| 题名 |
ᠲᠤᠮᠤ ᠬᠤᠯᠤᠭᠠᠨᠠ ᠶᠢᠨ ᠬᠤᠳᠤᠭᠤᠳᠤᠨ ᠤ ᠮᠤᠬᠤᠷ ᠢ ᠪᠤᠭᠤᠭᠰᠠᠨ ᠠᠴᠠ ᠪᠤᠯᠤᠭᠰᠠᠨ ᠡᠯᠢᠭᠡᠨ ᠭᠡᠮᠲᠦᠯ ᠳᠦ ᠦᠵᠡᠭᠦᠯᠬᠦ ᠳ᠋ᠢᠭᠳᠡ -4 ᠶᠢᠨ ᠲᠠᠩ ᠤᠨ ᠦᠢᠯᠡᠳᠦᠯ ᠦᠨ ᠲᠤᠬᠠᠢ ᠰᠤᠳᠤᠯᠭᠠ |
| 作者 |
ᠸᠠᠩ ᠬᠤᠸᠠᠨ; ᠪᠠᠭᠠᠨᠠ |
| 关键词 |
ᠡᠯᠢᠭᠡᠨ ᠭᠡᠮᠲᠦᠯᠲᠦ ᠬᠡᠪ ᠦᠯᠢᠭᠡᠷ; ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ; ᠳ᠋ᠢᠭᠳᠡ -4 ᠶᠢᠨ ᠳᠠᠩ; ᠴᠢᠰᠦᠨ ᠴᠠᠢᠪᠠᠩ ᠳᠠᠬᠢ ᠨᠤᠷᠮᠠ ᠲᠡᠮᠳᠡᠭ; ᠡᠯᠢᠭᠡᠨ ᠨᠡᠭᠡᠳᠡᠰᠦᠨ ᠦ ᠬᠤᠪᠢᠷᠠᠯᠲᠠ; ᠠᠮᠢᠲᠠᠨ ᠤ ᠲᠤᠷᠰᠢᠯᠲᠠ |
| 摘要 |
ᠮᠣᠩᠭᠤᠯ ᠡᠮ ᠨᠠᠢᠷᠠᠯᠭᠠ ᠳ᠋ᠢᠭᠳᠡ -4 ᠶᠢᠨ ᠳᠠᠩ ᠤᠨ ᠡᠯᠢᠭᠡᠨ ᠭᠡᠮᠲᠦᠯ ᠳᠦ ᠦᠵᠡᠭᠦᠯᠬᠦ ᠨᠦᠯᠦᠭᠡ ᠶᠢ ᠰᠤᠳᠤᠯᠤᠨᠠ᠃ ᠠᠷᠭᠠ᠄ ᠲᠤᠮᠤ ᠬᠤᠯᠤᠭᠠᠨᠠ ᠶᠢᠨ ᠪᠡᠶᠡ ᠳᠦ ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠦᠨᠳᠦᠰᠦᠨ ᠣᠨᠣᠯ ᠢᠶᠠᠷ ᠰᠠᠭᠤᠷᠢᠯᠠᠭᠰᠠᠨ ᠡᠯᠢᠭᠡᠨ ᠭᠡᠮᠲᠦᠯᠲᠦ ᠬᠡᠪ ᠦᠯᠢᠭᠡᠷ ᠢ ᠪᠤᠢ ᠪᠤᠯᠭᠠᠪᠠ᠃ ᠲᠤᠮᠤ ᠬᠤᠯᠤᠭᠠᠨᠠ ᠶᠢᠨ ᠪᠡᠶᠡ ᠶᠢᠨ ᠬᠦᠨᠳᠦ ᠶᠢ ᠨᠢ ᠦᠨᠳᠦᠰᠦᠯᠡᠵᠦ ᠲᠠᠰᠢ8ᠷᠠᠮ ᠰᠠᠴᠠᠭᠤ ᠪᠠᠷ 5 ᠳᠤᠭᠤᠢᠯᠠᠩ ᠬᠤᠪᠢᠶᠠᠵᠠᠢ᠃ ᠳᠠᠷᠤᠢ ᠡᠷᠡᠭᠦᠯ ᠬᠠᠷᠢᠴᠠᠭᠤᠯᠬᠤ ᠳᠤᠭᠤᠢᠯᠠᠩ᠂ ᠬᠡᠪ ᠦᠯᠢᠭᠡᠷ ᠦᠨ ᠳᠤᠭᠤᠢᠯᠠᠩ᠂ ᠳ᠋ᠢᠭᠳᠡ -4 ᠶᠢᠨ ᠳᠠᠩ ᠤᠨ ᠪᠠᠭᠠ᠂ ᠳᠤᠮᠳᠠ᠂ ᠶᠡᠬᠡ ᠬᠡᠮᠵᠢᠶᠡᠨ ᠦ ᠡᠮ ᠦᠭᠬᠦ ᠳᠤᠭᠤᠢᠯᠠᠩ ᠪᠤᠯᠤᠨᠠ᠃ ᠡᠷᠡᠭᠦᠯ ᠳᠤᠭᠤᠢᠯᠠᠩ ᠪᠤᠯᠤᠨ ᠬᠡᠪ ᠦᠯᠢᠭᠡᠷ ᠦᠨ ᠳᠤᠭᠤᠢᠯᠠᠩ ᠳᠤ ᠠᠳᠠᠯᠢ ᠬᠡᠮᠵᠢᠶᠡᠨ ᠦ ᠡᠩ ᠦᠨ ᠤᠰᠤ ᠶᠢ ᠦᠭᠴᠦ᠂ ᠡᠮ ᠦᠭᠬᠦ ᠳᠤᠭᠤᠢᠯᠠᠩ ᠳᠤ ᠬᠠᠷᠠᠭᠠᠯᠵᠠᠭᠰᠠᠨ ᠬᠡᠮᠵᠢᠶᠡᠨ ᠦ ᠳ᠋ᠢᠭᠳᠡ -4 ᠶᠢᠨ ᠳᠠᠩ ᠢ ᠡᠳᠦᠷ ᠲᠦ 1 ᠤᠳᠠᠭᠠ᠂ ᠨᠡᠢᠲᠡ 15 ᠡᠳᠦᠷ ᠦᠭᠭᠦᠪᠡ᠃ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠤᠳᠠᠭᠠ ᠡᠮ ᠦᠭᠭᠦᠭᠰᠡᠨ ᠦ ᠰᠡᠭᠦᠯᠡᠷ ᠡᠯᠢᠭᠡᠨ ᠡᠪᠡᠳᠴᠢᠨ ᠦ ᠬᠡᠪ ᠦᠯᠢᠭᠡᠷ ᠢ ᠵᠤᠬᠢᠶᠠᠭᠠᠳ᠂ ᠴᠢᠰᠦᠨ ᠴᠠᠢᠪᠠᠩ ᠳᠠᠬᠢ ᠬᠠᠷᠠᠭᠠᠯᠵᠠᠭᠰᠠᠨ ᠨᠤᠷᠮᠠ ᠲᠡᠮᠳᠡᠭ ᠪᠤᠯᠤᠨ ᠡᠯᠢᠭᠡᠨ ᠨᠡᠭᠡᠳᠡᠰᠦᠨ ᠦ ᠡᠪᠡᠳᠴᠢᠨ ᠦ ᠵᠦᠢ ᠶᠢᠨ ᠬᠤᠪᠢᠷᠠᠯᠲᠠ ᠶᠢ ᠪᠠᠢᠴᠠᠭᠠᠵᠠᠢ᠃ ᠦᠷᠡ ᠳ᠋ᠦᠩ᠄ ᠡᠷᠡᠭᠦᠯ ᠬᠠᠷᠢᠴᠠᠭᠤᠯᠬᠤ ᠳᠤᠭᠤᠢᠯᠠᠩ ᠪᠤᠯᠤᠨ ᠬᠡᠪ ᠦᠯᠢᠭᠡᠷ ᠦᠨ ᠳᠤᠭᠤᠢᠯᠠᠩ ᠢ ᠬᠠᠷᠢᠴᠠᠭᠤᠯᠪᠠ᠂ ᠬᠡᠪ ᠦᠯᠢᠭᠡᠷ ᠦᠨ ᠳᠤᠭᠤᠢᠯᠠᠩ ᠤᠨ ᠴᠢᠰᠦᠨ ᠴᠠᠢᠪᠠᠩ ᠳᠠᠬᠢ AST᠂ ALT ᠬᠡᠮᠵᠢᠶᠡ ᠨᠢ ᠢᠯᠡᠳᠲᠡ ᠳᠡᠭᠡᠭᠰᠢᠯᠡᠵᠦ (ᠪᠦᠷ P＜0.01)᠂ GSH-PX ᠨᠢ ᠢᠯᠡᠳᠲᠡ ᠲᠤᠭᠤᠭᠰᠢᠯᠠᠵᠠᠢ᠃ ᠡᠯᠢᠭᠡᠨ ᠨᠡᠭᠡᠳᠡᠰᠦ ᠶᠢᠨ ᠡᠰ ᠲᠦ ᠤᠰᠤᠨ ᠬᠠᠪᠤᠩ ᠡᠭᠦᠰᠴᠦ ᠦᠬᠦᠵᠢᠬᠦ ᠬᠤᠪᠢᠷᠠᠯᠲᠠ ᠭᠠᠷᠤᠭᠰᠠᠨ ᠪᠠᠢᠨᠠ᠃ ᠡᠯᠡ ᠡᠮ ᠦᠭᠬᠦ ᠳᠤᠭᠤᠢᠯᠠᠩ ᠪᠤᠯᠤᠨ ᠬᠡᠪ ᠦᠯᠢᠭᠡᠷ ᠦᠨ ᠳᠤᠭᠤᠢᠯᠠᠩ ᠢ ᠬᠠᠷᠢᠴᠠᠭᠤᠯᠪᠠᠯ᠂ ᠳ᠋ᠢᠭᠳᠡ -4 ᠶᠢᠨ ᠳᠠᠩ ᠤᠨ ᠳᠤᠮᠳᠠ᠂ ᠶᠡᠬᠡ ᠬᠡᠮᠵᠢᠶᠡᠨ ᠦ ᠳᠤᠭᠤᠢᠯᠠᠩ ᠨᠢ AST᠂ ALT ᠶᠢᠨ ᠬᠡᠮᠵᠢᠶᠡ ᠶᠢ ᠢᠯᠡᠳᠲᠡ ᠳᠤᠭᠤᠭᠰᠢᠯᠠᠭᠤᠯᠵᠤ᠂ GSH-PX ᠶᠢᠨ ᠬᠡᠮᠵᠢᠶ ᠡ ᠶᠢ ᠢᠯᠡᠳᠲᠡ ᠳᠡᠭᠡᠭᠰᠢᠯᠡᠭᠦᠯᠦᠭᠰᠡᠨ (P＜0.01) ᠪᠡ ᠡᠯᠢᠭᠡᠨ ᠨᠡᠭᠡᠳᠡᠰᠦ ᠶᠢᠨ ᠬᠤᠪᠢᠷᠠᠯᠲᠠ ᠶᠢ ᠵᠤᠬᠢᠬᠤ ᠬᠡᠮᠵᠢᠶᠡ ᠪᠡᠷ ᠡᠷᠡᠭᠦᠯᠵᠢᠭᠦᠯᠦᠭᠰᠡᠨ ᠪᠠᠢᠨᠠ᠃ ᠳ᠋ᠦᠩᠨᠡᠯᠲᠡ᠄ ᠳ᠋ᠢᠭᠳᠡ -4 ᠶᠢᠨ ᠳᠠᠩ ᠨᠢ ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠡᠯᠢᠭᠡᠨ ᠭᠡᠮᠲᠦᠯᠲᠦ ᠬᠡᠪ ᠦᠯᠢᠭᠡᠷ ᠪᠦᠬᠦᠢ ᠲᠤᠮᠤ ᠬᠤᠯᠤᠭᠠᠨᠠ ᠶᠢᠨ ᠡᠯᠢᠭᠡ ᠶᠢ ᠬᠠᠮᠠᠭᠠᠯᠠᠬᠤ ᠦᠢᠯᠡᠳᠦᠯ ᠲᠡᠢ ᠪᠠᠢᠨᠠ᠃ |
| 原文 |
没有原文
|
| 出自 |
内蒙古民族大学学报（蒙医药学）
2015年
第1期
|
