| 摘要 |
ᠴᠢᠩᠭᠢᠰ ᠬᠠᠭ᠋ᠠᠨ 《ᠳᠦᠷᠪᠡᠨ ᠬᠦᠯᠦᠭ》 ᠲᠠᠢ ᠪᠠᠨ ᠬᠠᠮᠲᠤ ᠴᠢᠬᠤᠯᠠᠴᠢᠯᠠᠨ ᠰᠠᠢᠰᠢᠶᠠᠵᠤ ᠪᠠᠢᠭᠰᠠᠨ 《ᠳᠦᠷᠪᠡᠨ ᠨᠤᠬᠠᠢ》 — ᠵᠠᠪᠠ᠂ ᠬᠤᠪᠢᠯᠠᠢ᠂ ᠵᠠᠯᠮᠠ᠂ ᠰᠦᠪᠡᠭᠡᠲᠡᠢ ᠳᠦᠷᠪᠡᠭᠦᠯᠡ ᠶᠢᠨ 《ᠨᠤᠬᠠᠢ》 ᠭᠡᠳᠡᠭ ᠴᠤᠯᠠ ᠶᠢ ᠶᠠᠭ᠋ᠠᠬᠢᠵᠤ ᠦᠵᠡᠪᠡᠯ ᠵᠤᠬᠢᠯᠲᠠᠢ ᠪᠤᠢ ? 《ᠨᠤᠬᠠᠢ》 ᠭᠡᠳᠡᠭ ᠴᠤᠯᠠ ᠨᠢ 《ᠬᠦᠯᠦᠭ》 ᠯᠦᠭᠡ ᠠᠳᠠᠯᠢ ᠪᠠᠷ᠂ ᠡᠷᠲᠡᠨ ᠦ ᠠᠮᠢᠳᠤᠷᠠᠯ ᠪᠤᠯᠤᠨ ᠭᠤᠤᠠ ᠰᠠᠢᠬᠠᠨ ᠤ ᠦᠵᠡᠯᠲᠡ ᠶᠢᠨ ᠤᠷᠠᠯᠢᠭ ᠤᠨ ᠪᠤᠯᠪᠠᠰᠤᠷᠠᠭ᠋ᠤᠯᠤᠯᠲᠠ ᠶᠢᠨ ᠠᠷᠭᠠ ᠪᠠᠷ ᠳᠠᠮᠵᠢᠭᠰᠠᠨ ᠨᠢᠭᠡᠲᠦᠮᠡᠯ ᠴᠤᠭᠴᠠ ᠮᠦᠨ᠃ 《ᠨᠢᠭ᠋ᠤᠴᠠ ᠲᠤᠪᠴᠢᠶᠠᠨ》 ᠳᠤ ᠢᠯᠡᠷᠡᠨ ᠪᠦᠬᠦᠢ 《ᠬᠦᠯᠦᠭ》᠂ 《ᠨᠤᠬᠠᠢ》 ᠵᠡᠷᠭᠡ ᠠᠷᠢᠶᠠᠳᠠᠨᠴᠢᠯᠠᠭᠰᠠᠨ ᠵᠦᠢᠷᠯᠡᠯ ᠳᠦ᠂ ᠰᠡᠷᠡᠯ ᠦᠨ ᠰᠢᠭ᠋ᠤᠳ ᠪᠤᠳᠠᠲᠤ ᠬᠡᠯᠪᠡᠷᠢ ᠲᠤᠳᠤᠷᠬᠠᠢ ᠪᠠᠢᠬᠤ ᠡᠷᠲᠡᠨ ᠦ ᠮᠣᠩᠭᠤᠯᠴᠤᠳ ᠤᠨ ᠭᠤᠤᠠ ᠵᠦᠢ ᠶᠢᠨ ᠦᠵᠡᠯᠲᠡ ᠮᠡᠳᠡᠭᠳᠡᠨᠡ᠃ ᠡᠳᠡᠭᠡᠷ ᠰᠡᠷᠡᠯ ᠦᠨ ᠪᠤᠳᠠᠲᠤ ᠬᠡᠯᠪᠡᠷᠢ ᠶᠢᠨ ᠭᠤᠤᠠ ᠵᠦᠢᠷᠯᠡᠰ ᠡᠴᠡ ᠲᠡᠭᠦᠨ ᠳᠦ ᠠᠬᠤᠭ᠋ᠤᠯᠤᠭᠳᠠᠵᠤ ᠪᠠᠢᠭᠠ ᠭᠤᠤᠠ ᠵᠦᠢ ᠶᠢᠨ ᠦᠵᠡᠯ ᠰᠠᠨ᠋ᠠᠭᠠ ᠶᠢ ᠨᠢ ᠲᠠᠨ᠋ᠢᠵᠤ ᠪᠤᠯᠬᠤ ᠪᠦᠭᠡᠳ ᠲᠡᠭᠦᠨ ᠢᠶᠡᠷ ᠳᠠᠮᠵᠢᠵᠤ ᠮᠣᠩᠭᠤᠯ ᠤᠨ ᠡᠷᠲᠡᠨ ᠦ ᠨᠡᠢᠭᠡᠮ ᠦᠨ ᠰᠢᠨᠵᠢ ᠴᠢᠨ᠋ᠠᠷ ᠢ ᠴᠤ ᠣᠢᠯᠠᠭ᠋ᠠᠵᠤ ᠪᠤᠯᠬᠤ ᠶᠤᠮ᠃ |