| Abstract |
ᠮᠣᠩᠭᠤᠯ ᠰᠢᠯᠦᠭ ᠤᠨ ᠠᠢᠵᠢᠮ ᠭᠡᠮ ᠤᠨ ᠲᠤᠬᠠᠢ ᠮᠠᠷᠭᠤᠭᠠᠨ ᠨᠢ ᠰᠢᠯᠦᠭ ᠤᠨ ᠤᠨᠤᠯ ᠤᠨ ᠲᠠᠪᠴᠠᠩ ᠳ᠋ᠤ ᠲᠠᠰᠤᠷᠠᠯᠲᠠ ᠦᠭᠡᠢ ᠦᠷᠨᠢᠭᠡᠳ᠂ ᠰᠢᠨᠡ ᠰᠢᠨᠡ ᠦᠵᠡᠯᠲᠡ ᠡᠳᠦᠢ ᠲᠡᠳᠦᠢ ᠭᠠᠷᠤᠯ ᠠ᠃ ᠭᠡᠪᠡᠴᠦ ᠬᠦᠮᠦᠰ ᠲᠤ ᠢᠳᠡᠭᠡᠭᠲᠡᠬᠦ ᠪᠦᠷᠢᠨ ᠪᠠᠷᠢᠯᠲᠠ ᠲᠤᠳᠠᠮᠠᠭ ᠡᠴᠡ ᠪᠣᠯᠵᠤ᠂ ᠠᠳᠠᠯᠢ ᠪᠣᠰᠤ ᠶᠢᠨ ᠰᠠᠨᠠᠯ ᠢ ᠨᠢᠭᠡᠳᠭᠡᠵᠦ ᠴᠢᠳᠠᠭᠠ ᠦᠭᠡᠢ ᠪᠢᠯᠡ᠃ ᠡᠭᠦᠨ ᠤ ᠦᠨᠳᠦᠰᠦ ᠰᠢᠯᠳᠠᠭᠠᠨ ᠨᠢ ᠮᠣᠩᠭᠤᠯ ᠰᠢᠯᠦᠭ ᠤᠨ ᠠᠢᠵᠢᠮ ᠭᠡᠮ ᠤᠨ ᠮᠦᠨ ᠴᠢᠨᠠᠷ ᠤᠨ ᠠᠰᠠᠭᠤᠳᠠᠯ ᠢ ᠤᠮᠳᠤᠭᠠᠢᠯᠠᠭᠰᠠᠨ ᠡᠴᠡ ᠪᠣᠯᠵᠠᠢ᠃ ᠦᠭᠡᠷ ᠡ ᠪᠡᠷ ᠬᠡᠯᠡᠪᠡᠯ᠂ ᠵᠦᠪᠬᠡᠨ ᠮᠣᠩᠭᠤᠯ ᠰᠢᠯᠦᠭ ᠤᠨ ᠠᠢᠵᠠᠮ ᠬᠡᠯᠪᠡᠷᠢ ᠶᠢᠨ ᠭᠠᠳᠠᠭᠠᠳᠤ ᠬᠡᠯᠪᠡᠷᠢ ᠵᠢ ᠯᠡ ᠡᠳᠦᠢ ᠲᠡᠳᠦᠢ ᠲᠠᠯ ᠠ ᠡᠴᠡ ᠢᠯᠡᠷᠡᠭᠦᠯᠦᠭᠰᠡᠨ ᠡᠴᠡ ᠪᠢᠰᠢ ᠲᠡᠭᠦᠨ ᠤ ᠲᠤᠲᠤᠭᠠᠲᠤ ᠠᠭᠤᠯᠭᠠ ᠵᠢ ᠢᠯᠡᠷᠡᠭᠦᠯᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠪᠠᠢᠨᠠ᠃ ᠦᠩᠭᠡᠷᠡᠭᠰᠡᠨ ᠪᠤᠶᠣ ᠤᠳᠤ ᠶᠢᠨ ᠮᠣᠩᠭᠤᠯ ᠰᠢᠯᠦᠭ ᠤᠨ ᠠᠢᠵᠠᠮ ᠭᠡᠮ ᠢ ᠰᠣᠳᠤᠯᠵᠤ ᠪᠠᠢᠭᠠ ᠰᠣᠳᠤᠯᠤᠭᠴᠢᠳ ᠨᠢ《ᠰᠢᠯᠦᠭ ᠤᠨ ᠠᠢᠵᠠᠮ ᠮᠦᠨ?ᠭᠡᠰᠡᠨ ᠦᠵᠡᠯᠲᠡ ᠵᠢ ᠪᠠᠷᠤᠭ ᠪᠦᠷ ᠲᠤᠷᠠᠳᠤᠭᠰᠠᠭᠠᠷ ᠢᠷᠡᠭᠰᠡᠨ ᠪᠣᠯᠪᠠᠴᠦ ᠪᠣᠳᠠᠳᠠᠢ ᠲᠡᠭᠡᠷ ᠡ ᠪᠠᠨ ᠴᠢᠬᠤᠯᠠᠴᠢᠯᠠᠨ ᠰᠤᠳᠤᠯᠤᠭᠰᠠᠨ ᠬᠦᠮᠦᠨ ᠪᠠᠷᠤᠭ ᠦᠭᠡᠢ ᠭᠡᠵᠦ ᠬᠡᠯᠡᠵᠦ ᠪᠤᠯᠤᠮᠠᠷ᠃ ᠲᠡᠢᠮᠦ ᠪᠣᠯᠬᠤᠷ᠂ ᠲᠤᠤᠷ ᠠ ᠪᠢ ᠲᠤᠰᠬᠠᠢᠯᠠᠨ ᠡᠨᠡ ᠲᠠᠯ ᠠ ᠪᠡᠷ ᠬᠦᠨᠳᠡᠵᠦ ᠦᠵᠡᠬᠦ ᠰᠠᠨᠠᠭᠠᠲᠠᠢ ᠪᠢᠯᠡ᠃ ᠢᠩᠬᠢᠬᠦ ᠳ᠋ᠡᠭᠡᠨ ᠡᠷᠲᠡᠨ ᠤ ᠮᠣᠩᠭᠤᠯ ᠰᠢᠯᠦᠭ ᠤᠨ ᠠᠢᠵᠠᠮ ᠤᠨ ᠰᠠᠭᠤᠷᠢ ᠪᠠ ᠪᠦᠲᠦᠴᠡ ᠡᠴᠡ ᠰᠡᠳᠦᠪᠯᠡᠨ ᠦᠵᠡᠭᠦᠯᠬᠦ ᠪᠣᠯᠤᠨ ᠠ᠃ |