| 摘要 |
ᠲᠠᠲᠠᠷ ᠪᠤᠯ ᠡᠷᠲᠡ ᠤᠵᠠᠭᠤᠷ ᠠᠴᠠ ᠨᠡᠷᠡ ᠠᠯᠳᠠᠷᠰᠢᠭᠰᠠᠨ ᠮᠣᠩᠭ᠋ᠤᠯᠵᠢᠨ ᠠᠢ᠌ᠮᠠᠭ᠃ 8—10᠋ ᠳᠤᠭᠠᠷ ᠵᠠᠭᠤᠨᠠ ᠲᠠᠲᠠᠷ ᠠᠢ᠌ᠮᠠᠭ ᠨᠢ ᠮᠣᠩᠭ᠋ᠤᠯᠵᠢᠨ ᠤᠭᠰᠠᠭᠠᠲᠠᠨ ᠤ ᠳᠤᠲᠤᠷᠠ ᠬᠠᠮᠤᠭ ᠬᠦᠴᠦᠷᠬᠡᠭ᠌ ᠪᠠᠢ᠌ᠭᠰᠠᠨ ᠤ ᠤᠴᠢᠷ ᠲᠠᠲᠠᠷ ᠭᠡᠬᠦ ᠨᠡᠷᠡ ᠴᠦ ᠨᠢᠭᠡᠨ ᠦᠶᠡ ᠪᠦᠭᠦᠢ᠌ᠯᠡ ᠮᠣᠩᠭ᠋ᠤᠯᠵᠢᠨ ᠤᠭᠰᠠᠭᠠᠲᠠᠨ ᠤ ᠨᠡᠢ᠌ᠲᠡ ᠶᠢᠨ ᠨᠡᠷᠡᠢ᠌ᠳᠦᠯ ᠪᠤᠯᠵᠤ ᠪᠠᠢ᠌ᠪᠠ᠃ ᠭᠢᠳᠠᠨ ᠤᠯᠤᠰ ᠤᠨ ᠰᠡᠭᠦᠯᠴᠢ ᠪᠤᠯᠬᠤ ᠳᠤ ᠲᠠᠲᠠᠷ ᠤᠨ ᠬᠦᠴᠦᠨ ᠨᠡᠯᠢᠶᠡᠳ ᠪᠠᠭᠤᠷᠠᠭᠰᠠᠨ ᠪᠤᠯᠪᠠᠴᠤ ᠮᠦᠨ ᠮᠣᠩᠭ᠋ᠤᠯ ᠦᠨᠳᠦᠷᠯᠢᠭ ᠦᠨ ᠨᠢᠭᠡ ᠵᠦᠭ᠌ ᠢ ᠡᠵᠡᠯᠡᠭᠰᠡᠨ ᠬᠦᠴᠦᠷᠬᠡᠭ᠌ ᠠᠢ᠌ᠮᠠᠭ ᠪᠠᠢ᠌ᠭᠰᠠᠨ ᠰᠠᠨᠵᠠᠢ᠃ ᠠᠯᠲᠠᠨ ᠤᠯᠤᠰ ᠤᠨ ᠡᠬᠢᠨ ᠳᠦ ᠲᠠᠲᠠᠷ᠂ ᠠᠯᠲᠠᠨ ᠤᠯᠤᠰ ᠢ ᠳᠠᠭᠠᠵᠤ᠂ ᠴᠤᠢ ᠶᠢᠨ ᠢᠷᠭᠡᠨ ᠨᠢ ᠪᠤᠯᠤᠭᠠᠳ ᠮᠣᠩᠭ᠋ᠤᠯ᠂ ᠭᠡᠷᠡᠢ᠌ᠳ ᠵᠡᠷᠭᠡ ᠠᠢ᠌ᠮᠠᠭ ᠤᠳ ᠢ ᠰᠡᠷᠭᠡᠢ᠌ᠯᠡᠬᠦ ᠬᠠᠯᠬᠠᠪᠴᠢ ᠨᠢ ᠪᠤᠯᠵᠤ ᠪᠠᠢ᠌ᠭᠰᠠᠨ ᠪᠦᠭᠡᠳ ᠠᠯᠲᠠᠨ ᠤᠯᠤᠰ ᠠᠴᠠ ᠮᠣᠩᠭ᠋ᠤᠯ ᠵᠡᠷᠭᠡ ᠠᠢ᠌ᠮᠠᠭ ᠤᠳ ᠢ ᠲᠤᠪᠲᠤᠯᠬᠤ ᠳᠠᠢ᠌ᠨ ᠳᠤ ᠠᠯᠭᠢᠨᠴᠢᠯᠠᠵᠤ ᠪᠠᠢ᠌ᠵᠠᠢ᠃ ᠠᠯᠲᠠᠨ ᠤᠯᠤᠰ ᠤᠨ ᠵᠠᠩᠽᠦ᠋ᠩ ᠬᠠᠭᠠᠨ ᠤ ᠦᠶᠡ ᠳᠦ ᠲᠠᠲᠠᠷ ᠠᠯᠲᠠᠨ ᠤᠯᠤᠰ ᠠᠴᠠ ᠤᠷᠪᠠᠭᠠᠳ᠂ ᠠᠯᠲᠠᠨ ᠤᠯᠤᠰ ᠤᠨ ᠤᠮᠠᠷᠠᠲᠤ ᠬᠢᠵᠠᠭᠠᠷ ᠲᠤ ᠶᠡᠬᠡ ᠳᠤᠩᠰᠤᠯᠤᠯᠲᠠ ᠪᠤᠯᠵᠠᠢ᠃ ᠡᠨᠡ ᠦᠶᠡ ᠡᠴᠡ ᠡᠬᠢᠯᠡᠵᠦ ᠮᠣᠩᠭ᠋ᠤᠯ ᠦᠨᠳᠦᠷᠯᠢᠭ᠌᠋᠌᠌᠌᠌᠌᠌ ᠦᠨ ᠨᠢᠭᠡᠲᠦᠯ ᠦᠨ ᠶᠠᠪᠤᠴᠠ ᠳᠦᠷᠭᠡᠳᠴᠦ᠂ ᠰᠢᠨᠡ ᠴᠠᠭ ᠦᠶᠡ ᠳᠦ ᠣᠷᠤᠪᠠ᠃ |
