| Abstract |
ᠡᠷᠳᠡᠨ ᠤ ᠮᠤᠩᠭ᠋ᠤᠯᠴᠤᠳ ᠤᠨ ᠪᠠᠯᠠᠷᠯᠢᠭ ᠰᠡᠳᠭᠢᠬᠦᠢ ᠡᠴᠡ ᠪᠤᠯᠵᠤ ᠦᠶᠡ ᠬᠡᠦᠬᠡᠳ᠂ ᠡᠳ᠋ ᠪᠤᠳᠠᠰ ᠤᠨ ᠦᠷᠡᠵᠢᠯ ᠪᠤᠢ᠌ᠵᠢᠯ ᠢ ᠡᠬᠡ ᠪᠠᠢ᠌ᠭᠠᠯᠢ ᠶᠢᠨ ᠠᠮᠢ ᠠᠬᠤᠢ ᠲᠠᠢ ᠬᠤᠯᠪᠤᠨ ᠪᠤᠳᠤᠵᠤ᠂ ᠪᠠᠢ᠌ᠭᠠᠯᠢ ᠶᠢᠷᠳᠢᠨᠴᠦ ᠶᠢ ᠠᠮᠢᠯᠠᠭᠤᠯᠵᠤ᠂《ᠲᠡᠭᠷᠢ᠂ ᠨᠡᠷᠡ᠂ ᠠᠭᠤᠯᠠ᠂ ᠬᠠᠳᠠ᠂ ᠤᠪᠤᠭᠠ᠂ ᠱᠠᠩᠰᠢ》ᠵᠡᠷᠭᠡ ᠪᠡᠷ ᠡᠷᠡ ᠪᠡᠯᠭᠡ ᠶᠢ ᠪᠡᠯᠭᠡᠳᠡᠨ᠂ 《ᠭᠠᠵᠠᠷ ᠲᠡᠯᠡᠭᠡᠢ ᠂ ᠠᠭᠤᠢ ᠨᠦᠬᠡ᠂ ᠰᠠᠷᠠ᠂ ᠭᠤᠤᠯ ᠭᠤᠷᠤᠬᠠ》ᠵᠡᠷᠭᠡ ᠪᠡᠷ ᠡᠮᠡ ᠪᠡᠯᠭᠡ ᠶᠢ ᠪᠡᠯᠭᠡᠳᠡᠵᠦ᠂ ᠲᠡᠳᠡᠭᠡᠷ ᠡᠴᠡ ᠦᠷᠡ ᠬᠡᠦᠬᠡᠳ᠂ ᠠᠳᠤᠭᠤ ᠮᠠᠯ᠂ ᠲᠠᠷᠢᠶᠠ ᠲᠦᠮᠦᠰᠦ ᠶᠢᠨ ᠦᠷᠡᠵᠢᠯ ᠦᠰᠦᠯᠳᠡ ᠶᠢ ᠭᠤᠶᠤᠴᠢᠯᠠᠵᠤ ᠪᠠᠢ᠌ᠭᠰᠠᠨ ᠮᠤᠩᠭ᠋ᠤᠯᠴᠤᠳ ᠤᠨ ᠦᠵᠡᠯᠳᠡ ᠰᠡᠳᠭᠢᠬᠦᠢ ᠨᠢ ᠨᠡᠢ᠌ᠭᠡᠮ ᠤᠨ ᠬᠦᠭ᠍ᠵᠢᠯᠳᠡ᠂ ᠤᠷᠴᠢᠨ ᠲᠤᠭᠤᠷᠢᠨ ᠤ ᠦᠭᠡᠷᠡᠴᠢᠯᠡᠯᠳᠡ ᠪᠠ ᠰᠤᠶᠤᠯ ᠤᠨ ᠰᠤᠯᠢᠯᠴᠠᠭᠠ ᠶᠢᠨ ᠨᠦᠯᠦᠭᠡ ᠡᠴᠡ ᠰᠢᠯᠳᠠᠭᠠᠯᠠᠨ ᠬᠤᠪᠢᠷᠠᠵᠤ ᠬᠦᠭ᠍ᠵᠢᠭ᠍ᠰᠡᠨ ᠪᠠᠢ᠌ᠨᠠ᠃ ᠡᠨᠡ ᠬᠦ ᠦᠵᠡᠯᠳᠡ ᠰᠡᠳᠭᠢᠬᠦᠢ ᠶᠢᠨ ᠬᠤᠪᠢᠷᠠᠯ ᠬᠦᠭ᠍ᠵᠢᠯ ᠨᠢ ᠮᠤᠩᠭ᠋ᠤᠯᠴᠤᠳ ᠤᠨ ᠵᠠᠩ ᠦᠢᠯᠡ ᠪᠠ ᠱᠠᠰᠢᠨ ᠰᠢᠳᠦᠯᠭᠡ ᠳᠤ ᠭᠦᠨ ᠲᠤᠰᠬᠠᠭᠳᠠᠪᠠ᠃ ᠲᠤᠬᠠᠢ᠌ᠯᠠᠪᠠᠯ᠂ ᠦᠷᠡ ᠶᠢᠨ ᠬᠤᠳᠤᠭ ᠭᠤᠶᠤᠬᠤ ᠵᠠᠩ ᠦᠢᠯᠡ᠂ ᠲᠦᠷᠦᠵᠦ ᠮᠡᠨᠳᠦᠯᠡᠬᠦ ᠴᠡᠭᠡᠷ ᠶᠤᠰᠤᠨ᠂ ᠤᠷᠤᠭ ᠬᠤᠷᠢᠮ ᠤᠨ ᠵᠠᠩ ᠦᠢᠯᠡ᠂ ᠨᠡᠷᠡ ᠬᠠᠢ᠌ᠷᠠᠯᠠᠬᠤ ᠵᠠᠩ ᠦᠢᠯᠡ ᠵᠡᠷᠭᠡ ᠨᠢ ᠪᠦᠷ ᠪᠠᠯᠠᠷᠯᠢᠭ ᠰᠢᠳᠦᠯᠭᠡ ᠶᠢᠨ ᠰᠠᠭᠤᠷᠢ ᠲᠡᠭᠡᠷᠡ ᠬᠦᠭ᠍ᠵᠢᠨ ᠬᠤᠪᠢᠷᠠᠵᠤ ᠢᠷᠡᠵᠡᠢ᠃ |