| 摘要 |
ᠨᠡᠢᠭᠡᠮ ᠵᠢᠷᠦᠮᠲᠦ ᠴᠠᠭ ᠦᠶᠡ ᠪᠤᠯ ᠦᠨᠳᠦᠰᠦᠲᠡᠨ ᠦ ᠰᠤᠶᠤᠯ ᠴᠡᠴᠡᠭᠯᠡᠨ ᠬᠦᠭᠵᠢᠬᠦ ᠱᠠᠲᠤ ᠦᠶᠡ ᠪᠤᠯᠤᠨᠠ᠃ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠦ ᠰᠤᠶᠤᠯ ᠨᠢ ᠢᠷᠡᠭᠡᠳᠦᠢ ᠶᠢᠨ ᠳᠤᠮᠳᠠᠳᠤ ᠶᠢᠨ ᠰᠢᠨᠡ ᠰᠤᠶᠤᠯ ᠤᠨ ᠴᠤᠭᠴᠠᠯᠠᠯᠲᠠ ᠳᠤ ᠨᠡᠩ ᠶᠡᠬᠡ ᠬᠤᠪᠢ ᠨᠡᠮᠡᠭᠦᠷᠢ ᠣᠷᠤᠭ᠋ᠤᠯᠤᠶᠠ ᠭᠡᠪᠡᠯ ᠡᠷᠬᠡᠪᠰᠢ ᠦᠷᠭᠦᠯᠵᠢᠯᠡᠨ ᠬᠤᠪᠢ ᠶᠢᠨ ᠣᠨᠴᠠᠯᠢᠭ ᠲᠠᠢ ᠬᠦᠭᠵᠢᠬᠦ ᠬᠡᠷᠡᠭᠲᠡᠢ᠃ ᠲᠤᠰ ᠦᠭᠦᠯᠡᠯ ᠳᠦ ᠡᠨ᠋ᠡᠬᠦ ᠭᠤᠤᠯ ᠦᠵᠡᠯ ᠰᠠᠨ᠋ᠠᠭᠠ ᠪᠠᠨ ᠮᠣᠩᠭᠤᠯ ᠰᠤᠶᠤᠯ ᠤᠨ ᠣᠳᠣᠬᠢ ᠪᠠᠢᠳᠠᠯ ᠲᠠᠢ ᠤᠶᠠᠯᠳᠤᠭ᠋ᠤᠯᠤᠨ ᠭᠤᠷᠪᠠᠨ ᠲᠠᠯᠠ ᠪᠠᠷ ᠲᠤᠳᠤᠷᠬᠠᠢᠯᠠᠨ ᠶᠠᠷᠢᠵᠠᠢ᠃ ᠨᠢᠭᠡ ᠳᠦ᠂ ᠦᠭᠡ ᠬᠡᠯᠡ ᠪᠤᠯ ᠦᠨᠳᠦᠰᠦᠲᠡᠨ ᠦ ᠰᠤᠶᠤᠯ ᠤᠨ ᠴᠢᠬᠤᠯᠠ ᠪᠦᠷᠢᠯᠳᠦᠭᠦᠨ ᠬᠡᠰᠡᠭ ᠪᠤᠯᠤᠨᠠ᠃ ᠦᠨᠳᠦᠰᠦᠲᠡᠨ ᠦ ᠪᠡᠨ ᠣᠷᠤᠰᠢᠯ ᠲᠤᠭᠲᠠᠨ᠋ᠢᠯ ᠪᠠ ᠰᠡᠷᠭᠦᠯᠲᠡ ᠮᠡᠳᠦᠯᠲᠡ ᠶᠢ ᠪᠠᠲᠤᠯᠠᠶᠠ ᠭᠡᠪᠡᠯ ᠮᠣᠩᠭᠤᠯᠴᠤᠳ ᠡᠬᠡ ᠬᠡᠯᠡ ᠪᠡᠨ ᠶᠠᠭ᠋ᠠᠬᠢᠭᠰᠠᠨ ᠴᠤ ᠬᠠᠶᠠᠵᠤ ᠪᠤᠯᠬᠤ ᠦᠭᠡᠢ᠃ ᠬᠤᠶᠠᠷ ᠲᠤ᠂ ᠣᠳᠣᠬᠢᠴᠢᠯᠠᠯᠲᠠ ᠨᠢ ᠬᠣᠲᠠᠴᠢᠯᠠᠬᠤ ᠠᠬᠢᠴᠠ ᠶᠢ ᠲᠦᠷᠭᠡᠳᠭᠡᠳᠡᠭ᠃ ᠭᠡᠪᠡᠴᠦ ᠮᠣᠩᠭᠤᠯ ᠬᠣᠲᠠ ᠶᠢᠨ ᠰᠤᠶᠤᠯ ᠤᠨ ᠬᠦᠭᠵᠢᠯᠲᠡ ᠲᠤᠩ ᠤᠳᠠᠭ᠋ᠠᠨ ᠪᠠᠢᠨᠠ᠃ ᠦᠨ᠋ᠦᠳᠦᠷ ᠮᠣᠩᠭᠤᠯᠴᠤᠳ ᠬᠤᠲᠠ ᠶᠢᠨ ᠰᠤᠶᠤᠯ ᠢᠶᠠᠨ ᠴᠤᠭᠴᠠᠯᠠᠬᠤ ᠦᠭᠡᠢ ᠪᠤᠯ ᠮᠣᠩᠭᠤᠯ ᠰᠤᠶᠤᠯ ᠨᠢ ᠬᠤᠵᠢᠮ ᠢᠷᠡᠭᠡᠳᠦᠢ ᠳᠦ ᠴᠤᠬᠤᠮ ᠬᠦ 《ᠲᠠᠯᠠ ᠨᠤᠲᠤᠭ ᠤᠨ ᠰᠤᠶᠤᠯ》 ᠪᠤᠯᠵᠤ ᠳᠡᠯᠡᠬᠡᠢ ᠶᠢᠨ ᠰᠢᠨᠡ ᠪᠤᠯᠪᠠᠰᠤᠨ ᠠᠴᠠ ᠨᠢᠭᠡᠮᠦᠰᠦᠨ ᠬᠤᠴᠤᠷᠤᠭᠳᠠᠵᠤ ᠭᠡᠭᠡᠭᠳᠡᠬᠦ ᠪᠤᠯᠤᠨᠠ᠃ ᠭᠤᠷᠪᠠ ᠳᠤ᠂ ᠪᠤᠲᠠᠭ᠋ᠠᠯᠢ ᠴᠢᠨ᠋ᠠᠷ ᠪᠤᠯ ᠰᠤᠶᠤᠯ ᠤᠨ ᠣᠷᠤᠰᠢᠬᠤᠢ ᠦᠷᠲᠡᠭ ᠪᠤᠯᠤᠨᠠ᠃ ᠮᠣᠩᠭᠤᠯᠴᠤᠳ ᠶᠠᠭ᠋ᠤ ᠪᠦᠬᠦᠨ ᠢ ᠪᠤᠰᠤᠳ ᠠᠴᠠ ᠰᠤᠷᠴᠤ᠂ ᠬᠦᠮᠦᠨ ᠢ ᠰᠤᠬᠤᠷ ᠪᠠᠯᠠᠢ ᠪᠠᠷ ᠮᠦᠷᠳᠡᠪᠡᠯ ᠬᠡᠵᠢᠶᠡᠳᠡ ᠦᠭᠡᠳᠡᠯᠡᠵᠦ ᠳᠡᠢᠯᠬᠦ ᠦᠭᠡᠢ ᠶᠤᠮ᠃ |