| 摘要 |
19᠋ ᠳᠦᠭᠡᠷ ᠵᠠᠭ᠋ᠤᠨ ᠤ ᠡᠬᠢ ᠪᠡᠷ ᠡᠸᠦ᠋ᠷᠦᠫᠡ ᠶᠢᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠲᠠᠪᠴᠠᠩ ᠳᠤ ᠬᠦᠰᠡᠬᠦᠢᠴᠢ ᠦᠵᠡᠯ ᠦᠨ ᠤᠷᠤᠰᠬᠠᠯ ᠪᠦᠯᠦᠭ ᠢᠯᠡᠷᠡᠵᠦ ᠨᠢᠭᠡ ᠦᠶᠡ ᠶᠢᠨ ᠵᠤᠬᠢᠶᠠᠯᠴᠢᠳ ᠢ ᠭᠦᠨ ᠨᠦᠯᠦᠭᠡᠯᠡᠯᠪᠡ᠃ ᠭᠡᠪᠡᠴᠦ᠂ ᠲᠡᠳᠡ ᠬᠦᠰᠡᠬᠦᠢᠴᠢ ᠦᠵᠡᠯ ᠦᠨ ᠨᠡᠷᠡᠢᠳᠦᠯ᠂ ᠲᠤᠮᠢᠶᠠᠯᠠᠯ ᠪᠠ ᠤᠬᠠᠭᠳᠠᠬᠤᠨ ᠤ ᠲᠤᠬᠠᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠰᠦᠪᠡᠭᠴᠢᠯᠡᠯ ᠬᠢᠭᠰᠡᠨ ᠪᠤᠯᠪᠠᠴᠤ ᠬᠠᠷᠠᠬᠠᠨ ᠲᠤᠳᠤᠷᠬᠠᠢ ᠲᠠᠨ᠋ᠢᠯᠲᠠ ᠶᠢ ᠪᠦᠷᠢᠯᠳᠦᠭᠦᠯᠵᠦ ᠳᠡᠢᠯᠦᠭᠡ ᠦᠭᠡᠢ ᠪᠠᠢᠭᠰᠠᠭ᠋ᠠᠷ ᠡ᠃ ᠲᠤᠰ ᠦᠭᠦᠯᠡᠯ 《ᠷᠤᠮᠠᠨᠲ᠋ᠢᠭ》 ᠭᠡᠬᠦ ᠦᠭᠡ ᠶᠢᠨ ᠢᠷᠡᠯᠲᠡ᠂ 《ᠬᠦᠰᠡᠬᠦᠢᠴᠢ ᠦᠵᠡᠯ》 ᠦᠨ ᠨᠡᠷᠡ ᠲᠤᠮᠢᠶ ᠠ ᠶᠢᠨ ᠡᠭᠦᠰᠦᠯ᠂ ᠬᠦᠭᠵᠢᠯᠲᠡ ᠶᠢᠨ ᠤᠯᠠ ᠮᠦᠷ᠂ ᠣᠨᠴᠠᠯᠢᠭ ᠰᠢᠨᠵᠢ ᠡᠴᠡ ᠭᠠᠷᠲᠠᠵᠤ᠂ ᠬᠦᠰᠡᠬᠦᠢᠴᠢ ᠦᠵᠡᠯ ᠦᠨ ᠲᠤᠮᠢᠶᠠᠯᠠᠯ ᠤᠨ ᠠᠰᠠᠭ᠋ᠤᠳᠠᠯ ᠢ ᠲᠤᠳᠤᠷᠬᠠᠢᠯᠠᠬᠤ ᠪᠠᠷ ᠰᠠᠨ᠋ᠠᠭ᠋ᠠᠰᠢᠷᠠᠪᠠ᠃ ᠬᠠᠢᠷᠠ ᠰᠡᠳᠬᠢᠯᠭᠡ ᠶᠢᠨ ᠪᠡᠶᠡᠴᠢ ᠤᠶᠠᠩᠭ᠋ᠠᠯᠠᠯ᠂ ᠤᠳᠬᠠ ᠰᠠᠨ᠋ᠠᠭ᠋ᠠᠨ ᠤ ᠴᠢᠯᠦᠭᠡᠲᠦ ᠢᠯᠡᠷᠡᠭᠦᠯᠦᠯ᠂ ᠡᠬᠡ ᠪᠠᠢᠭ᠋ᠠᠯᠢ ᠶᠢᠨ ᠴᠡᠪᠡᠷ ᠰᠢᠲᠦᠯᠭᠡ ᠪᠤᠯ ᠬᠦᠰᠡᠬᠦᠢᠴᠢ ᠦᠵᠡᠯ ᠦᠨ ᠳᠤᠲᠠᠭᠲᠠᠵᠤ ᠪᠤᠯᠤᠰᠢ ᠦᠭᠡᠢ ᠡᠯᠧᠮᠧᠨ᠋ᠲ ᠮᠦᠨ᠃ ᠬᠦᠰᠡᠬᠦᠢᠴᠢ ᠦᠵᠡᠯ ᠦᠨ ᠡᠳᠡᠭᠡᠷ ᠦᠨᠳᠦᠰᠦᠨ ᠡᠯᠧᠮᠧᠨ᠋ᠲ ᠮᠠᠨ ᠳᠤ ᠬᠦᠰᠡᠬᠦᠢᠴᠢ ᠦᠵᠡᠯ ᠦᠨ ᠲᠤᠮᠢᠶᠠᠯᠠᠯ ᠤᠨ ᠠᠰᠠᠭ᠋ᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠳᠦ ᠲᠤᠩ ᠶᠡᠬᠡ ᠪᠤᠯᠤᠯᠴᠠᠭᠠ ᠶᠢ ᠪᠦᠷᠢᠯᠳᠦᠭᠦᠯᠵᠦ ᠦᠭᠭᠦᠭᠰᠡᠨ ᠪᠠᠢᠨᠠ᠃ |