| 摘要 |
ᠲᠠᠬᠢᠯᠭᠠ ᠶᠢᠨ ᠪᠢᠴᠢᠭ᠌᠂ ᠲᠡᠦᠬᠡᠨ ᠪᠢᠴᠢᠭ᠌ ᠪᠡ ᠬᠡᠭᠡᠷᠡ ᠶᠢᠨ ᠰᠢᠨᠵᠢᠯᠡᠭᠡ ᠶᠢᠨ ᠮᠠᠲ᠋ᠧᠷᠢᠶᠠᠯ ᠢ ᠦᠨᠳᠦᠰᠦᠯᠡᠯ ᠪᠤᠯᠭᠠᠬᠤ ᠶᠢᠨ ᠵᠡᠷᠭᠡᠴᠡᠭᠡ ᠶᠡᠬᠡ ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠲᠦᠷᠦ ᠶᠢᠨ ᠲᠠᠬᠢᠯᠭᠠ ᠲᠠᠢ ᠬᠠᠷᠢᠴᠠᠭᠤᠯᠤᠨ ᠰᠢᠵᠢᠯᠡᠬᠦ ᠠᠷᠭᠠ ᠪᠠᠷ ᠵᠡᠭᠦᠨ ᠭᠠᠷ ᠬᠠᠭᠠᠯᠢᠭ ᠤᠨ ᠲᠦᠷᠦ ᠶᠢᠨ ᠲᠠᠬᠢᠯᠭᠠ ᠳᠤ ᠰᠢᠨᠵᠢᠯᠡᠯ ᠬᠢᠪᠡ᠃ ᠵᠡᠭᠦᠨ ᠭᠠᠷ ᠬᠠᠭᠠᠯᠢᠭ ᠳᠦᠷᠪᠡᠨ ᠴᠠᠭ ᠢᠶᠠᠷ ᠬᠤᠭᠤᠴᠠᠭᠠᠯᠠᠭᠰᠠᠨ ᠲᠡᠭᠷᠢ ᠭᠠᠵᠠᠷ ᠪᠡ ᠳᠡᠭᠡᠳᠦᠰ ᠦᠨ ᠲᠠᠬᠢᠯᠭᠠ ᠪᠠᠷ ᠠᠭᠤᠯᠭᠠ ᠪᠤᠯᠭᠠᠭᠰᠠᠨ ᠲᠦᠷᠦ ᠶᠢᠨ ᠲᠠᠬᠢᠯᠭᠠ ᠦᠢᠯᠡᠳᠴᠦ ᠪᠠᠢ᠌ᠵᠠᠢ᠃ ᠵᠤᠨ ᠤ ᠦᠷᠡᠰ ᠦᠨ ᠲᠠᠬᠢᠯᠭᠠ ᠪᠠᠨ ᠪᠤᠭᠲᠠ ᠠᠭᠤᠯᠠᠨ ᠳᠤ ᠬᠢᠵᠦ ᠪᠠᠢ᠌ᠭᠰᠠᠨ᠃ ᠲᠦᠷᠦ ᠶᠢᠨ ᠲᠠᠬᠢᠯᠭᠠ ᠳᠤᠨᠢ ᠲᠦᠪᠡᠳ ᠤᠯᠠᠮᠵᠢᠯᠠᠯᠲᠤ ᠪᠤᠷᠬᠠᠨ ᠤ ᠱᠠᠰᠢᠨ ᠤ ᠨᠦᠯᠦᠭᠡ ᠭᠦᠨ ᠳᠤᠰᠴᠠᠢ᠃ ᠠᠯᠲᠠᠨ ᠤᠷᠤᠭᠲᠠᠨ ᠲᠠᠢ ᠤᠷᠤᠭ ᠤᠨ ᠬᠠᠷᠢᠴᠠᠭᠠ ᠲᠠᠢ ᠬᠤᠢ᠌ᠳ ᠤᠨ ᠲᠦᠷᠦᠭᠦᠦ ᠶᠠᠪᠠᠭᠠᠨ ᠮᠡᠷᠭᠡᠨ ᠦ ᠨᠡᠷᠡ ᠶᠢᠨ ᠳᠤᠤᠷᠠ ᠣᠢ᠌ᠷᠠᠳ ᠤᠨ ᠬᠤᠯᠪᠤᠭᠠ ᠪᠠᠢ᠌ᠭᠤᠯᠤᠭᠰᠠᠨ ᠦᠵᠡᠯ ᠰᠠᠨᠠᠭᠠ᠂ ᠤᠯᠤᠰ ᠲᠦᠷᠦ ᠶᠢᠨ ᠤᠯᠠᠮᠵᠢᠯᠠᠯ ᠢ ᠮᠦᠷᠳᠡᠵᠦ ᠳᠡᠭᠡᠳᠦᠰ ᠦᠨ ᠲᠠᠬᠢᠯᠭᠠ ᠪᠠᠨ ᠮᠦᠨ ᠶᠠᠪᠠᠭᠠᠨ ᠮᠡᠷᠭᠡᠨ ᠦ ᠨᠡᠷᠡ ᠶᠢᠨ ᠳᠤᠤᠷᠠ ᠦᠢᠯᠡᠳᠴᠦ ᠪᠠᠢ᠌ᠵᠠᠢ᠃ |
