| Abstract |
ᠶᠠᠪᠠᠭ᠋ᠠᠨ ᠦᠯᠢᠭᠡᠷ ᠦᠨ ᠢᠵᠢᠯᠰᠢᠬᠦ ᠬᠤᠪᠢᠷᠠᠰᠢᠬᠤ ᠦᠵᠡᠭᠳᠡᠯ ᠢ ᠭᠦᠨᠵᠡᠭᠡᠢᠷᠡᠨ ᠰᠤᠳᠤᠯᠬᠤ ᠨᠢ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠦᠨᠡ ᠴᠠᠨᠠ ᠪᠠᠢᠭᠠ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠶᠠᠪᠠᠭ᠋ᠠᠨ ᠦᠯᠢᠭᠡᠷ ᠢ ᠴᠤᠭᠯᠠᠭ᠋ᠤᠯᠤᠨ ᠡᠮᠬᠢᠳᠭᠡᠬᠦ᠂ ᠵᠦᠪ ᠢᠶᠡᠷ ᠰᠤᠨ᠋ᠢᠷᠬᠠᠨ ᠦᠨ᠋ᠡᠯᠡᠬᠦ ᠳᠦ ᠬᠤᠯᠪᠤᠭᠳᠠᠬᠤ ᠨᠢᠭᠡᠨ ᠴᠢᠬᠤᠯᠠ ᠠᠰᠠᠭ᠋ᠤᠳᠠᠯ ᠮᠦᠨ᠃ ᠲᠤᠰ ᠦᠭᠦᠯᠡᠯ ᠳᠦ ᠳᠡᠯᠡᠬᠡᠢ ᠨᠡᠢᠲᠡ ᠶᠢᠨ ᠶᠠᠪᠠᠭ᠋ᠠᠨ ᠦᠯᠢᠭᠡᠷ ᠦᠨ ᠦᠵᠡᠭᠳᠡᠯ ᠢ ᠠᠮᠠᠨ ᠵᠤᠬᠢᠶᠠᠯ ᠤᠨ ᠣᠨ᠋ᠣᠯ ᠤᠨ ᠡᠭᠦᠳᠡᠨ ᠡᠴᠡ ᠠᠵᠢᠵᠤ᠂ ᠡᠯᠡ ᠤᠯᠤᠰ ᠦᠨᠳᠦᠰᠦᠲᠡᠨ ᠦ ᠶᠠᠪᠠᠭ᠋ᠠᠨ ᠦᠯᠢᠭᠡᠷ ᠤᠨ ᠬᠤᠭ᠋ᠤᠷᠤᠨᠳᠤ ᠢᠵᠢᠯᠰᠢᠬᠦ ᠦᠵᠡᠭᠳᠡᠯ ᠡᠭᠦᠰᠦᠭᠰᠡᠨ ᠦ ᠰᠢᠯᠲᠠᠭ᠋ᠠᠨ ᠨᠢ ᠢᠵᠢᠯ ᠰᠤᠷᠪᠤᠯᠵᠢ ᠲᠠᠢ ᠪᠠᠢᠬᠤ᠂ ᠰᠤᠶᠤᠯ ᠤᠨ ᠲᠠᠯᠠ ᠪᠠᠷ ᠬᠠᠷᠢᠯᠴᠠᠨ ᠨᠦᠯᠦᠭᠡᠯᠡᠬᠦ᠂ ᠬᠠᠮᠢᠶᠠ ᠪᠦᠬᠦᠢ ᠣᠷᠤᠨ ᠨᠤᠲᠤᠭ ᠨᠡᠢᠭᠡᠮ ᠦᠨ ᠬᠦᠭᠵᠢᠯ ᠢᠶᠡᠷ ᠠᠳᠠᠯᠢᠪᠲᠤᠷ ᠵᠢᠮᠡ ᠬᠠᠤᠯᠢ ᠲᠠᠢ ᠪᠠᠢᠭᠠ ᠠᠴᠠ ᠪᠤᠯᠤᠭᠰᠠᠨ ᠪᠦᠭᠡᠳ ᠶᠠᠪᠠᠭ᠋ᠠᠨ ᠦᠯᠢᠭᠡᠷ ᠦᠨ ᠬᠤᠪᠢᠷᠠᠰᠠᠬᠤ ᠦᠵᠡᠭᠳᠡᠯ ᠨᠢ ᠣᠷᠴᠢᠨ ᠠᠬᠤᠢ᠂ ᠰᠤᠶᠤᠯ ᠲᠡᠦᠬᠡ᠂ ᠨᠡᠢᠭᠡᠮ ᠦᠨ ᠠᠮᠢᠳᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯ ᠦᠨ ᠬᠡᠯᠪᠡᠷᠢ ᠠᠳᠠᠯᠢ ᠦᠭᠡᠢ᠂ ᠦᠯᠢᠭᠡᠷᠴᠢ ᠨᠠᠷ ᠤᠨ ᠠᠮᠢᠳᠤᠷᠠᠯ ᠤᠨ ᠲᠤᠷᠰᠢᠯᠭᠠ᠂ ᠳᠤᠷᠠ ᠰᠤᠨ᠋ᠢᠷᠬᠠᠯ᠂ ᠠᠪᠢᠶᠠᠰ ᠪᠢᠯᠢᠩ ᠠᠳᠠᠯᠢ ᠦᠭᠡᠢ᠂ ᠲᠡᠷᠡᠴᠢᠯᠡᠨ ᠬᠦᠮᠦᠰ ᠦᠨ ᠰᠡᠳᠬᠢᠴᠡ ᠶᠢᠨ ᠠᠵᠢᠯᠯᠠᠭ᠋ᠠᠨ ᠤ ᠵᠢᠮᠡ ᠬᠠᠤᠯᠢ ᠠᠴᠠ ᠰᠢᠯᠲᠠᠭ᠋ᠠᠯᠠᠵᠤ ᠪᠠᠢᠳᠠᠭ ᠭᠡᠵᠦ ᠲᠤᠷᠪᠢᠲᠠᠢ ᠦᠭᠦᠯᠡᠵᠡᠢ᠃ |
