| Abstract |
ᠪᠢᠢ ᠪᠢᠢᠯᠡᠭᠡ ᠶᠢᠨ ᠭᠠᠷᠪᠠᠯᠢ ᠨᠢ ᠤᠭ ᠲᠤ ᠪᠠᠨ ᠲᠠᠢ᠌ᠯᠠᠭᠠ ᠲᠠᠬᠢᠯᠭᠠ ᠶᠢᠨ ᠦᠢᠯᠡ ᠡᠴᠡ ᠡᠬᠢ ᠲᠠᠢ ᠲᠤᠯᠠ ᠤᠷᠴᠢᠨ ᠴᠠᠭ ᠤᠨ ᠪᠦᠵᠢᠭ᠌ ᠤᠨ ᠬᠡᠯᠡᠨ ᠤ ᠲᠤᠭᠳᠠᠯᠴᠠᠭᠠ ᠪᠡᠷ ᠪᠤᠶᠤ ᠤᠳᠬᠠᠳᠤ ᠬᠦᠳᠡᠯᠭᠡᠭᠡᠨ ᠬᠤᠪᠢᠯᠪᠤᠷᠢᠰᠢᠬᠤ ᠭᠠᠯᠪᠢᠷ ᠵᠤᠬᠢᠷᠠᠯ ᠶᠢᠡᠷ ᠰᠢᠭᠤᠳ ᠲᠠᠢ᠌ᠯᠪᠤᠷᠢᠯᠠᠬᠤ ᠪᠤᠯᠤᠮᠵᠢ ᠦᠭᠡᠢ ᠶᠤᠮ᠃ ᠡᠨᠡ ᠠᠰᠠᠭᠤᠳᠠᠯ ᠨᠢ ᠤᠪᠤᠭ ᠤᠨ ᠪᠠᠢ᠌ᠭᠤᠯᠤᠯ ᠤᠨ ᠲᠡᠷᠳᠡᠭᠡᠬᠢ ᠲᠠᠢ᠌ᠯᠭᠠ ᠲᠠᠬᠢᠯᠭᠠ᠂ ᠡᠷᠭᠦᠯ ᠤᠨ ᠶᠤᠰᠤᠨ ᠤ ᠵᠠᠩᠭ᠋ᠠ ᠲᠤᠬᠢᠯᠪᠤᠷᠢ ᠪᠠᠨ ᠪᠡᠶᠡ ᠪᠡᠷ ᠦᠢᠯᠡᠳᠬᠦ ᠠᠢ ᠪᠠᠢ᠌ᠳᠠᠯ ᠤᠨ ᠠᠢ᠌ᠮᠠᠭᠯᠠᠯ ᠦᠭᠡᠢ᠂ ᠠᠩᠬᠠᠳᠠᠭᠴᠢ ᠲᠠᠢ᠌ᠯᠪᠤᠷᠢᠯᠠᠯ ᠤᠨ ᠬᠦᠷᠢᠶᠡᠨ ᠳᠤ ᠶᠠᠷᠢᠭᠳᠠᠬᠤ ᠵᠦᠢᠯ ᠭᠡᠵᠦ ᠪᠠᠭᠴᠠᠭᠠᠯᠠᠵᠤ ᠪᠠᠢ᠌ᠨᠠ᠃ ᠢᠯᠠᠩᠭ᠋ᠤᠶᠠ ᠬᠦᠮᠦᠨ ᠤ ᠤᠷᠤᠰᠢᠬᠤᠢ ᠳᠤ ᠶᠡᠬᠡᠬᠡᠨ ᠬᠠᠮᠢᠶᠠᠷᠤᠯ ᠲᠠᠢ ᠵᠦᠩ ᠰᠤᠪᠢᠩ᠂ ᠠᠶᠤᠳᠠᠰᠤ ᠵᠡᠷᠭᠡ ᠤᠬᠠᠮᠰᠠᠷ ᠦᠭᠡᠢ ᠶᠢᠨ ᠲᠤᠳᠤᠭᠠᠳᠤ ᠲᠦᠯᠬᠢᠴᠡ᠂ ᠠᠪᠤᠷᠠᠯ ᠬᠠᠮᠠᠭᠠᠯᠠᠯ ᠢ ᠬᠦᠰᠡᠮᠵᠢᠯᠡᠬᠦ ᠲᠤᠮ ᠰᠢᠪᠰᠢᠯᠭᠡ ᠪᠦᠬᠦᠢ ᠰᠢᠳᠢ ᠶᠢᠨ ᠦᠢᠯᠡ ᠰᠢᠯᠳᠠᠭᠠᠨ ᠳᠤ ᠰᠠᠭᠤᠷᠢᠯᠠᠨ ᠤᠢ᠌ᠯᠠᠭᠠᠪᠠᠯ ᠵᠤᠬᠢᠯᠳᠠᠢ᠃ ᠤᠴᠢᠷ ᠨᠢ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠬᠦᠮᠦᠨ ᠤ ᠠᠯᠢᠪᠠ ᠦᠢᠯᠡᠳᠦᠯ ᠨᠢ 《ᠬᠠᠮᠳᠤ ᠶᠢᠨ ᠤᠬᠠᠮᠰᠠᠷ》 ᠤᠨ ᠬᠠᠷᠢᠯᠴᠠᠭᠠ ᠪᠡᠷ ᠰᠢᠢᠳᠦᠭᠳᠡᠬᠦ ᠬᠤᠷᠢᠭᠠ ᠴᠡᠭᠡᠷ ᠲᠤ ᠰᠠᠭᠤᠷᠢᠯᠠᠵᠤ ᠪᠠᠢ᠌ᠭᠰᠠᠨ ᠢ ᠤᠯᠠᠨ ᠰᠤᠳᠤᠯᠤᠭᠠᠴᠢᠳ ᠲᠡᠮᠳᠡᠭᠯᠡᠳᠡᠭ᠃ ᠬᠤᠷᠢᠭᠠ ᠴᠡᠭᠡᠷ ᠲᠤ ᠨᠢᠭᠤᠭᠳᠠᠮᠠᠯ ᠰᠢᠨᠵᠢᠳᠠᠢ ᠤᠷᠤᠰᠢᠳᠠᠭ ᠪᠢᠨᠠᠷ ᠤᠳᠬᠠᠯᠠᠪᠤᠷᠢ ᠳᠤ ᠲᠠᠯᠳᠠ ᠬᠦᠴᠦ ᠶᠢ （ᠡᠵᠡᠨ ᠰᠠᠪᠳᠠᠭ᠂ ᠰᠡᠳᠡᠷᠳᠦ ᠠᠮᠢᠳᠠᠨ）ᠤᠷᠢᠳᠤ ᠤᠷᠢᠳᠤ ᠡᠴᠡ ᠬᠡᠳᠦᠢ᠌ᠳᠤᠨ ᠤᠨᠤᠭᠠᠬᠤ ᠠᠷᠭᠠ （ᠮᠢᠰᠲ᠋ᠢᠹᠢᠭᠡᠴᠢ）ᠢᠯᠡᠭᠦᠦ ᠲᠠᠢ ᠠᠬᠤᠭᠤᠯᠤᠭᠳᠠᠳᠠᠭ ᠪᠦᠭᠡᠳ ᠴᠤᠬᠤᠮ ᠳᠤ ᠪᠠᠨ ᠲᠡᠷᠡ ᠬᠦᠷᠢᠶᠡᠨ ᠳᠤ ᠪᠢᠳᠡᠨ ᠤ ᠨᠢᠭ᠌ᠳᠠᠯᠠᠵᠤ ᠪᠤᠢ ᠪᠢᠢ ᠪᠢᠢᠯᠡᠭᠡ ᠶᠢᠨ ᠠᠮᠤᠷᠹ ᠭᠠᠷᠪᠠᠯᠢ ᠶᠢᠨ ᠲᠤᠬᠠᠢ ᠠᠰᠠᠭᠤᠳᠠᠯ ᠶᠠᠷᠢᠭᠳᠠᠬᠤ ᠳᠤ ᠬᠦᠷᠦᠭᠰᠡᠨ ᠪᠢᠯᠡ᠃ |