| Abstract |
《 ᠮᠤᠩᠭ᠋ᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》 ᠳᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠬᠠᠰᠠᠷ ᠤᠨ ᠲᠤᠬᠠᠢ ᠲᠡᠮᠳᠡᠭᠯᠡᠯ ᠨᠢ ᠮᠦᠨ ᠡᠳᠦᠢᠬᠡᠨ ᠪᠤᠯᠪᠠᠰᠤ ᠲᠡᠢ᠌ᠮᠤ ᠠᠷᠪᠢᠨ ᠲᠠᠪᠠᠭᠤᠯᠤᠯ ᠬᠡᠳᠦᠷᠡᠭᠦᠯᠦᠯ ᠭᠡᠵᠦ ᠪᠠᠷᠤᠭ ᠪᠠᠢ᠌ᠬᠤ ᠦᠭᠡᠢ᠂ ᠲᠤᠮᠤ ᠦᠯᠢᠭᠡᠷ ᠤᠨ ᠵᠦᠢᠯ ᠴᠤ ᠦᠨᠳᠦᠰᠦᠨ ᠳᠡᠬᠡᠨ ᠦᠭᠡᠢ᠃ ᠲᠠᠷᠤᠢ ᠲᠡᠦᠬᠡᠳᠦ ᠬᠦᠮᠦᠨ ᠬᠠᠰᠠᠷ ᠪᠤᠯᠤᠨ ᠲᠡᠭᠦᠨ ᠤ ᠬᠡᠰᠡᠭ ᠪᠤᠰᠠᠭ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠦᠨᠡᠨ ᠮᠦᠨ ᠶᠢᠡᠷ ᠨᠢ ᠲᠡᠮᠳᠡᠭᠯᠡᠭᠰᠡᠨ ᠪᠠᠢ᠌ᠨᠠ ᠭᠡᠵᠦ ᠦᠵᠡᠵᠦ ᠪᠤᠯᠤᠨᠠ᠃ ᠲᠡᠭᠡᠬᠦᠯᠡᠷ ᠬᠠᠰᠠᠷ ᠤᠨ ᠲᠤᠬᠠᠢ ᠰᠤᠳᠤᠯᠬᠤ ᠳᠤ ᠬᠠᠰᠢᠯᠠ《 ᠮᠤᠩᠭ᠋ᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》 ᠶᠢᠡᠷ ᠭᠤᠤᠯ ᠰᠤᠷᠪᠤᠯᠵᠢᠰ ᠪᠤᠶᠤ ᠭᠠᠷ ᠠᠪᠤᠯᠭᠠ ᠪᠤᠯᠭᠠᠪᠠᠯ ᠪᠢᠳᠡ ᠰᠠᠶᠢ ᠬᠠᠰᠠᠷ ᠭᠡᠳᠡᠭ ᠬᠦᠮᠦᠨ ᠢ ᠵᠦᠪ ᠲᠠᠨᠢᠨ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠡᠷ ᠰᠤᠳᠤᠯᠵᠤ ᠦᠨᠡᠯᠡᠵᠦ ᠴᠢᠳᠠᠨᠠ᠃ ᠮᠦᠨ ᠡᠢ᠌ᠮᠤ ᠨᠢᠭᠡᠨ ᠬᠦᠰᠡᠯ ᠵᠤᠷᠢᠯᠭᠠ ᠶᠢᠨ ᠡᠭᠦᠳᠡᠨ ᠡᠴᠡ ᠲᠤᠰ ᠦᠭᠦᠯᠡᠯ ᠤᠨ ᠵᠤᠬᠢᠶᠠᠭᠴᠢ ᠪᠡᠷ 《 ᠮᠤᠩᠭ᠋ᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》 ᠳᠡᠬᠢ ᠬᠠᠰᠠᠷ ᠤᠨ ᠲᠤᠬᠠᠢ ᠲᠡᠮᠳᠡᠭᠯᠡᠯ ᠤᠳ ᠢ ᠦᠭᠦᠯᠡᠯ ᠳᠡᠭᠡᠨ ᠪᠦᠷᠢᠨᠡ ᠰᠡᠢ᠌ᠷᠡᠭᠦᠯᠵᠦ᠂ ᠨᠢᠭᠡ ᠲᠠᠯᠠ ᠪᠡᠷ ᠦᠪᠡᠷ ᠤᠨ ᠲᠡᠪᠰᠢᠭᠦᠯᠦᠨ ᠪᠠᠢ᠌ᠭᠠ ᠦᠵᠡᠯᠳᠡ ᠪᠠᠨ ᠪᠠᠳᠤᠯᠠᠬᠤ ᠶᠢᠨ ᠬᠠᠮᠳᠤ ᠳᠤ ᠨᠦᠭᠦᠭᠡ ᠲᠠᠯᠠ ᠪᠡᠷ ᠮᠡᠷᠭᠡᠵᠢᠯ ᠨᠢᠭᠡᠳᠡᠢ ᠪᠤᠰᠤᠳ ᠡᠷᠳᠡᠮᠳᠡᠨ ᠰᠤᠳᠤᠯᠤᠭᠴᠢ ᠨᠠᠷ ᠲᠠᠭᠠᠨ ᠪᠠᠭᠠ ᠴᠤ ᠭᠡᠰᠡᠨ ᠲᠦᠭᠦᠮ ᠲᠦᠳᠡ ᠪᠤᠯᠭᠠᠬᠤ ᠭᠡᠰᠡᠨ ᠵᠤᠷᠢᠯᠳᠠ ᠳᠠᠭᠠᠨ ᠦᠢᠯᠡᠴᠢᠯᠡᠵᠦ ᠪᠠᠢ᠌ᠭᠠ ᠨᠢ ᠡᠨᠡ ᠪᠢᠯᠡ᠃ |