| 摘要 |
ᠲᠤᠰ ᠦᠭᠦᠯᠡᠯ ᠳᠦ ᠂ ᠵᠤᠬᠢᠶᠠᠭᠴᠢ ᠠᠴᠠ ᠡᠷᠳᠡᠮᠲᠡᠳ ᠦᠨ ᠰᠠᠨᠠᠭᠠ ᠠᠬᠤᠢ ᠬᠡᠮᠡᠬᠦ ᠭᠤᠤᠠ ᠰᠠᠢ᠌ᠬᠠᠨ ᠤ ᠠᠢ ᠳᠤ ᠬᠢᠭ᠍ᠰᠡᠨ ᠣᠨᠣᠯ ᠰᠢᠨᠵᠢᠯᠡᠯ ᠢ ᠦᠨᠳᠦᠰᠦᠯᠡᠨ ᠮᠣᠩ᠋ᠭᠤᠯᠵᠢᠭᠤ ᠬᠡᠮᠵᠢᠶᠡᠲᠦ ᠰᠢᠯᠦᠭ ᠦᠨ ᠰᠠᠨᠠᠭᠠ ᠠᠬᠤᠢ ᠶᠢᠨ ᠭᠤᠤᠠ ᠰᠠᠢ᠌ᠬᠠᠨ ᠤ ᠲᠤᠬᠠᠢ ᠲᠤᠷᠰᠢᠨ ᠦᠭᠦᠯᠡᠭᠰᠡᠨ ᠪᠠᠢ᠌ᠨᠠ᠃ ᠵᠤᠬᠢᠶᠠᠭᠴᠢ ᠠᠴᠠ 《ᠦᠵᠡᠮᠵᠢ ᠰᠡᠳᠬᠢᠯᠭᠡ ᠶᠢᠨ ᠠᠭᠤᠰᠤᠯᠳᠤᠯ》ᠪᠤᠯ ᠮᠣᠩ᠋ᠭᠤᠯᠵᠢᠭᠤ ᠬᠡᠮᠵᠢᠶᠡᠲᠦ ᠰᠢᠯᠦᠭ ᠦᠨ ᠰᠠᠨᠠᠭᠠ ᠠᠬᠤᠢ ᠶᠢᠨ ᠰᠠᠢ᠌ᠬᠠᠨ ᠤ ᠦᠨᠳᠦᠰᠦᠨ ᠣᠨᠴᠠᠯᠢᠭ ᠪᠤᠯᠬᠤ ᠲᠤᠯᠠ ᠡᠮᠦᠨᠡᠬᠢ ᠬᠦᠮᠦᠰ ᠡᠭᠦᠨ ᠳᠦ ᠠᠩ᠋ᠬᠠᠷᠤᠯ ᠢᠶᠠᠨ ᠢᠯᠡᠭᠦᠦ ᠲᠠᠯᠪᠢᠵᠤ᠂ ᠲᠡᠭᠦᠨ ᠦ ᠡᠩ ᠦᠨ ᠳᠦᠷᠢ ᠳᠦᠷᠰᠦᠯᠡᠯ ᠵᠢᠴᠢ ᠰᠠᠨᠠᠭᠠ ᠳᠦᠷᠢ ᠡᠴᠡ ᠢᠯᠭᠠᠭᠳᠠᠬᠤ ᠦᠪᠡᠷᠮᠢᠴᠡ ᠣᠨᠴᠠᠯᠢᠭ ᠢ ᠲᠤᠳᠤᠷᠬᠠᠢ᠌ᠯᠠᠵᠤ ᠡᠰᠡ ᠴᠢᠳᠠᠯᠠ ᠭᠡᠵᠦ ᠦᠵᠡᠭᠡᠳ᠂ ᠮᠣᠩ᠋ᠭᠤᠯᠵᠢᠭᠤ ᠬᠡᠮᠵᠢᠶᠡᠲ ᠰᠢᠯᠦᠭ ᠦᠨ ᠰᠠᠨᠠᠭᠠ ᠠᠬᠤᠢ ᠶᠢᠨ ᠦᠪᠡᠷᠮᠢᠴᠡ ᠭᠤᠤᠠ ᠰᠠᠢ᠌ᠬᠠᠨ ᠨᠢ 《ᠳᠦᠷᠢ ᠶᠢᠨ ᠭᠠᠳᠠᠨᠠ ᠠᠬᠤᠢ ᠪᠦᠲᠦᠬᠦ》ᠣᠨᠴᠠᠯᠢᠭ ᠲᠤ ᠨᠡᠩ ᠲᠦᠪᠯᠡᠷᠡᠨ ᠢᠯᠡᠷᠡᠵᠦ ᠪᠤᠢ ᠬᠡᠮᠡᠨ ᠳᠤᠷᠠᠳᠴᠤ᠂ ᠴᠢᠨᠠᠭᠰᠢᠲᠠ ᠣᠯᠠᠨ ᠳᠠᠪᠬᠤᠷᠭᠠᠯᠢᠭ ᠰᠢᠨᠵᠢ᠂ ᠣᠷᠤᠨ ᠵᠠᠢ ᠶᠢᠨ ᠭᠤᠤᠠ ᠰᠠᠢ᠌ᠬᠠᠨ᠂ ᠳᠦᠷᠢ ᠶᠢᠨ ᠭᠠᠳᠠᠨᠠᠬᠢ ᠰᠠᠨᠠᠭᠠ ᠮᠡᠲᠦ ᠣᠯᠠᠨ ᠲᠠᠯᠠ ᠠᠴᠠ ᠰᠦᠪᠡᠭ᠍ᠴᠢᠯᠡᠨ ᠪᠠᠲᠤᠯᠠᠪᠠ᠃ ᠭᠡᠬᠦ ᠳᠡᠭᠡᠨ᠂ ᠦᠵᠡᠮᠵᠢ ᠰᠡᠳᠬᠢᠯᠭᠡ ᠶᠢᠨ ᠠᠭᠤᠰᠤᠯᠳᠤᠯ ᠢᠶᠠᠷ ᠳᠦᠷᠢ ᠶᠢᠨ ᠭᠠᠳᠠᠨᠠᠬᠢ ᠠᠬᠤᠢ ᠶᠢ ᠪᠦᠲᠦᠭᠡᠬᠦ ᠳᠦ ᠴᠢᠬᠤᠯᠠ ᠨᠢᠭᠡ ᠠᠷᠭᠠ ᠪᠠᠷᠢᠯ ᠨᠢ 《ᠴᠤᠬᠤᠮ ᠪᠢᠴᠢᠯᠭᠡ》ᠪᠡ 《ᠬᠦᠨᠳᠡᠢ ᠪᠢᠴᠢᠯᠭᠡ》᠋ ᠶᠢ ᠤᠶᠠᠯᠳᠤᠭᠤᠯᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ ᠭᠡᠵᠦ ᠵᠤᠬᠢᠶᠠᠭᠴᠢ ᠦᠵᠡᠵᠡᠢ᠃ ᠡᠭᠦᠨ ᠦ ᠰᠠᠭᠤᠷᠢᠨ ᠳᠤ ᠵᠤᠬᠢᠶᠠᠭᠴᠢ ᠠᠴᠠ ᠮᠣᠩ᠋ᠭᠤᠯᠵᠢᠭᠤ ᠬᠡᠮᠵᠢᠶᠡᠲᠦ ᠰᠢᠯᠦᠭ ᠦᠨ ᠰᠠᠨᠠᠭᠠ ᠠᠬᠤᠢ ᠶᠢᠨ ᠭᠤᠤᠠ ᠰᠠᠢ᠌ᠬᠠᠨ ᠤ ᠲᠦᠯᠦᠪ ᠢ ᠬᠦᠳᠡᠯᠦᠩᠭᠦᠢ ᠭᠤᠤᠠ᠂ ᠨᠠᠮᠵᠢᠭᠤᠨ ᠭᠤᠤᠠ᠂ ᠪᠦᠲᠡᠬᠢ ᠭᠤᠤᠠ ᠭᠡᠵᠦ ᠭᠤᠷᠪᠠᠨ ᠵᠤᠢ᠌ᠯ ᠳᠤ ᠬᠤᠪᠢᠶᠠᠨ ᠰᠢᠨᠵᠢᠯᠡᠭᠰᠡᠨ ᠪᠠᠢ᠌ᠨᠠ᠃ |