Abstract |
《ᠮᠣᠩ᠋ᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》᠋ ᠳᠤ ᠣᠯᠠᠨ ᠵᠤᠢ᠌ᠯ ᠤᠨ ᠡᠲᠡᠭᠡᠳ ᠰᠤᠨᠢᠨ ᠨᠠᠢ᠌ᠷᠠᠭᠤᠯᠭᠠ ᠶᠢᠨ ᠠᠷᠭᠠ ᠪᠠᠷᠢᠯ ᠤᠳ ᠪᠠᠢ᠌ᠳᠠᠭ᠃ ᠭᠡᠪᠡᠴᠦ ᠣᠳᠣ ᠪᠤᠯᠲᠠᠯᠠ ᠲᠡᠳᠡᠭᠡᠷ ᠢ ᠨᠠᠢ᠌ᠷᠠᠭᠤᠯᠭᠠ ᠵᠦᠢ ᠶᠢᠨ ᠡᠭᠦᠳᠡᠨ ᠡᠴᠡ ᠨᠠᠷᠢᠨ ᠰᠤᠳᠤᠯᠵᠤ ᠪᠦᠷᠢᠨ ᠲᠦᠭᠦᠷ ᠲᠤᠳᠤᠷᠠᠭᠤᠯᠤᠨ ᠭᠠᠷᠭᠠᠵᠤ ᠬᠠᠷᠠᠬᠠᠨ ᠴᠢᠳᠠᠭᠠᠳᠤᠢ ᠪᠠᠢ᠌ᠭᠰᠠᠭᠠᠷ᠃ ᠡᠭᠦᠨ ᠳᠦ 《ᠭᠠᠷᠬᠠᠯᠠᠨ ᠨᠠᠢ᠋ᠷᠠᠭᠤᠯᠬᠤ ᠠᠷᠭᠠ》ᠪᠤᠯᠪᠠᠰᠤ 《ᠮᠣᠩ᠋ᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》᠋ ᠤ ᠪᠠᠶᠠᠯᠢᠭ ᠣᠯᠠᠨ ᠨᠠᠢ᠌ᠷᠠᠭᠤᠯᠭᠠ ᠶᠢᠨ ᠠᠷᠭᠠ ᠪᠠᠷᠢᠯ ᠤᠨ ᠳᠤᠲᠤᠷᠠᠬᠢ ᠭᠤᠴᠤ ᠨᠢᠭᠡ ᠵᠤᠢ᠌ᠯ ᠨᠢ ᠮᠦᠨ ᠪᠢᠯᠡ᠃ ᠲᠤᠰ ᠵᠤᠬᠢᠶᠠᠯ᠂ ᠭᠠᠳᠠᠭᠠᠳᠤ ᠳᠤᠲᠤᠭᠠᠳᠤ ᠶᠢᠨ ᠡᠷᠳᠡᠮᠲᠡᠳ ᠦᠨ ᠶᠡᠷᠦ ᠡᠴᠡ ᠠᠵᠢᠭᠯᠠᠵᠤ ᠰᠤᠳᠤᠯᠤᠭᠠᠳᠤᠢ ᠮᠣᠩ᠋ᠭᠤᠯ ᠬᠡᠯᠡᠨ ᠦ ᠡᠨᠡᠬᠦ ᠴᠠᠭᠯᠠᠰᠢ ᠦᠭᠡᠢ ᠭᠤᠴᠤ ᠨᠠᠢ᠋ᠷᠠᠭᠤᠯᠭᠠ ᠶᠢᠨ ᠠᠷᠭᠠ ᠪᠠᠷᠢᠯ ᠤᠨ ᠨᠠᠢ᠋ᠷᠠᠭᠤᠯᠭᠠ ᠶᠢᠨ ᠠᠭᠤᠯᠭᠠ᠂ ᠨᠠᠢ᠌ᠷᠠᠭᠤᠯᠭᠠ ᠶᠢᠨ ᠬᠡᠯᠪᠡᠷᠢ᠂ ᠨᠠᠢ᠌ᠷᠠᠭᠤᠯᠭᠠ ᠶᠢᠨ ᠦᠷᠡ ᠳ᠋ᠦᠩ ᠵᠡᠷᠭᠡ ᠶᠢ ᠪᠦᠬᠦᠯᠢ ᠳᠦᠨᠢ ᠨᠠᠷᠢᠪᠴᠢᠯᠠᠨ ᠰᠢᠨᠵᠢᠯᠡᠭᠰᠡᠨ ᠪᠦᠭᠡᠳ ᠲᠡᠭᠦᠨ ᠢ ᠳᠠᠯᠠᠢ ᠪᠠᠶᠠᠨ ᠠᠷᠠᠳ ᠤᠨ ᠠᠮᠠᠨ ᠵᠤᠬᠢᠶᠠᠯ ᠪᠤᠯᠤᠨ ᠣᠳᠣ ᠦᠶᠡ ᠶᠢᠨ ᠰᠤᠩ᠋ᠭᠤᠳᠠᠭ ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠡᠯᠡ ᠨᠠᠢ᠌ᠷᠠᠭᠤᠯᠭᠠ ᠳᠤ ᠬᠡᠷᠬᠢᠨ ᠤᠯᠠᠮᠵᠢᠯᠠᠨ ᠠᠪᠴᠤ ᠬᠡᠷᠡᠭᠯᠡᠵᠦ ᠪᠦᠬᠦᠢ ᠪᠠᠢ᠌ᠳᠠᠯ ᠢ ᠴᠤ ᠬᠠᠩ᠋ᠭᠠᠮᠵᠢᠲᠠᠢ ᠪᠠᠷᠢᠮᠲᠠ ᠪᠠᠷ ᠨᠤᠲᠠᠯᠠᠵᠤ ᠦᠵᠡᠭᠦᠯᠬᠦ ᠶᠢ ᠬᠢᠴᠢᠶᠡᠭᠰᠡᠨ ᠪᠠᠢ᠌ᠨᠠ᠃ |