| Abstract |
《ᠵᠠᠩᠭ᠋ᠠᠷ》ᠨᠢ ᠮᠤᠩᠭ᠋ᠤᠯ ᠤᠷᠤᠨ ᠤ ᠪᠠᠷᠠᠭᠤᠨ ᠬᠤᠢ᠌ᠳᠤ ᠵᠠᠬᠠ ᠬᠢᠵᠠᠭᠠᠷ — ᠪᠠᠢ᠌ᠭᠠᠯ ᠲᠠᠯᠠᠢ ᠶᠢᠨ ᠡᠷᠬᠢ ᠪᠡᠷ ᠨᠤᠳᠤᠭᠯᠠᠳᠠᠭ ᠪᠤᠷᠢᠶᠠᠳ ᠮᠤᠩᠭ᠋ᠤᠯ ᠤᠨ ᠨᠤᠳᠤᠭ ᠲᠤ ᠨᠡᠯᠢᠶᠡᠳ ᠲᠡᠭᠡᠷᠡ ᠦᠶᠡ ᠡᠴᠡ ᠠᠮᠠ ᠪᠠ ᠪᠢᠴᠢᠭ᠌ ᠤᠨ ᠬᠡᠯᠪᠡᠷᠢ ᠪᠡᠷ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠢ᠌ᠵᠠᠢ᠃ ᠤᠳᠤᠬᠠᠨ ᠳᠤ ᠮᠡᠳᠡᠭᠳᠡᠵᠦ ᠪᠠᠢ᠌ᠬᠤ ᠪᠤᠷᠢᠶᠠᠳ 《ᠵᠠᠩᠭ᠋ᠠᠷ》 ᠤᠨ ᠭᠤᠷᠪᠠᠨ ᠪᠦᠯᠦᠭ ᠨᠢ ᠠᠭᠤᠯᠭᠠ ᠶᠢᠨ ᠬᠤᠪᠢ ᠳᠤ ᠭᠤᠤᠯᠳᠠᠭᠤ ᠭᠡᠷ ᠠᠪᠤᠯᠭᠠ ᠶᠢᠨ ᠦᠢᠯᠡ ᠶᠠᠪᠤᠳᠠᠯ ᠶᠢᠡᠷ ᠭᠤᠤᠯ ᠰᠡᠳᠦᠪᠯᠡᠭᠦᠨ ᠪᠤᠯᠭᠠᠭᠰᠠᠨ ᠪᠤᠯᠪᠠᠴᠤ ᠠᠳᠠᠯᠢ ᠪᠤᠰᠤ ᠴᠠᠭ ᠦᠶᠡ ᠳᠤ ᠠᠳᠠᠯᠢ ᠪᠤᠰᠤ ᠭᠠᠵᠠᠷ ᠤᠷᠤᠨ ᠤ ᠦᠰᠦᠳ ᠦᠭᠡᠷᠡ ᠲᠤᠤᠯᠢᠴᠢ （ᠪᠤᠶᠤ ᠵᠠᠩᠭ᠋ᠠᠷᠴᠢ）ᠡᠴᠡ ᠲᠡᠮᠳᠡᠭᠯᠡᠭᠰᠡᠨ᠂ ᠬᠤᠭᠤᠷᠤᠨᠳᠤ ᠪᠠᠨ ᠨᠡᠯᠢᠶᠡᠳ ᠵᠦᠷᠢᠶᠡ ᠲᠠᠢ ᠲᠸᠺᠰᠲ ᠤᠳ ᠪᠠᠢ᠌ᠬᠤ ᠡᠴᠡ ᠦᠵᠡᠬᠦ ᠳᠤ᠂《ᠵᠠᠩᠭ᠋ᠠᠷ》ᠪᠤᠯ ᠪᠤᠷᠢᠶᠠᠳ ᠨᠤᠳᠤᠭ ᠶᠢᠡᠷ ᠨᠡᠯᠢᠶᠡᠳ ᠦᠷᠭᠡᠨ ᠲᠡᠯᠭᠡᠷ ᠤᠯᠠᠮᠵᠢᠯᠠᠯ ᠲᠠᠢ ᠪᠠᠢ᠌ᠭᠰᠠᠨ ᠭᠡᠳᠡᠭ ᠢ ᠲᠤᠳᠤᠷᠬᠠᠢ᠌ᠯᠡᠵᠤ ᠪᠠᠢ᠌ᠨᠠ᠃ |