| 摘要 |
ᠮᠤᠩᠭ᠋ᠤᠯ ᠦᠨᠳᠦᠰᠦᠳᠡᠨ ᠠᠯᠢ ᠡᠷᠳᠡ 8 ᠮᠢᠩᠭ᠋ᠠᠨ ᠵᠢᠯ ᠤᠨ ᠡᠮᠦᠨᠡ ᠨᠢᠭᠡᠨᠳᠡ ᠪᠦᠷᠢᠯᠳᠦᠭᠰᠡᠨ ᠪᠠᠢ᠌ᠨᠠ᠃ 《ᠮᠤᠩᠭ᠋ᠤᠯ》ᠭᠡᠬᠦ ᠦᠨᠳᠦᠰᠦᠳᠡᠨ ᠤ ᠨᠡᠷᠡᠢ᠌ᠳᠦᠯ ᠨᠢ ᠴᠤ ᠦᠨᠳᠦᠰᠦᠳᠡᠨ ᠪᠦᠷᠢᠯᠳᠦᠬᠦ ᠶᠢᠨ ᠵᠡᠷᠭᠡ ᠪᠦᠷᠢᠯᠳᠦᠵᠦ ᠪᠢᠯᠡ᠃ ᠲᠡᠦᠬᠡ ᠶᠢᠨ ᠪᠢᠴᠢᠭ᠌ ᠲᠤ 《ᠮᠠᠩᠭ᠋ᠤᠯ》ᠬᠡᠮᠡᠵᠦ᠂ ᠬᠢᠳᠠᠳ ᠲᠤᠯᠭᠤᠷ ᠪᠢᠴᠢᠭ᠌ ᠲᠤ 《ᠮᠠᠨ — 蛮》ᠭᠡᠬᠦ ᠬᠡᠯᠪᠡᠷᠢ ᠪᠡᠷ ᠤᠯᠠᠨ ᠮᠤᠩᠭ᠋ᠤᠯ ᠠᠢ᠌ᠮᠠᠭ ᠤᠨ ᠲᠤᠮᠳᠠ ᠨᠡᠷᠡᠢ᠌ᠳᠦᠭᠳᠡᠨ ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭᠰᠡᠨ ᠪᠠᠢ᠌ᠨᠠ᠃ ᠵᠢᠱᠢᠶᠡᠯᠡᠪᠡᠯ᠂ ᠬᠢᠶᠠᠨ ᠮᠤᠩᠭ᠋ᠤᠯ ᠂ ᠪᠢᠳᠡᠭᠦᠳ ᠮᠤᠩᠭ᠋ᠤᠯ᠂ ᠾᠦᠨᠦ ᠮᠤᠩᠭ᠋ᠤᠯ᠂ ᠨᠢᠷᠤᠭᠤᠨ ᠮᠤᠩᠭ᠋ᠤᠯ᠂ ᠰᠢᠶᠠᠨᠪᠢ ᠮᠤᠩᠭ᠋ᠤᠯ᠂ ᠲᠦᠷᠭᠦᠳ（ᠲᠦᠷᠺ）ᠮᠤᠩᠭ᠋ᠤᠯ ᠁ ᠵᠡᠷᠭᠡ ᠬᠡᠳᠦᠨ ᠠᠷᠪᠠ ᠬᠡᠳᠦᠨ ᠵᠠᠭᠤᠨ ᠠᠢ᠌ᠮᠠᠭ ᠶᠠᠰᠤᠳᠠᠨ ᠪᠠᠢ᠌ᠵᠤ ᠪᠢᠯᠡ᠃ ᠲᠤᠮᠳᠠᠳᠤ ᠵᠠᠭᠤᠨ ᠤ ᠦᠶᠡ ᠳᠤ ᠲᠠᠲ᠋ᠠᠷ᠂ ᠨᠠᠢᠮᠠᠨ᠂ ᠬᠡᠷᠡᠢ᠌ᠳ᠂ ᠲᠠᠢ᠌ᠴᠢᠭᠤᠳ᠂ ᠪᠤᠷᠢᠶᠠᠳ᠂ ᠥᠭᠡᠯᠡᠳ ᠁ ᠵᠡᠷᠭᠡ 100 ᠭᠠᠷᠤᠢ ᠠᠢ᠌ᠮᠠᠭ ᠪᠠᠢ᠌ᠪᠠ᠃ ᠤᠳᠤ ᠦᠶᠡ ᠳᠤ ᠮᠤᠩᠭ᠋ᠤᠯ ᠤᠯᠤᠰ᠂ ᠦᠪᠦᠷ ᠮᠤᠩᠭ᠋ᠤᠯ᠂ ᠲᠠᠭᠤᠷ ᠮᠤᠩᠭ᠋ᠤᠯ᠂ ᠴᠠᠭᠠᠨ ᠮᠤᠩᠭ᠋ᠤᠯ᠂ ᠪᠤᠷᠢᠶᠠᠳ ᠮᠤᠩᠭ᠋ᠤᠯ᠂ ᠤᠷᠢᠶᠠᠩᠬᠠᠢ ᠮᠤᠩᠭ᠋ᠤᠯ᠂ ᠲᠡᠭᠡᠳᠦ ᠮᠤᠩᠭ᠋ᠤᠯ᠂ ᠶᠡᠬᠡ ᠮᠤᠩᠭ᠋ᠤᠯ᠂ ᠤᠢ᠌ᠷᠠᠳ ᠮᠤᠩᠭ᠋ᠤᠯ᠂ ᠬᠠᠯᠢᠮᠠᠭ ᠮᠤᠩᠭ᠋ᠤᠯ᠂ ᠶᠦᠨᠨᠠᠨ ᠮᠤᠩᠭ᠋ᠤᠯ᠂ ᠰᠸᠴᠤᠸᠠᠨ ᠮᠤᠩᠭ᠋ᠤᠯ᠂ ᠱᠠᠩᠬᠠᠢ ᠮᠤᠩᠭ᠋ᠤᠯ᠂ ᠪᠡᠬᠡᠵᠢᠩ ᠮᠤᠩᠭ᠋ᠤᠯ᠂ ᠲᠠᠢ᠌ᠸᠠᠨ ᠮᠤᠩᠭ᠋ᠤᠯ ᠁ ᠵᠡᠷᠭᠡ 100 ᠭᠠᠷᠤᠢ ᠤᠯᠤᠰ ᠤᠷᠤᠨ ᠳᠤ ᠲᠠᠷᠬᠠᠵᠤ ᠪᠤᠢ᠃ ᠡᠢ᠌ᠮᠦ ᠡᠴᠡ ᠮᠤᠩᠭ᠋ᠤᠯ ᠦᠨᠳᠦᠰᠦᠳᠡᠨ ᠪᠤᠯ ᠤᠯᠠᠨ ᠮᠤᠩᠭ᠋ᠤᠯ ᠠᠢ᠌ᠮᠠᠭ ᠶᠢᠡᠷ ᠪᠦᠷᠢᠯᠳᠦᠭᠰᠡᠨ ᠪᠠᠢ᠌ᠨᠠ᠃ ᠮᠤᠩᠭ᠋ᠤᠯ ᠪᠤᠯ ᠶᠡᠷᠦᠩᠬᠡᠢ ᠨᠡᠷᠡᠢ᠌ᠳᠦᠯ᠂ ᠬᠤᠷᠢᠶᠠᠩᠭ᠋ᠤᠢ ᠨᠡᠷᠡᠢ᠌ᠳᠦᠯ ᠪᠤᠯᠠᠢ᠂ ᠴᠦᠮ ᠮᠤᠩᠭ᠋ᠤᠯ ᠦᠨᠳᠦᠰᠦᠳᠡᠨ᠂ ᠮᠤᠩᠭ᠋ᠤᠯ ᠬᠦᠮᠦᠨ ᠪᠤᠯᠬᠤ ᠰᠠᠨ᠃ |
