| 摘要 |
ᠲᠤᠰ ᠦᠭᠦᠯᠡᠯ ᠳᠦ ᠂ (1) ᠲᠦᠯᠦᠭᠡᠨ ᠦ ᠨᠡᠷᠡ ᠶᠢᠨ ᠲᠦᠯᠦᠭᠡᠯᠡᠵᠦ ᠪᠠᠢ᠌ᠭᠠ ᠵᠤᠢ᠌ᠯᠡᠰ᠂ (2) ᠬᠡᠯᠡᠨ ᠦ ᠣᠷᠴᠢᠨ ᠪᠠᠢ᠌ᠳᠠᠯ ᠤᠨ ᠦᠢᠯᠡᠳᠦᠯ᠂ (3) ᠲᠦᠯᠦᠭᠡᠨ ᠦ ᠨᠡᠷᠡ ᠶᠢᠨ ᠨᠡᠢ᠌ᠲᠡ ᠳᠤᠮᠳᠠ ᠶᠢᠨ ᠦᠢᠯᠡᠳᠦᠯ᠂ (4) ᠲᠦᠯᠦᠭᠡᠨ ᠦ ᠨᠡᠷᠡ ᠶᠡᠷᠦ ᠨᠢ ᠬᠡᠷᠡᠭ ᠶᠠᠭᠤᠮᠠ᠂ ᠰᠢᠨᠵᠢ ᠴᠢᠨᠠᠷ ᠢ ᠵᠢᠭᠠᠨ ᠢᠯᠡᠳᠭᠡᠳᠡᠭ ᠡᠰᠡᠭᠦ᠂ (5) ᠲᠦᠯᠦᠭᠡᠨ ᠦ ᠨᠡᠷᠡ ᠶᠢᠨ ᠦᠭᠡᠰ ᠦᠨ ᠪᠦᠷᠢᠯᠳᠦᠭᠦᠨ ᠦ ᠤᠳᠬᠠ ᠶᠢᠨ ᠣᠨᠴᠠᠯᠢᠭ᠂ (6) ᠲᠦᠯᠦᠭᠡᠨ ᠦ ᠨᠡᠷᠡ ᠶᠢᠨ ᠬᠡᠯᠡᠨ ᠦ ᠵᠦᠢ ᠶᠢᠨ ᠣᠨᠴᠠᠯᠢᠭ ᠵᠡᠷᠭᠡ ᠵᠢᠷᠭᠤᠭᠠᠨ ᠲᠠᠯᠠ ᠠᠴᠠ ᠲᠦᠯᠦᠭᠡᠨ ᠦ ᠨᠡᠷᠡ ᠶᠢᠨ ᠪᠦᠬᠦᠢ᠌ᠯᠡ ᠴᠤᠭᠴᠠ ᠳᠤ ᠬᠤᠯᠪᠤᠭᠳᠠᠬᠤ ᠶᠡᠷᠦᠩᠬᠡᠢ ᠰᠢᠨᠵᠢ ᠪᠦᠬᠦᠢ ᠠᠰᠠᠭᠤᠳᠠᠯ ᠢ ᠰᠡᠳᠦᠨ ᠰᠦᠪᠡᠭ᠍ᠴᠢᠯᠡᠵᠦ ᠰᠢᠨᠵᠢᠯᠡᠨ ᠨᠢᠭᠲᠠᠯᠠᠭᠰᠠᠨ ᠤ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠲᠦᠯᠦᠭᠡᠨ ᠦ ᠨᠡᠷᠡ ᠪᠤᠯ ᠬᠦᠮᠦᠨ᠂ ᠬᠡᠷᠡᠭ ᠶᠠᠭᠤᠮᠠ ᠬᠢᠭᠡᠳ ᠲᠡᠭᠦᠨ ᠦ ᠰᠢᠨᠵᠢ ᠴᠢᠨᠠᠷ᠂ ᠲᠤᠭᠠ ᠬᠡᠮᠵᠢᠶᠡ ᠵᠢᠴᠢ ᠦᠢᠯᠡ ᠪᠠᠢ᠌ᠳᠠᠯ ᠤᠨ ᠪᠤᠯᠬᠤ᠂ ᠣᠷᠤᠰᠢᠬᠤ ᠴᠠᠭ ᠣᠷᠤᠨ ᠢ ᠳᠡᠮ ᠢᠶᠡᠷ ᠪᠤᠶᠤ ᠰᠢᠭᠤᠳ ᠵᠢᠭᠠᠨ ᠢᠯᠡᠳᠭᠡᠳᠡᠭ ᠳᠡᠭᠡᠳᠦ ᠬᠡᠮᠵᠢᠶᠡᠨ ᠦ ᠬᠡᠢ᠌ᠰᠪᠦᠷᠢᠯᠡᠵᠦ ᠬᠤᠷᠢᠶᠠᠩᠭ᠋ᠤᠢ᠌ᠯᠠᠭᠰᠠᠨ ᠰᠢᠨᠵᠢ ᠪᠦᠬᠦᠢ ᠪᠦᠯᠦᠭ ᠦᠭᠡᠰ ᠮᠦᠨ ᠭᠡᠳᠡᠭ ᠳ᠋ᠦᠩᠨᠡᠯᠲᠡ ᠳᠦ ᠬᠦᠷᠪᠡ᠃ |
