| 摘要 |
《ᠵᠠᠩᠭ᠋ᠠᠷ》 ᠤᠨ ᠲᠤᠤᠯᠢᠰ ᠤᠨ ᠴᠠᠭ ᠦᠶᠡ ᠶᠢᠨ ᠲᠤᠬᠠᠢ ᠰᠤᠳᠤᠯᠤᠯ ᠪᠤᠯ 《ᠵᠠᠩᠭ᠋ᠠᠷ》 ᠤᠨ ᠰᠤᠳᠤᠯᠤᠯ ᠤᠨ ᠴᠢᠬᠤᠯᠠ ᠨᠢᠭᠡᠨ ᠠᠰᠠᠭ᠋ᠤᠳᠠᠯ ᠪᠤᠯᠤᠨᠠ᠃ ᠡᠨᠡ ᠲᠤᠬᠠᠢ ᠮᠣᠩᠭᠤᠯᠴᠢ ᠡᠷᠳᠡᠮᠲᠡᠳ ᠠᠳᠠᠯᠢ ᠪᠤᠰᠤ ᠰᠤᠳᠤᠯᠤᠯ ᠤᠨ ᠴᠢᠭ ᠪᠡ ᠪᠠᠷᠢᠮᠲᠠ ᠮᠠᠲ᠋ᠧᠷᠢᠶᠠᠯ ᠳᠤ ᠰᠠᠭ᠋ᠤᠷᠢᠯᠠᠵᠤ᠂ ᠦᠪᠡᠷ ᠦᠪᠡᠷ ᠦᠨ ᠦᠵᠡᠯᠲᠡ ᠪᠡᠨ ᠳᠡᠯᠭᠡᠵᠦ ᠪᠢᠯᠡ᠃ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠮᠠᠳᠠᠭ ᠲᠠᠢ ᠠᠰᠠᠭ᠋ᠤᠳᠠᠯ᠂ ᠮᠠᠷᠭ᠋ᠤᠭ᠋ᠠᠨ ᠲᠠᠢ ᠰᠡᠳᠦᠪ ᠨᠢ ᠣᠯᠠᠨ ᠲᠠᠯᠠ ᠶᠢᠨ ᠰᠢᠨᠵᠢᠯᠡᠭᠡᠨ᠂ ᠠᠳᠠᠯᠢ ᠪᠤᠰᠤ ᠰᠢᠨᠵᠢᠯᠡᠭᠡ ᠪᠤᠯᠤᠨ ᠠᠳᠠᠯᠢ ᠪᠤᠰᠤ ᠮᠠᠲ᠋ᠧᠷᠢᠶᠠᠯ ᠰᠡᠯᠳᠡ᠂ ᠣᠯᠠᠨ ᠡᠷᠳᠡᠮᠲᠡᠳ ᠦᠨ ᠰᠢᠨᠳᠡᠷᠡᠰᠢ ᠦᠭᠡᠢ ᠬᠠᠢᠯᠲᠠ ᠶᠢ ᠳᠠᠮᠵᠢᠨ ᠰᠠᠶᠢ ᠡᠴᠦᠰ ᠲᠤ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢ ᠦᠷᠡ ᠳ᠋ᠦᠩ ᠳᠦ ᠣᠢᠷᠠᠲᠤᠬᠤ ᠶᠤᠮ᠃ 《ᠵᠠᠩ᠋ᠭᠠᠷ》 ᠤᠨ ᠲᠤᠤᠯᠢᠰ ᠤᠨ ᠡᠭᠦᠰᠦᠯ ᠪᠦᠷᠢᠯᠳᠦᠯ ᠦᠨ ᠲᠤᠬᠠᠢ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢ ᠦᠷᠡ ᠳ᠋ᠦᠩ ᠨᠢ ᠶᠠᠭ ᠡᠨ᠋ᠡᠭᠦ ᠵᠢᠮᠡ ᠪᠡᠷ ᠪᠡᠶᠡᠯᠡᠭᠳᠡᠬᠦ ᠪᠠᠢᠬᠠ᠃ ᠲᠤᠰ ᠦᠭᠦᠯᠡᠯ ᠦᠨ ᠵᠤᠬᠢᠶᠠᠭᠴᠢ ᠴᠤ ᠡᠨ᠋ᠡᠬᠦ ᠮᠠᠷᠭ᠋ᠤᠭ᠋ᠠᠨ ᠳᠤ ᠵᠤᠷᠢᠭᠲᠠᠢ ᠣᠷᠤᠯᠴᠠᠵᠤ᠂ 《ᠵᠠᠩ᠋ᠭᠠᠷ》 ᠤᠨ ᠲᠤᠤᠯᠢᠰ ᠤᠨ ᠡᠭᠦᠰᠦᠨ ᠪᠦᠷᠢᠯᠳᠦᠭᠰᠡᠨ ᠴᠠᠭ ᠦᠶᠡ ᠶᠢ 《ᠵᠠᠩ᠋ᠭᠠᠷ》 ᠲᠤ ᠳᠤᠰᠬᠠᠭᠳᠠᠭᠰᠠᠨ ᠦᠢᠯᠡ ᠶᠠᠪᠤᠳᠠᠯ ᠳᠤ ᠰᠠᠭ᠋ᠤᠷᠢᠯᠠᠵᠤ᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠦ ᠨᠡᠢᠭᠡᠮ ᠲᠡᠦᠬᠡ᠂ ᠨᠡᠢᠭᠡᠮ ᠦᠨ ᠪᠠᠢᠭ᠋ᠤᠯᠤᠯ ᠪᠠ ᠤᠷᠤᠭ ᠬᠤᠷᠢᠮ ᠤᠨ ᠵᠠᠩᠰᠢᠯ ᠤᠨ ᠲᠠᠯᠠ ᠠᠴᠠ ᠡᠷᠢᠨ ᠰᠤᠷᠠᠭᠰᠠᠨ ᠪᠠᠢᠨᠠ᠃ |