| 摘要 |
ᠲᠡᠦᠬᠡᠨ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠶᠤᠸᠠᠨ ᠤᠯᠤᠰ ᠤᠨ ᠪᠦᠬᠦᠢᠯᠡ ᠬᠤᠭ᠋ᠤᠴᠠᠭ᠋ᠠᠨ ᠳᠤ ᠴᠦᠬᠡᠨ ᠪᠤᠰᠤ ᠬᠢᠲᠠᠳ ᠬᠦᠮᠦᠨ ᠮᠣᠩᠭᠤᠯ ᠬᠤᠪᠴᠠᠰᠤ ᠡᠮᠦᠰᠴᠦ᠂ ᠮᠣᠩᠭᠤᠯ ᠡᠬᠡᠨ᠋ᠡᠷ ᠠᠪᠴᠤ᠂ ᠮᠣᠩᠭᠤᠯ ᠦᠭᠡ ᠬᠡᠯᠡᠳᠡᠭ ᠲᠡᠢ ᠠᠳᠠᠯᠢ ᠪᠠᠷ ᠮᠣᠩᠭᠤᠯ ᠣᠪᠤᠭ ᠠᠪᠴᠤ ᠮᠣᠩᠭᠤᠯ ᠨᠡᠷᠡ ᠬᠡᠷᠡᠭᠯᠡᠵᠦ ᠪᠠᠢᠵᠠᠢ᠃ ᠡᠭᠦᠨ ᠳᠦ ᠲᠡᠳᠡᠨ᠋ᠦᠰ ᠦᠨ ᠮᠣᠩᠭᠤᠯ ᠣᠪᠤᠭ ᠨᠡᠷᠡ ᠬᠡᠷᠡᠭᠯᠡᠭᠰᠡᠨ ᠬᠡᠯᠪᠡᠷᠢ ᠮᠠᠶᠢᠭ᠂ ᠪᠤᠳᠤᠯ ᠵᠤᠷᠢᠯᠭᠠ ᠨᠢ ᠪᠦᠷ ᠠᠳᠠᠯᠢ ᠪᠤᠰᠤ ᠪᠠᠢᠳᠠᠭ᠃ ᠲᠤᠰ ᠦᠭᠦᠯᠡᠯ ᠳᠦ᠂ ᠶᠤᠸᠠᠨ ᠤᠯᠤᠰ ᠤᠨ ᠡᠵᠡᠨ ᠬᠠᠭ᠋ᠠᠳ ᠤᠨ ᠣᠪᠤᠭ ᠨᠡᠷᠡ ᠰᠤᠶᠤᠷᠬᠠᠯ ᠨᠢ ᠬᠡᠰᠡᠭ ᠬᠢᠲᠠᠳᠴᠤᠳ ᠤᠨ ᠬᠢᠲᠠᠳ ᠣᠪᠤᠭ ᠨᠡᠷᠡ ᠪᠡᠨ ᠭᠡᠭᠡᠵᠦ᠂ ᠮᠣᠩᠭᠤᠯ ᠣᠪᠤᠭ ᠨᠡᠷᠡ ᠬᠡᠷᠡᠭᠯᠡᠭᠰᠡᠨ ᠦ ᠨᠢᠭᠡ ᠰᠢᠯᠲᠠᠭ᠋ᠠᠨ ᠪᠤᠯᠤᠭᠰᠠᠨ ᠪᠦᠭᠡᠳ ᠨᠦᠭᠦᠭᠡ ᠲᠠᠯᠠ ᠪᠠᠷ ᠶᠤᠸᠠᠨ ᠤ ᠦᠶᠡ ᠶᠢᠨ ᠮᠣᠩᠭᠤᠯ ᠤᠨ ᠨᠤᠶᠠᠷᠬᠠᠭᠴᠤᠳ ᠦᠨᠳᠦᠰᠦᠲᠡᠨ ᠨᠦᠬᠦᠳ ᠢ ᠵᠡᠷᠭᠡ ᠳᠡᠰ ᠬᠤᠪᠢᠶᠠᠵᠤ᠂ ᠬᠠᠷᠢ ᠦᠨᠳᠦᠰᠦᠲᠡᠨ ᠢ ᠬᠠᠭ᠋ᠠᠴᠠᠭ᠋ᠤᠯᠤᠨ ᠵᠠᠳᠠᠷᠠᠭ᠋ᠤᠯᠵᠤ᠂ ᠬᠢᠲᠠᠳᠴᠤᠳ ᠢ ᠰᠡᠷᠭᠡᠢᠯᠡᠨ ᠬᠢᠵᠠᠭ᠋ᠠᠷᠯᠠᠬᠤ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠠᠪᠤᠭ᠋ᠤᠯᠤᠭᠰᠠᠨ ᠠᠴᠠ ᠴᠦᠬᠡᠨ ᠪᠤᠰᠤ ᠬᠢᠲᠠᠳᠴᠤᠳ ᠤᠯᠤᠰ ᠲᠦᠷᠦ ᠶᠢᠨ ᠲᠠᠯᠠ ᠪᠠᠷ ᠭᠠᠷᠬᠤ ᠵᠠᠮ ᠣᠯᠬᠤ ᠶᠢᠨ ᠲᠦᠯᠦᠭᠡ᠂ ᠣᠪᠤᠭ ᠨᠡᠷᠡ ᠪᠡᠨ ᠬᠠᠯᠠᠵᠤ ᠮᠣᠩᠭᠤᠯ ᠣᠪᠤᠭ ᠨᠡᠷᠡ ᠬᠡᠷᠡᠭᠯᠡᠬᠦ ᠪᠤᠯᠵᠤ ᠪᠠᠢᠭᠰᠠᠨ ᠢ ᠨᠠᠷᠢᠪᠴᠢᠯᠠᠨ ᠦᠭᠦᠯᠡᠭᠰᠡᠨ ᠠᠵᠠᠢ᠃ |