| 摘要 |
ᠬᠢᠲᠠᠳ᠂ ᠮᠣᠩᠭᠤᠯ ᠪᠢᠴᠢᠭ ᠳᠤᠷᠠᠰᠬᠠᠯ ᠳᠤ ᠶᠤᠸᠠᠨ ᠤᠯᠤᠰ ᠤᠨ ᠲᠤᠭ᠋ᠤᠨᠲᠡᠮᠦᠷ ᠤᠬᠠᠭ᠋ᠠᠨᠲᠤ ᠬᠠᠭ᠋ᠠᠨ ᠤ ᠬᠡᠳᠦᠨ ᠪᠠᠳᠠᠭ ᠰᠢᠯᠦᠭ ᠳᠠᠭ᠋ᠤᠯᠠᠯ ᠲᠡᠮᠳᠡᠭᠯᠡᠭᠳᠡᠨ ᠮᠠᠨ ᠤ ᠡᠷᠡᠨ ᠳᠦ ᠬᠦᠷᠲᠡᠯᠡ ᠤᠯᠠᠮᠵᠢᠯᠠᠭᠳᠠᠵᠠᠢ᠃ ᠡᠳᠡᠭᠡᠷ ᠦᠳ ᠦᠨ ᠳᠤᠲᠤᠷᠠ 《ᠮᠢᠩ ᠦᠨ ᠡᠵᠡᠨᠡ ᠬᠠᠷᠢᠭ᠋ᠤᠯᠤᠭᠰᠠᠨ ᠠᠨ᠋ᠤ》 ᠭᠡᠬᠦ ᠬᠢᠲᠠᠳ ᠰᠢᠯᠦᠭ ᠬᠢᠭᠡᠳ 《ᠲᠤᠭ᠋ᠤᠨᠲᠡᠮᠡᠷ ᠬᠠᠭ᠋ᠠᠨ ᠤ ᠭᠡᠮᠰᠢᠯ ᠰᠢᠯᠦᠭ》 ᠭᠡᠬᠦ ᠮᠣᠩᠭᠤᠯ ᠢᠶᠠᠷ ᠪᠢᠴᠢᠭᠳᠡᠭᠰᠡᠨ ᠰᠢᠯᠦᠭ ᠨᠢ ᠠᠳᠠᠯᠢ ᠨᠢᠭᠡᠨ ᠴᠠᠭ ᠦᠶᠡ ᠶᠢᠨ ᠠᠳᠠᠯᠢ ᠰᠡᠳᠦᠪ ᠢᠶᠡᠷ ᠰᠡᠳᠦᠪᠯᠡᠭᠰᠡᠨ ᠰᠢᠯᠦᠭ ᠪᠤᠯᠪᠠᠴᠤ᠂ ᠠᠭ᠋ᠤᠯᠭᠠ ᠦᠵᠡᠯ ᠰᠠᠨ᠋ᠠᠭᠠ ᠨᠢ ᠣᠨᠳᠤᠤ ᠪᠠᠢᠳᠠᠭ᠃ ᠲᠤᠰ ᠦᠭᠦᠯᠡᠯ ᠳᠦ ᠵᠤᠬᠢᠶᠠᠭᠴᠢ ᠠᠴᠠ 《ᠭᠡᠮᠰᠢᠯ ᠰᠢᠯᠦᠭ》 ᠵᠤᠬᠢᠶᠠᠭᠳᠠᠬᠤ ᠦᠶᠡ ᠶᠢᠨ ᠠᠬᠤᠢ ᠪᠠᠢᠳᠠᠯ ᠬᠢᠭᠡᠳ ᠰᠢᠯᠦᠭᠴᠢ ᠶᠢᠨ ᠤᠶᠠᠩᠭᠠ ᠰᠡᠳᠬᠢᠯᠭᠡ ᠶᠢᠨ ᠬᠤᠭ᠋ᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ᠂ 《ᠭᠡᠮᠰᠢᠯ ᠰᠢᠯᠦᠭ》 ᠲᠤ ᠳᠤᠰᠬᠠᠭᠳᠠᠭᠰᠠᠨ ᠠᠭ᠋ᠤᠯᠭᠠ ᠬᠢᠭᠡᠳ ᠲᠡᠦᠬᠡᠨ ᠪᠤᠳᠠᠳᠤ ᠪᠠᠢᠳᠠᠯ ᠤᠨ ᠬᠤᠭ᠋ᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠶᠢ ᠬᠠᠷᠢᠴᠠᠭ᠋ᠤᠯᠤᠨ ᠰᠤᠳᠤᠯᠵᠤ᠂ 《ᠭᠡᠮᠰᠢᠯ ᠰᠢᠯᠦᠭ》 ᠬᠢᠭᠡᠳ ᠲᠤᠭ᠋ᠤᠨᠲᠡᠮᠡᠷ ᠤᠨ ᠠᠵᠢᠯᠯᠠᠭᠠ ᠠᠴᠠ ᠦᠵᠡᠬᠦ ᠳᠦ 《ᠮᠢᠩ ᠦᠨ ᠡᠵᠡᠨᠡ ᠬᠠᠷᠢᠭ᠋ᠤᠯᠤᠭᠰᠠᠨ ᠠᠨ᠋ᠤ》 ᠰᠢᠯᠦᠭ ᠪᠤᠯ ᠲᠤᠭ᠋ᠤᠨᠲᠡᠮᠡᠷ ᠦᠨ ᠪᠦᠲᠦᠭᠡᠯ ᠪᠢᠰᠢ ᠭᠡᠵᠦ ᠨᠤᠲᠠᠯᠠᠵᠠᠢ᠃ |