| 摘要 |
ᠰᠢᠨᠡ ᠨᠡᠷᠡ ᠲᠤᠮᠢᠶᠠ ᠶᠢ ᠴᠠᠭ ᠲᠤᠬᠠᠢ ᠳᠤ ᠨᠢ ᠵᠦᠪ ᠤᠨᠤᠪᠴᠢᠳᠠᠢ ᠤᠷᠴᠢᠭᠤᠯᠤᠨ ᠨᠢᠭᠡᠳᠭᠡᠵᠦ ᠬᠡᠷᠡᠭᠵᠢᠭᠦᠯᠬᠦ ᠨᠢ ᠮᠤᠩᠭ᠋ᠤᠯ ᠬᠡᠯᠡᠨ ᠤᠨ ᠬᠦᠭ᠍ᠵᠢᠯ ᠲᠦᠷᠢᠮᠵᠢᠯ ᠳᠤ ᠲᠤᠩ ᠶᠡᠬᠡ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ ᠤᠳᠤᠬᠠᠨ ᠳᠤ ᠢᠯᠡᠷᠡᠭᠰᠡᠨ ᠰᠢᠨᠡ ᠨᠡᠷᠡ ᠲᠤᠮᠢᠶᠠ ᠶᠢ ᠤᠷᠴᠢᠭᠤᠯᠬᠤ ᠳᠤ ᠲᠤᠤᠷᠠᠬᠢ ᠲᠦᠷᠪᠡᠨ ᠲᠠᠯᠠ ᠪᠡᠷ ᠠᠩᠬᠠᠷᠤᠭᠤᠰᠢᠳᠠᠢ ᠪᠠᠢ᠌ᠨᠠ᠃ ᠲᠠᠷᠤᠢ ᠨᠢᠭᠡ ᠳᠤ᠂ ᠤᠤᠯ ᠦᠭᠡ ᠶᠢᠨ ᠵᠢᠩᠭᠢᠨᠢ ᠤᠳᠬᠠ ᠰᠠᠨᠠᠭᠠ ᠶᠢ ᠨᠢ ᠵᠦᠪ ᠤᠨᠤᠪᠴᠢᠳᠠᠢ᠂ ᠨᠡᠪᠳᠡᠷᠬᠡᠢ ᠤᠢ᠌ᠯᠠᠭᠠᠬᠤ; ᠬᠤᠶᠠᠷ ᠲᠤ᠂ ᠮᠤᠩᠭ᠋ᠤᠯ ᠬᠡᠯᠡ ᠬᠡᠯᠡᠯᠭᠡ ᠶᠢᠨ ᠱᠠᠭᠠᠷᠳᠠᠯᠭᠠ᠂ ᠨᠠᠢ᠌ᠷᠠᠯᠭᠠ ᠶᠢᠨ ᠱᠠᠭᠠᠷᠳᠠᠯᠭᠠ ᠡᠴᠡ ᠪᠤᠯᠵᠤ᠂ ᠵᠠᠷᠢᠮ ᠲᠡᠮᠡᠢ ᠴᠢᠬᠤᠯᠠ ᠪᠢᠰᠢ ᠦᠭᠡ ᠪᠤᠶᠤ ᠢᠯᠡᠭᠦᠴᠡ ᠦᠭᠡ ᠶᠢ ᠬᠠᠰᠤᠵᠤ ᠤᠷᠴᠢᠭᠤᠯᠬᠤ; ᠭᠤᠷᠪᠠ ᠳᠤ᠂ ᠦᠭᠡ ᠶᠢᠨ ᠤᠬᠠᠭᠳᠠᠬᠤᠨ ᠢ ᠲᠤᠳᠤᠷᠬᠠᠢ᠌ᠯᠠᠬᠤ ᠶᠢᠨ ᠲᠦᠯᠦᠭᠡ ᠵᠠᠷᠢᠮ ᠰᠢᠨᠡ ᠨᠡᠷᠡ ᠲᠤᠮᠢᠶᠠᠨ ᠳᠤ ᠦᠭᠡ ᠨᠡᠮᠡᠵᠦ ᠤᠷᠴᠢᠭᠤᠯᠬᠤ; ᠲᠦᠷᠪᠡ ᠳᠤ᠂ ᠮᠤᠩᠭ᠋ᠤᠯ ᠬᠡᠯᠡ ᠬᠡᠯᠡᠯᠭᠡ ᠳᠤ ᠪᠠᠨ ᠵᠤᠬᠢᠴᠠᠭᠤᠯᠵᠤ ᠤᠤᠯ ᠦᠭᠡ ᠶᠢ ᠨᠢ ᠵᠤᠬᠢᠬᠤ ᠬᠡᠮᠵᠢᠶᠡ ᠪᠡᠷ ᠦᠭᠡᠷᠡᠴᠢᠯᠡᠨ ᠬᠤᠪᠢᠷᠠᠭᠠᠵᠤ ᠤᠷᠴᠢᠭᠤᠯᠬᠤ ᠵᠡᠷᠭᠡ ᠪᠤᠯᠤᠨᠠ᠃ |