| Abstract |
2007 ᠤᠨ ᠪᠤᠯ ᠤᠩᠨᠢᠭᠤᠳ ᠠᠢ᠌ᠮᠠᠭ ᠤᠨ ᠬᠤᠰᠢᠭᠤ ᠬᠤᠪᠢᠶᠠᠷᠢᠯᠠᠭᠳᠠᠭᠰᠠᠨ 370ᠵᠢᠯ ᠤᠨ ᠤᠢ ᠪᠤᠯᠤᠨᠠ᠃ 370ᠵᠢᠯ ᠤᠨ ᠡᠮᠤᠨᠡ᠂ ᠴᠢᠩ ᠤᠯᠤᠰ ᠤᠨ ᠳᠡᠭᠷᠢ ᠶᠢᠨ ᠰᠡᠴᠡᠨ ᠦ ᠵᠢᠷᠭᠤᠳᠤᠭᠠᠷ ᠤᠨ(1632ᠤᠨ) ᠳᠤ ᠤᠩᠨᠢᠭᠤᠳ ᠠᠢ᠌ᠮᠠᠭ ᠤᠨ ᠰᠦᠨ ᠲᠦᠭᠦᠷᠡᠩ᠂ᠲᠦᠩ ᠳᠠᠢ᠌ᠴᠢᠩ ᠠᠬᠠ ᠳᠡᠭᠦᠦ ᠬᠤᠶᠠᠭᠤᠯᠠ ᠴᠠᠬᠠᠷ ᠤᠨ ᠯᠢᠭᠳᠡᠨ ᠬᠠᠭᠠᠨ ᠡᠴᠡ ᠰᠠᠯᠵᠤ ᠬᠤᠢ᠌ᠳᠤ ᠠᠯᠲᠠᠨ ᠤᠯᠤᠰ ᠢ ᠳᠠᠭᠠᠰᠠᠨᠠ1636ᠤᠨ ᠳᠤ ᠬᠤᠸᠠᠩ ᠲᠠᠢ᠌ᠵᠢ ᠡᠴᠡ ᠭᠠᠳᠠᠭᠠᠳᠤ ᠮᠣᠩᠭᠣᠯ ᠤᠨ ᠤᠯᠠᠨ ᠨᠤᠶᠠᠳ ᠲᠠᠢ᠌ᠵᠢ ᠨᠠᠷ ᠲᠠᠢ ᠬᠤᠪᠢᠲᠠᠨ ᠠᠭᠤᠯᠵᠠᠬᠤ ᠵᠡᠷᠭᠡ ᠬᠡᠷᠬᠢᠮ ᠱᠠᠩᠨᠠᠨ᠂ ᠭᠠᠵᠠᠷ ᠨᠤᠲᠤᠭ ᠵᠢᠭᠠᠵᠤ ᠬᠤᠰᠢᠭᠤ ᠬᠤᠪᠢᠶᠠᠷᠢᠯᠠᠭᠰᠠᠨ ᠪᠠᠢ᠌ᠨᠠ᠃ᠤᠩᠨᠢᠭᠤᠳ ᠠᠢ᠌ᠮᠠᠭ ᠤᠨ ᠠᠬᠠᠯᠠᠭᠴᠢ ᠰᠦᠨ ᠲᠦᠭᠦᠷᠡᠩ ᠳᠤ ᠵᠠᠰᠠᠭ ᠲᠦᠷᠦ ᠶᠢᠨ ᠲᠦᠭᠦᠷᠡᠩ ᠵᠢᠶᠦ᠋ᠨ ᠸᠠᠩ ᠴᠤᠯᠠ ᠱᠠᠩᠨᠠᠵᠤ᠂ ᠤᠩᠨᠢᠭᠤᠳ ᠪᠠᠷᠠᠭᠤᠨ ᠬᠤᠰᠢᠭᠤ ᠶᠢ ᠵᠠᠬᠢᠷᠤᠭᠤᠯᠤᠨ ᠂ ᠬᠤᠰᠢᠭᠤᠨ ᠠᠷᠠᠳ ᠢ ᠬᠤᠷᠢᠨ ᠰᠤᠮᠤ ᠬᠤᠪᠢᠶᠠᠷᠢᠯᠠᠪᠠ᠃ ᠳᠡᠭᠦᠦ ᠲᠦᠩ ᠲᠠᠢ᠌ᠴᠢᠩ ᠳᠤᠨᠢ ᠲᠦᠷᠦ ᠶᠢᠨ ᠲᠠᠷᠬᠠᠨ ᠲᠠᠢ᠌ᠴᠢᠩ ᠴᠤᠯᠠ ᠱᠠᠩᠨᠠᠵᠤ᠂ ᠤᠩᠨᠢᠭᠤᠳ ᠵᠡᠭᠦᠨ ᠬᠤᠰᠢᠭᠤ ᠶᠢ ᠵᠠᠬᠢᠷᠤᠭᠤᠯᠤᠨ᠂ ᠬᠤᠰᠢᠭᠲᠤᠨ ᠠᠷᠠᠳ ᠢ ᠨᠢ ᠭᠤᠴᠢᠨ ᠨᠠᠢᠮᠠᠨ ᠰᠤᠮᠤ ᠬᠤᠪᠢᠶᠠᠪᠠ ᠂ ᠤᠩᠨᠢᠭᠤᠳ ᠤᠨ ᠵᠡᠭᠦᠨ ᠪᠠᠷᠠᠭᠤᠨ ᠬᠡᠮᠡᠬᠦ ᠨᠡᠷᠡᠢ᠌ᠳᠦᠯ ᠢᠩᠬᠢᠵᠦ ᠡᠬᠢᠯᠡᠭᠰᠡᠨ ᠪᠠᠢ᠌ᠨᠠ᠃ |