| 摘要 |
ᠽᠠᠶᠠ ᠪᠠᠨᠳᠢᠳᠠ ᠯᠤᠪᠰᠠᠩ᠋ᠫᠠᠷᠠᠩᠯᠠᠢ ᠪᠤᠯ ᠮᠣᠩ᠋ᠭᠤᠯᠴᠤᠳ ᠤᠨ ᠳᠤᠲᠤᠷᠠ ᠠᠴᠠ ᠬᠠᠮᠤᠭ ᠠᠩ᠋ᠬᠠ 《ᠵᠤᠬᠢᠰᠲᠤ ᠠᠶᠠᠯᠭᠤ ᠶᠢᠨ ᠲᠤᠯᠢ》᠋ ᠶᠢ ᠰᠤᠷᠴᠤ ᠰᠤᠳᠤᠯᠤᠭᠰᠠᠨ ᠡᠷᠳᠡᠮ ᠲᠡᠢ ᠬᠦᠮᠦᠨ ᠪᠠᠢ᠌ᠭᠰᠠᠨ ᠪᠢᠯᠡ᠃ ᠲᠡᠭᠦᠨ ᠦ ᠵᠤᠬᠢᠶᠠᠭᠰᠠᠨ 《ᠵᠤᠬᠢᠰᠲᠤ ᠠᠶᠠᠯᠭᠤ ᠶᠢᠨ ᠲᠤᠯᠢ》᠋ ᠶᠢᠨ ᠬᠤᠶᠳᠤᠭᠠᠷ ᠪᠦᠯᠦᠭ ᠦᠨ ᠮᠦᠷᠳᠡᠯᠭᠡ ᠵᠢᠱᠢᠶᠡ ᠰᠢᠯᠦᠭ ᠪᠤᠯᠬᠤ 《ᠤᠳᠬᠠ ᠶᠢᠨ ᠭᠤᠴᠢᠨ ᠲᠠᠪᠤᠨ ᠴᠢᠮᠡᠭ᠌ ᠦᠨ ᠦᠯᠢᠭᠡᠷ ᠦᠭᠦᠯᠡᠭᠦᠢ ᠡᠰᠡᠷᠤᠠ ᠶᠢᠨ ᠥᠬᠢᠨ ᠢ ᠪᠠᠶᠠᠰᠬᠠᠬᠤ ᠡᠭᠡᠰᠢᠭ᠌ ᠳᠠᠭᠤᠯᠠᠯ ᠣᠷᠤᠰᠢᠪᠠᠢ》ᠬᠡᠮᠡᠭᠴᠢ ᠨᠢ ᠮᠣᠩ᠋ᠭᠤᠯ ᠵᠤᠬᠢᠶᠠᠯ ᠤᠨ ᠣᠨᠣᠯ ᠦᠭᠦᠯᠡᠭᠦᠢ ᠶᠢᠨ ᠴᠢᠬᠤᠯᠠ ᠦᠪ ᠪᠤᠯᠤᠨᠠ᠃ ᠭᠡᠪᠡᠴᠦ ᠯᠤᠪᠰᠠᠩ᠋ᠫᠠᠷᠠᠩ᠋ᠯᠠᠢ ᠲᠤᠰ ᠵᠤᠬᠢᠶᠠᠯ ᠳᠠᠭᠠᠨ ᠵᠡᠭᠦᠯᠲᠡ ᠲᠠᠢ᠌ᠯᠪᠤᠷᠢ ᠬᠢᠵᠦ ᠠᠯᠢ ᠰᠢᠯᠦᠭ ᠨᠢ ᠶᠠᠮᠠᠷ ᠴᠢᠮᠭ᠌ ᠪᠤᠯᠬᠤ ᠶᠢ ᠲᠤᠳᠤᠷᠬᠠᠢ᠌ᠯᠠᠭᠰᠠᠨ ᠦᠭᠡᠢ ᠲᠤᠯᠠ ᠬᠤᠵᠢᠮ ᠤᠨ ᠡᠷᠳᠡᠮᠲᠡᠳ ᠦᠨ ᠰᠤᠷᠴᠤ ᠰᠤᠳᠤᠯᠬᠤ ᠳᠤ ᠮᠠᠰᠢ ᠶᠡᠬᠡ ᠬᠦᠴᠢᠷ ᠪᠡᠷᠬᠡ ᠤᠴᠠᠷᠠᠭᠤᠯᠤᠭᠰᠠᠨ ᠪᠠᠢ᠌ᠨᠠ᠃ ᠲᠤᠰ ᠦᠭᠦᠯᠡᠯ ᠳᠦ ᠂ ᠵᠤᠬᠢᠶᠠᠭᠴᠢ ᠠᠴᠠ ᠯᠤᠪᠰᠠᠩ᠋ᠫᠠᠷᠠᠩ᠋ᠯᠠᠢ ᠶᠢᠨ ᠡᠨᠡᠬᠦ ᠰᠢᠯᠦᠭ ᠲᠦ ᠨᠠᠷᠢᠨ ᠨᠢᠭ᠌ᠲᠠ ᠠᠵᠢᠭᠯᠠᠯᠲᠠ ᠬᠢᠵᠦ᠂ ᠲᠡᠭᠦᠨ ᠦ ᠰᠢᠯᠦᠭ ᠦᠨ ᠴᠢᠮᠡᠭ ᠦᠳ ᠢ ᠨᠢᠭᠡ ᠨᠢᠭᠡ ᠪᠡᠷ ᠢᠯᠭᠠᠨ ᠳ᠋ᠤᠭᠠᠷᠯᠠᠵᠤ᠂ ᠴᠢᠮᠡᠭ ᠦᠳ ᠦᠨ ᠨᠡᠷᠡ ᠶᠢ ᠲᠤᠳᠤᠯᠠᠨ ᠭᠠᠷᠭᠠᠵᠤ ᠲᠠᠢ᠌ᠯᠪᠤᠷᠢᠯᠠᠨ ᠲᠤᠳᠤᠷᠬᠠᠢ᠌ᠯᠠᠭᠰᠠᠨ ᠪᠠᠢ᠌ᠨᠠ᠃ |