| Abstract |
ᠦᠭᠦᠯᠡᠯ ᠳᠦ ᠠᠮᠢ ᠠᠬᠤᠢ ᠶᠢᠨ ᠰᠢᠯᠦᠭ ᠵᠦᠢ ᠶᠢᠨ ᠬᠠᠷᠠᠭᠠ ᠪᠠᠷ ᠰᠢᠨᠡ ᠡᠷᠢᠨ ᠦ ᠮᠣᠩᠭᠣᠯ ᠤᠳᠬᠠ ᠵᠤᠬᠢᠶᠠᠯ ᠳᠠᠬᠢ ᠠᠮᠢ ᠠᠬᠤᠢ ᠶᠢᠨ ᠡᠰᠢ ᠶᠤᠰᠤᠨ ᠤ ᠤᠬᠠᠮᠰᠠᠷ ᠲᠤ ᠰᠢᠰᠲ᠋ᠧᠮᠲᠦ ᠠᠵᠢᠭᠯᠠᠯᠲᠠ ᠬᠢᠬᠦ ᠪᠡᠷ ᠬᠦᠴᠦᠯᠡᠪᠡ᠃ ᠲᠤᠬᠠᠶᠢᠯᠠᠪᠠᠯ᠂ ᠠᠮᠢ ᠠᠬᠤᠢ ᠶᠢᠨ ᠡᠰᠢ ᠶᠤᠰᠤ ᠭᠡᠳᠡᠭ ᠦᠨ ᠢᠷᠡᠯᠲᠡ᠂ ᠤᠬᠠᠭᠳᠠᠬᠤᠨ ᠢ ᠲᠤᠳᠤᠷᠠᠭᠤᠯᠵᠤ᠂ ᠮᠣᠩᠭᠣᠯ ᠤᠳᠬᠠ ᠵᠤᠬᠢᠶᠠᠯ ᠨᠢ ᠠᠯᠢ ᠤᠵᠤᠭᠤᠷ ᠠᠴᠠ ᠪᠠᠨ ᠠᠮᠢ ᠠᠬᠤᠢ ᠶᠢᠨ ᠡᠰᠢ ᠶᠤᠰᠤᠨ ᠤ ᠬᠠᠯᠠᠮᠵᠢᠯᠠᠯ ᠤᠨ ᠭᠦᠨ ᠵᠤᠵᠠᠭᠠᠨ ᠤᠯᠠᠮᠵᠢᠯᠠᠯ ᠲᠠᠢ ᠪᠠᠶᠢᠪᠠ ᠭᠡᠵᠦ ᠦᠵᠡᠭᠡᠳ ᠡᠨᠡ ᠬᠦ ᠤᠯᠠᠮᠵᠢᠯᠠᠯ ᠤᠨ ᠰᠢᠨᠡ ᠡᠷᠢᠨ ᠦ ᠮᠣᠩᠭᠣᠯ ᠤᠳᠬᠠ ᠵᠤᠬᠢᠶᠠᠯ ᠳᠠᠬᠢ ᠵᠠᠯᠭᠠᠮᠵᠢᠯᠠᠭᠳᠠᠯ ᠪᠠ ᠰᠢᠨᠡᠴᠢᠯᠡᠭᠳᠡᠯ ᠢ ᠠᠮᠢ ᠠᠬᠤᠢ ᠶᠢᠨ ᠰᠠᠶᠢᠨ ᠡᠷᠡ ᠶᠢᠨ ᠳᠦᠷᠢ ᠶᠢᠨ ᠨᠡᠭᠡᠭᠡᠯᠲᠡ᠂ ᠬᠦᠰᠡᠯ ᠰᠢᠨᠦᠯ ᠦᠨ ᠳᠠᠪᠠᠭᠤᠷᠠᠯᠲᠠ ᠶᠢᠨ ᠲᠤᠬᠠᠢ ᠰᠦᠭᠦᠭᠡᠯ᠂ ᠪᠠᠶᠢᠭᠠᠯᠢ ᠶᠢᠨ ᠳᠠᠭᠤᠨ ᠬᠤᠭᠤᠯᠠᠢ ᠶᠢᠨ ᠢᠯᠡᠷᠬᠡᠶᠢᠯᠡᠯ᠂ ᠰᠤᠶᠤᠯ ᠤᠨ ᠮᠦᠷᠭᠦᠯᠳᠦᠭᠡᠨ ᠦ ᠶᠤᠭᠲᠠᠯᠠᠯ᠂ ᠰᠢᠯᠦᠭᠯᠢᠭ᠌᠌ ᠶᠢᠷᠲᠢᠨᠴᠦ ᠶᠢᠨ ᠳᠠᠬᠢᠨ ᠴᠤᠭᠴᠠᠯᠠᠯᠲᠠ ᠵᠡᠷᠭᠡ ᠲᠠᠯᠠ ᠪᠠᠷ ᠬᠤᠷᠢᠶᠠᠩ᠋ᠭᠤᠶᠢᠯᠠᠵᠠᠢ᠃ |