| 摘要 |
ᠦᠭᠦᠯᠡᠯ ᠳᠦ 《ᠵᠤᠤᠠᠢ ᠶᠢᠨ ᠭᠠᠷ ᠪᠢᠴᠢᠮᠡᠯ 〈ᠵᠠᠩ᠋ᠭᠠᠷ〉ᠪᠠ 《ᠠᠷᠢᠮᠫᠢᠯ ᠤᠨ 〈ᠵᠠᠩ᠋ᠭᠠᠷ〉》᠋ ᠢ ᠬᠠᠢ᠌ᠷᠢᠴᠠᠭᠤᠯᠬᠤ ᠪᠠᠷ ᠳᠠᠮᠵᠢᠵᠤ᠂ ᠳᠠᠢ᠌ᠨ ᠪᠠᠢ᠌ᠯᠳᠤᠭᠠᠨ ᠤ ᠡᠭᠦᠰᠦᠯ ᠰᠢᠯᠲᠠᠭᠠᠨ ᠢ ᠰᠠᠢ᠌ᠨ ᠡᠷᠡ ᠶᠢᠨ ᠪᠤᠯᠢᠶᠠᠯᠳᠤᠭᠠᠨ ᠠᠴᠠ ᠡᠭᠦᠰᠬᠦ ᠳᠠᠢ᠌ᠨ᠂ ᠰᠤᠢ᠌ᠲᠤ ᠶᠢᠨ ᠪᠤᠯᠢᠶᠠᠯᠳᠤᠭᠠᠨ ᠠᠴᠠ ᠡᠭᠦᠰᠬᠦ ᠳᠠᠢ᠌ᠨ᠂ ᠡᠴᠢᠨᠡ ᠰᠦᠷᠳᠡᠭᠦᠯᠦᠯ ᠡᠴᠡ ᠡᠭᠦᠰᠬᠦ ᠳᠠᠢ᠌ᠨ᠂ ᠦᠰᠢᠶᠡ ᠬᠤᠷᠤᠰᠤᠯ ᠠᠴᠠ ᠡᠭᠦᠰᠬᠦ ᠳᠠᠢ᠌ᠨ᠂ ᠠᠳᠤᠭᠤ ᠮᠠᠯ ᠪᠤᠯᠢᠶᠠᠬᠤ ᠠᠴᠠ ᠡᠭᠦᠰᠬᠦ ᠳᠠᠢ᠌ᠨ᠂ ᠪᠠᠭᠠᠲᠤᠷ ᠡᠷᠡ ᠪᠤᠯᠢᠶᠠᠬᠤ ᠠᠴᠠ ᠡᠭᠦᠰᠬᠦ ᠳᠠᠢ᠌ᠨ᠂ ᠨᠦᠬᠦᠴᠡᠯ ᠱᠠᠭᠠᠷᠳᠠᠯᠭᠠ ᠠᠴᠠ ᠡᠭᠦᠬᠦ ᠳᠠᠢ᠌ᠨ᠂ ᠨᠤᠲᠤᠭ ᠤᠰᠤᠨ ᠤ ᠪᠤᠯᠢᠶᠠᠯᠳᠤᠭᠠᠨ ᠠᠴᠠ ᠡᠭᠦᠰᠬᠦ ᠳᠠᠢ᠌ᠨ ᠭᠡᠬᠦ ᠨᠠᠢᠮᠠᠨ ᠲᠠᠯᠠ ᠠᠴᠠ ᠨᠠᠷᠢᠨ ᠵᠠᠳᠠᠯᠬᠤ ᠶᠢᠨ ᠵᠡᠷᠭᠡᠴᠡᠪᠡᠷ 《ᠵᠠᠩ᠋ᠭᠠᠷ》᠋ ᠤᠨ ᠲᠤᠤᠯᠢ ᠶᠢᠨ ᠳᠠᠢ᠌ᠨ ᠪᠠᠢ᠌ᠯᠳᠤᠭᠠᠨ ᠤ ᠡᠭᠦᠰᠦᠯ ᠦᠨ ᠰᠢᠯᠲᠠᠭᠠᠨ ᠨᠢ ᠨᠢᠭᠡ ᠲᠠᠯᠠ ᠪᠠᠷ ᠲᠤᠤᠯᠢ 《ᠵᠠᠩ᠋ᠭᠠᠷ》᠋ ᠤᠨ ᠤᠯᠠᠮᠵᠢᠯᠠᠭᠳᠠᠨ ᠳᠠᠮᠵᠢᠭᠳᠠᠵᠤ ᠪᠠᠢ᠌ᠬᠤ ᠴᠠᠭ ᠦᠶᠡ᠂ ᠭᠠᠵᠠᠷ ᠣᠷᠤᠨ᠂ ᠲᠡᠦᠬᠡ ᠰᠤᠶᠤᠯ ᠲᠠᠢ ᠬᠤᠯᠪᠤᠭᠳᠠᠵᠤ ᠨᠦᠬᠦᠭᠡ ᠲᠠᠯᠠ ᠪᠠᠷ 《ᠵᠠᠩ᠋ᠭᠠᠷ》᠋ ᠢ ᠬᠠᠢ᠌ᠯᠠᠨ ᠤᠯᠠᠮᠵᠢᠯᠠᠵᠤ ᠪᠠᠢ᠌ᠬᠤ ᠵᠠᠩ᠋ᠭᠠᠷᠴᠢ ᠶᠢᠨ ᠳᠠᠢ᠌ᠨ ᠤ ᠲᠤᠬᠠᠢ ᠦᠵᠡᠯᠲᠡ ᠵᠤᠷᠢᠯᠲᠠ ᠲᠠᠢ ᠴᠤ ᠰᠢᠭᠤᠳ ᠬᠤᠯᠪᠤᠭᠳᠠᠨᠠ ᠭᠡᠳᠡᠭ ᠢ ᠲᠤᠳᠤᠷᠬᠠᠢ᠌ᠯᠠᠪᠠ᠃ |
