| 摘要 |
ᠲᠤᠰ ᠦᠭᠦᠯᠡᠯ ᠳᠦ ᠂ ᠤᠯᠠᠮᠵᠢᠯᠠᠯᠲᠤ ᠬᠡᠯᠡ ᠰᠢᠨᠵᠢᠯᠡᠯ ᠦᠨ ᠠᠷᠭᠠ ᠪᠠᠷ᠂ ᠣᠷᠴᠢᠨ ᠴᠠᠭ ᠤᠨ ᠮᠣᠩ᠋ᠭᠤᠯ ᠬᠡᠯᠡᠨ ᠦ ᠭᠠᠭᠴᠠ ᠪᠦᠯᠦᠭᠲᠦ ᠦᠭᠦᠯᠡᠪᠦᠷᠢ ᠶᠢᠨ ᠲᠤᠬᠠᠢ ᠬᠠᠢ᠌ᠨ ᠰᠢᠨᠵᠢᠯᠡᠪᠡ᠃ ᠦᠩᠭᠡᠷᠡᠭᠰᠡᠨ ᠦ ᠡᠷᠳᠡᠮᠲᠡᠳ ᠲᠤᠪᠴᠢᠯᠠᠭᠰᠠᠨ ᠦᠭᠦᠯᠡᠪᠦᠷᠢ᠂ ᠵᠠᠷᠢᠮᠳᠤᠭ ᠦᠭᠦᠯᠡᠪᠦᠷᠢ᠂ ᠳᠤᠲᠠᠮᠠᠭ ᠦᠭᠦᠯᠡᠪᠦᠷᠢ᠂ ᠠᠶᠠᠯᠭᠠ ᠦᠭᠦᠯᠡᠪᠦᠷᠢ᠂ ᠭᠠᠭᠴᠠ ᠪᠦᠷᠢᠯᠳᠦᠭᠦᠨᠲᠦ ᠦᠭᠦᠯᠡᠪᠦᠷᠢ ᠶᠢᠨ ᠲᠤᠬᠠᠢ ᠣᠯᠠᠨ ᠰᠢᠨᠵᠢᠯᠡᠭᠡ ᠬᠢᠭ᠍ᠰᠡᠨ ᠪᠤᠯᠪᠠᠴᠤ᠂ ᠣᠳᠣ ᠪᠤᠯᠲᠠᠯᠠ ᠡᠳᠡᠭᠡᠷ ᠦᠨ ᠵᠠᠭᠠᠭ ᠱᠤᠭᠤᠮ ᠲᠤᠳᠤᠷᠬᠠᠢ ᠦᠭᠡᠢ ᠪᠠᠢ᠌ᠭᠰᠠᠭᠠᠷ᠃ ᠲᠤᠰ ᠦᠭᠦᠯᠡᠯ᠂ ᠡᠢ᠌ᠮᠦ ᠪᠠᠢ᠌ᠳᠠᠯ ᠳᠤ ᠴᠢᠭᠯᠡᠭᠦᠯᠵᠦ᠂ ᠡᠷᠳᠡᠮᠲᠡᠳ ᠦᠨ ᠰᠤᠳᠤᠯᠭᠠᠨ ᠤ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠡᠳᠡᠭᠡᠷ ᠦᠭᠦᠯᠡᠪᠦᠷᠢ ᠶᠢᠨ ᠵᠠᠭᠠᠭ ᠱᠤᠭᠤᠮ ᠢ ᠲᠤᠳᠤᠷᠬᠠᠢ᠌ᠯᠠᠬᠤ ᠪᠠᠷ ᠴᠢᠷᠮᠢ᠌ᠵᠤ᠂ ᠭᠠᠭᠴᠠ ᠪᠦᠯᠦᠭᠲᠦ ᠦᠭᠦᠯᠡᠪᠦᠷᠢ ᠨᠢ ᠪᠡᠶᠡ ᠪᠡᠨ ᠳᠠᠭᠠᠭᠠᠵᠤ ᠣᠷᠤᠰᠢᠳᠠᠭ ᠦᠭᠦᠯᠡᠪᠦᠷᠢ ᠶᠢᠨ ᠨᠢᠭᠡᠨ ᠬᠡᠪ ᠰᠢᠨᠵᠢ ᠪᠤᠯᠬᠤ ᠶᠤᠮ ᠭᠡᠰᠡᠨ ᠦᠵᠡᠯᠲᠡ ᠪᠡᠨ ᠳᠤᠷᠠᠳᠤᠭᠰᠠᠨ ᠪᠠᠢ᠌ᠨᠠ᠃ |