| Abstract |
ᠬᠡᠳᠦᠨ ᠵᠢᠯ ᠦᠨ ᠲᠤᠷᠰᠢᠬᠢ ᠮᠣᠩᠭᠤᠯ ᠤᠷᠠᠨ ᠵᠤᠬᠢᠶᠠᠯ ᠤᠨ ᠪᠠᠢᠳᠠᠯ ᠭᠡᠪᠡᠯ᠄ ᠨᠢᠭᠡ ᠳᠦ᠂ ᠠᠮᠢᠳᠤᠷᠠᠯ ᠢ ᠳᠤᠰᠬᠠᠵᠤ᠂ ᠰᠡᠳᠦᠪ ᠰᠤᠩᠭ᠋ᠤᠬᠤ ᠲᠠᠯᠠ ᠪᠠᠷ ᠦᠷᠭᠡᠵᠢᠨ ᠶᠡᠬᠡᠳᠴᠦ᠂ ᠵᠤᠬᠢᠶᠠᠯ ᠤᠨ ᠬᠦᠨᠴᠡ ᠶᠢ ᠠᠩᠬᠠᠷᠴᠤ ᠪᠠᠢᠬᠤ; ᠬᠤᠶᠠᠷ ᠲᠤ᠂ ᠵᠤᠬᠢᠶᠠᠨ ᠪᠦᠲᠦᠭᠡᠬᠦ ᠤᠷᠠᠯᠢᠭ ᠤᠨ ᠲᠠᠯᠠ ᠪᠠᠷ ᠮᠦᠨ ᠡᠳᠦᠢ ᠲᠡᠳᠦᠢ ᠳᠡᠭᠡᠭᠰᠢᠯᠡᠵᠦ ᠪᠠᠢᠬᠤ; ᠭᠤᠷᠪᠠ ᠳᠤ᠂ ᠵᠤᠬᠢᠶᠠᠭᠴᠢ ᠶᠢᠨ ᠦᠪᠡᠷᠦᠨ ᠵᠤᠬᠢᠶᠠᠯ ᠳᠠᠭ᠋ᠠᠨ ᠰᠢᠭ᠋ᠤᠳ ᠣᠷᠤᠵᠤ᠂ ᠦᠵᠡᠯᠲᠡ ᠰᠡᠳᠬᠢᠯᠭᠡ ᠪᠡᠨ ᠰᠢᠭ᠋ᠤᠳ ᠲᠤᠭ᠋ᠠᠴᠢᠨ ᠢᠯᠡᠷᠡᠭᠦᠯᠵᠦ ᠪᠠᠢᠬᠤ᠃ ᠳᠡᠭᠡᠷᠡᠬᠢ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠡᠴᠡ ᠭᠠᠳᠠᠨᠠ ᠪᠡᠯᠡ ᠬᠦᠷᠦᠯᠴᠡᠬᠦ ᠦᠭᠡᠢ ᠲᠠᠯᠠ ᠪᠤᠢ᠄ ᠨᠢᠭᠡ ᠳᠦ᠂ ᠮᠠᠨ ᠤ ᠤᠷᠠᠨ ᠵᠤᠬᠢᠶᠠᠯ ᠤᠨ ᠳᠤᠰᠬᠠᠵᠤ ᠪᠠᠢᠭᠠ ᠨᠡᠢᠭᠡᠮ ᠦᠨ ᠠᠮᠢᠳᠤᠷᠠᠯ ᠤᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠬᠡᠳᠦᠢᠪᠡᠷ ᠦᠷᠭᠡᠵᠢᠵᠦ ᠪᠠᠢᠭᠠ ᠪᠤᠯᠪᠠᠴᠤ᠂ ᠪᠤᠳᠳᠠᠲᠤ ᠠᠮᠢᠳᠤᠷᠠᠯ ᠤᠨ ᠲᠠᠯᠠ ᠪᠦᠬᠦᠨ ᠢ ᠰᠡᠳᠦᠪᠯᠡᠵᠦ᠂ ᠣᠯᠠᠨ ᠲᠠᠯᠠ ᠠᠴᠠ ᠨᠢ ᠬᠠᠷᠠᠭ᠋ᠤᠯᠵᠤ ᠪᠠᠢᠬᠤ ᠪᠠᠷ ᠭᠦᠢᠴᠡᠳ ᠦᠭᠡᠢ; ᠬᠤᠶᠠᠷ ᠲᠤ᠂ ᠵᠤᠬᠢᠶᠠᠯ ᠤᠨ 《ᠦᠯᠢᠭᠡᠷᠯᠢᠭ ᠶᠠᠪᠤᠴᠠ》 ᠶᠢᠨ ᠪᠦᠷᠢᠨ ᠪᠦᠲᠦᠨ ᠪᠠᠢᠬᠤ ᠶᠢ ᠴᠢᠬᠤᠯᠠᠴᠢᠯᠠᠨ ᠰᠡᠳᠬᠢᠭᠰᠡᠨ ᠵᠤᠬᠢᠶᠠᠯ ᠤᠨ ᠪᠠᠭ᠋ᠠᠲᠤᠷ ᠤᠨ ᠵᠠᠩ ᠴᠢᠨ᠋ᠠᠷ ᠢᠶᠠᠨ ᠢᠷᠠᠭ᠋ᠤ ᠲᠤᠳᠤ ᠢᠯᠡᠷᠡᠭᠦᠯᠬᠦ ᠲᠠᠯᠠ ᠪᠠᠷ ᠳᠤᠲᠠᠮᠠᠭ ᠪᠠᠢᠬᠤ; ᠭᠤᠷᠪᠠ ᠳᠤ᠂ ᠵᠤᠬᠢᠶᠠᠯ ᠪᠦᠲᠦᠭᠡᠯ ᠦᠨ ᠢᠯᠡᠷᠡᠭᠦᠯᠬᠦ ᠠᠷᠭᠠ ᠠᠪᠴᠢᠯ ᠤᠨ ᠲᠠᠯᠠ ᠪᠠᠷ ᠣᠯᠠᠰᠢᠷᠠᠭ᠋ᠤᠯᠬᠤ ᠴᠢᠬᠤᠯᠠᠲᠠᠢ᠂ ᠠᠬᠢᠨ ᠳᠠᠪᠰᠢᠬᠤ ᠳᠤ ᠠᠩᠬᠠᠷᠤᠭ᠋ᠤᠰᠢᠲᠠᠢ ᠬᠡᠳᠦᠨ ᠠᠰᠠᠭ᠋ᠤᠳᠠᠯ᠄ ᠡᠩ ᠲᠡᠷᠢᠭᠦᠨ ᠳᠦ᠂ ᠠᠮᠢᠳᠤᠷᠠᠯ ᠳᠤ ᠭᠦᠨᠵᠡᠭᠡᠢᠷᠡᠵᠦ ᠪᠤᠳᠠᠲᠤ ᠠᠮᠢᠳᠤᠷᠠᠯ ᠢ ᠰᠤᠳᠤᠯᠬᠤ; ᠬᠤᠶᠠᠳᠤᠭ᠋ᠠᠷ ᠲᠤ᠂ ᠪᠤᠰᠤᠳ ᠢ ᠮᠡᠳᠡᠵᠦ᠂ ᠪᠡᠶᠡ ᠪᠡᠨ ᠣᠢᠯᠠᠭ᠋ᠠᠵᠤ᠂ ᠵᠦᠷᠢᠶᠡ ᠪᠡᠨ ᠡᠷᠢᠵᠦ᠂ ᠵᠦᠪᠯᠡᠯ ᠢᠶᠡᠨ ᠲᠤᠳᠤᠯᠠᠵᠤ᠂ ᠵᠡᠷᠭᠡᠴᠡᠨ ᠬᠦᠭᠵᠢᠬᠦ ᠪᠡᠷ ᠴᠢᠷᠮᠠᠢᠬᠤ; ᠭᠤᠷᠪᠠᠳᠤᠭ᠋ᠠᠷ ᠲᠤ᠂ ᠣᠨᠴᠠᠯᠢᠭ ᠳᠠᠭ᠋ᠠᠨ ᠲᠤᠬᠢᠷᠠᠭ᠋ᠤᠯᠤᠨ ᠣᠷᠴᠢᠨ ᠳᠠᠭ᠋ᠠᠨ ᠵᠤᠬᠢᠴᠠᠭ᠋ᠤᠯᠵᠤ᠂ ᠦᠪᠡᠷᠦᠨ ᠵᠠᠮ ᠢᠶᠠᠨ ᠭᠠᠷᠭ᠋ᠠᠬᠤ; ᠳᠦᠷᠪᠡᠳᠦᠭᠡᠷ ᠲᠦ᠂ ᠵᠤᠬᠢᠶᠠᠯ ᠪᠦᠲᠦᠭᠡᠯ ᠦᠨ ᠰᠢᠭᠦᠮᠵᠢ ᠶᠢ ᠬᠦᠭᠵᠢᠭᠡᠨᠲᠡᠢ ᠪᠤᠯᠭ᠋ᠠᠵᠤ᠂ ᠵᠤᠬᠢᠶᠠᠯ ᠪᠦᠲᠦᠭᠡᠯ ᠦᠨ ᠴᠡᠴᠡᠭᠯᠡᠯᠲᠡ ᠶᠢ ᠠᠬᠢᠭ᠋ᠤᠯᠬᠤ᠃ |