| Abstract |
ᠪᠠᠶᠠᠨᠪᠢᠯᠢᠭᠲᠦ ᠪᠤᠯ ᠳᠠᠢ᠌ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠦ ᠬᠠᠷᠠᠴᠢᠨ ᠨᠤᠲᠤᠭ ᠲᠤ ᠴᠤᠯᠭᠤᠷᠠᠨ ᠭᠠᠷᠤᠭᠰᠠᠨ ᠪᠢᠴᠢᠭ᠌ ᠦᠨ ᠡᠷᠳᠡᠮᠲᠡᠨ᠃ ᠪᠠᠶᠠᠨᠪᠢᠯᠢᠭᠲᠦ ᠠᠪᠤᠭᠠᠢ ᠶᠢᠨ ᠵᠤᠬᠢᠶᠠᠯ ᠪᠦᠲᠦᠭᠡᠯ ᠦᠨ ᠲᠤᠬᠠᠢ ᠪᠢᠳᠡ ᠶᠡᠬᠡ ᠲᠦᠯᠦᠪ ᠣᠢ᠌ᠯᠠᠭᠠᠵᠤ ᠪᠠᠢ᠌ᠭᠠ ᠪᠤᠯᠪᠠᠴᠤ ᠲᠡᠭᠦᠨ ᠦ ᠦᠢᠯᠡ ᠠᠮᠢᠳᠤᠷᠠᠯ ᠤᠨ ᠲᠠᠯᠠ ᠪᠠᠷ ᠲᠤᠩ ᠪᠠᠭᠠ ᠲᠦᠰᠦᠭᠡᠯᠡᠯ ᠲᠡᠢ᠃ ᠲᠤᠬᠠᠢ᠌ᠯᠠᠪᠠᠯ᠂ ᠲᠡᠭᠦᠨ ᠦ ᠵᠤᠬᠢᠶᠠᠯ ᠪᠦᠲᠦᠭᠡᠯ ᠦᠨ ᠲᠤᠬᠠᠢ ᠪᠦᠷᠢᠨ ᠭᠦᠢᠴᠡᠳ ᠲᠠᠨᠢᠯᠴᠠᠭᠤᠯᠭᠠ ᠳᠤᠲᠠᠭᠲᠠᠵᠤ ᠪᠠᠢ᠌ᠭᠠ ᠢᠨ ᠳᠡᠭᠡᠷᠡ ᠪᠠᠶᠠᠨᠪᠢᠯᠢᠭᠲᠦ ᠶᠢᠨ ᠠᠯᠳᠠᠷ ᠨᠡᠷᠡ ᠶᠢᠨ ᠲᠠᠯᠠ ᠪᠠᠷ ᠴᠤ ᠠᠩ᠋ᠬᠠᠷᠴᠤ ᠦᠵᠡᠭᠦᠰᠢᠲᠡᠢ ᠰᠠᠨᠠᠭᠳᠠᠨᠠ᠃ ᠡᠭᠦᠨᠴᠢᠯᠡᠨ ᠲᠤᠰ ᠦᠭᠦᠯᠡᠯ ᠳᠦ ᠲᠡᠭᠦᠨ ᠦ ᠨᠠᠰᠤᠨ ᠲᠤᠷᠰᠢ ᠶᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠲᠤᠢ᠌ᠮᠤᠴᠢᠯᠠᠨ ᠦᠭᠦᠯᠡᠬᠦ ᠶᠢᠨ ᠬᠠᠮᠲᠤ ᠲᠡᠭᠦᠨ ᠦ ᠡᠷᠬᠢᠯᠡᠵᠦ ᠪᠠᠢ᠌ᠭᠰᠠᠨ ᠠᠵᠢᠯ ᠬᠦᠳᠡᠯᠮᠦᠷᠢ᠂ ᠡᠷᠳᠡᠮ ᠪᠤᠯᠪᠰᠤᠷᠠᠯ᠂ ᠵᠤᠬᠢᠶᠠᠯ ᠪᠦᠲᠦᠭᠡᠯ ᠵᠡᠷᠭᠡ ᠶᠢ ᠣᠳᠤᠬᠠᠨ ᠤ ᠬᠡᠷᠡᠭᠯᠡᠭᠳᠡᠭᠦᠨ ᠦ ᠬᠢᠷᠢ ᠭᠡᠮ ᠢᠶᠡᠷ ᠰᠤᠳᠤᠯᠬᠤ ᠵᠤᠷᠢᠯᠲᠠ ᠲᠠᠯᠪᠢᠪᠠ᠃ |
