᠠ ᠪᠡᠷ ᠦᠨᠳᠦᠰᠦᠳᠡᠨ ᠤ ᠠᠷᠠᠳ ᠲᠦᠮᠡᠨ ᠶᠢᠡᠨ ᠤᠷᠢᠶᠠᠯᠠᠨ ᠪᠤᠰᠬᠠᠵᠤ᠂ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠲᠠᠢ᠌ᠰᠤᠨ ᠳᠤ ᠬᠦᠨᠳᠦ ᠨᠤᠴᠢᠳᠠᠢ ᠴᠤᠬᠢᠯᠳᠠ ᠦᠭ᠍ᠴᠦ ᠪᠠᠢ᠌ᠭᠰᠠᠨ《ᠤᠷᠢᠶᠠ ᠲᠠᠭᠤᠤ》 ᠪᠤᠯᠬᠤ ᠶᠤᠮ᠃ ᠬᠠᠹᠤᠩᠭ᠋ᠠ ᠪᠡᠷ《ᠬᠦᠬᠡ ᠲᠤᠭ》 ᠭᠡᠬᠦ ᠲᠠᠭᠤᠤ ᠶᠢ ᠪᠢᠴᠢᠬᠦ ᠦᠶᠡ ᠳᠤ ᠭᠤᠷᠪᠠᠳᠤᠭᠠᠷ ᠢᠨᠲ᠋ᠸᠷᠨᠠᠽᠢᠤᠨᠠᠯ ᠤᠨ ᠤᠳᠤᠷᠢᠳᠤᠯᠭᠠ ᠪᠡᠷ ᠬᠤᠪᠢᠰᠬᠠᠯᠳᠤ ᠲᠡᠮᠡᠴᠡᠯ ᠬᠢᠵᠦ ᠪᠠᠢ᠌ᠭᠰᠠᠨ ᠦᠪᠦᠷ ᠮᠤᠩᠭ᠋ᠤᠯ ᠤᠨ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠳᠤ ᠨᠠᠮ ᠤᠨ ᠰᠢᠨᠡ ᠬᠡᠰᠢᠭᠦᠨ ᠪᠠᠢ᠌ᠭᠰᠠᠨ ᠪᠦᠭᠡᠳ 《ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠴᠡᠷᠢᠭ》 ᠭᠡᠭ᠍ᠴᠢ ᠮᠤᠩᠭ᠋ᠤᠯ ᠴᠡᠷᠢᠭ ᠲᠤᠳᠤᠷᠠ ᠰᠤᠷᠳᠠᠯ ᠤᠬᠠᠭᠤᠯᠭᠠ ᠬᠢᠬᠦ ᠨᠢᠭᠡ ᠠᠷᠭᠠ ᠪᠤᠯᠭᠠᠵᠤ ᠡᠨᠡ ᠲᠠᠭᠤᠤ ᠶᠢ ᠪᠢᠴᠢᠵᠦ ᠲᠠᠭᠤᠯᠠᠭᠰᠠᠨ ᠪᠤᠯᠬᠤᠷ ᠲᠤᠰ ᠲᠠᠭᠤᠤ ᠶᠢ 《ᠴᠡᠷᠢᠭ ᠤᠨ ᠲᠠᠭᠤᠤ》 ᠭᠡᠵᠦ ᠬᠡᠯᠡᠵᠦ ᠪᠤᠯᠬᠤ ᠶᠤᠮ᠃ 《ᠬᠦᠬᠡ ᠲᠤᠭ》 ᠨᠢ ᠲᠡᠭᠡᠭᠡᠳ ᠤᠯᠠᠮᠵᠢᠯᠠᠭᠳᠠᠨ ᠲᠠᠭᠤᠯᠠᠭᠳᠠᠭᠰᠠᠭᠠᠷ ᠠᠷᠠᠳ ᠤᠨ ᠲᠠᠭᠤᠤ ᠪᠤᠯᠵᠤ ᠬᠦᠭ᠍ᠵᠢᠭᠰᠡᠨ ᠪᠠᠢ᠌ᠨᠠ᠃ 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠤ ᠦᠶᠡ ᠪᠡᠷ ᠬᠦᠷᠢᠶᠡ ᠬᠤᠰᠢᠭᠤᠨ ᠳᠤ ᠲᠠᠭᠤᠯᠠᠭᠳᠠᠵᠤ ᠪᠠᠢ᠌ᠭᠰᠠᠨ 《 ᠬᠦᠬᠡ ᠲᠤᠭ》 ᠨᠢ ᠲᠠᠷᠤᠢ ᠬᠠᠹᠤᠩᠭ᠋ᠠ ᠶᠢᠨ ᠵᠤᠬᠢᠶᠠᠭᠰᠠᠨ《 ᠬᠦᠬᠡ ᠲᠤᠭ》 ᠤᠨ ᠬᠤᠪᠢᠯᠪᠤᠷᠢ ᠲᠠᠭᠤᠤ ᠮᠦᠨ᠃ ᠬᠠᠷᠢᠨ ᠤᠷᠳᠤᠰ ᠲᠤ ᠲᠠᠭᠤᠯᠠᠭᠳᠠᠵᠤ ᠪᠠᠢ᠌ᠭᠰᠠᠨ 《ᠬᠦᠬᠡ ᠮᠤᠩᠭ᠋ᠤᠯ ᠤᠨ ᠬᠦᠬᠡ ᠲᠤᠭ》 ᠪᠠ 《ᠬᠦᠬᠡ ᠲᠤᠭ》 ᠪᠤᠯ ᠠᠳᠠᠯᠢ ᠪᠤᠰᠤ ᠶᠢᠨ ᠬᠤᠶᠠᠷ ᠲᠠᠭᠤᠤ ᠪᠤᠯᠤᠨᠠ᠃ |
