| Abstract |
ᠮᠤᠩᠭ᠋ᠤᠯᠴᠤᠳ ᠠᠯᠢ ᠡᠷᠳᠡᠨ ᠡᠴᠡ ᠲᠡᠭᠷᠢ ᠡᠷᠬᠡᠰ᠂ ᠪᠠᠢ᠌ᠭᠠᠯᠢ ᠲᠡᠯᠡᠬᠡᠢ᠂ ᠠᠭᠤᠯᠠ ᠤᠰᠤ᠂ ᠬᠠᠳᠠ ᠴᠢᠯᠠᠭᠤ᠂ ᠭᠤᠤᠯ ᠮᠦᠷᠡᠨ᠂ ᠠᠮᠢᠳᠠᠨ ᠤᠷᠭᠤᠮᠠᠯ᠂ ᠪᠤᠭᠳᠠ ᠲᠡᠭᠡᠳᠦᠰ᠂ ᠪᠤᠷᠬᠠᠳ ᠰᠠᠬᠢᠭᠤᠰᠤ ᠶᠢ ᠰᠢᠳᠦᠨ ᠪᠢᠰᠢᠷᠡᠵᠦ ᠲᠠᠬᠢᠨ ᠲᠠᠢ᠌ᠵᠤ ᠢᠷᠡᠭᠰᠡᠨ ᠲᠡᠦᠬᠡ ᠲᠠᠢ᠃ ᠲᠡᠭᠡᠬᠦ ᠳᠤ ᠪᠠᠨ ᠦᠪᠡᠷ ᠤᠨ ᠤᠷᠤᠰᠢᠨ ᠠᠬᠤᠢ ᠠᠭᠤᠯᠠ ᠲᠠᠯᠠ᠂ ᠤᠪᠤᠭᠠ ᠤᠷᠤᠳ ᠂ ᠭᠤᠤᠯ ᠮᠦᠷᠡᠨ᠂ ᠡᠪᠡᠰᠦ ᠬᠤᠯᠤᠰᠤ᠂ ᠮᠤᠳᠤ ᠴᠢᠯᠠᠭᠤ ᠨᠢ ᠶᠠᠮᠠᠷ ᠴᠤ ᠪᠤᠵᠠᠷᠳᠤᠯ ᠳᠤ ᠤᠴᠠᠷᠠᠬᠤ ᠦᠭᠡᠢ ᠪᠠᠢ᠌ᠬᠤ ᠪᠤᠯᠳᠤᠭᠠᠢ ᠭᠡᠵᠦ ᠲᠠᠭᠠᠳᠬᠠᠵᠤ᠂ ᠮᠠᠯ ᠬᠦᠷᠦᠩᠭᠡ᠂ ᠦᠳᠦᠳᠡᠨ ᠵᠢᠭᠦᠷᠳᠡᠨ᠂ ᠠᠷᠢᠶᠠᠳᠠᠨ ᠬᠦᠷᠦᠭᠡᠰᠦ᠂ ᠠᠩ ᠤᠨ ᠠᠮᠢᠳᠠᠨ ᠵᠡᠷᠭᠡ ᠨᠢ ᠴᠤ ᠬᠤᠤᠷᠯᠠᠯ ᠪᠤᠵᠠᠷᠳᠤᠯ ᠳᠤ ᠲᠤᠬᠢᠶᠠᠯᠳᠤᠬᠤ ᠦᠭᠡᠢ ᠮᠡᠨᠳᠦ ᠰᠠᠢ᠌ᠬᠠᠨ ᠪᠠᠢ᠌ᠬᠤ ᠶᠢ ᠬᠦᠰᠡᠭᠰᠡᠨ ᠪᠠ ᠲᠡᠳᠡᠭᠡᠷ ᠢ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ ᠪᠠᠢ᠌ᠭᠠ ᠡᠵᠡᠳ ᠤᠩᠭ᠋ᠤᠳ᠂ ᠨᠠᠪᠳᠠᠭ ᠰᠠᠪᠳᠠᠭ᠂ ᠪᠤᠷᠬᠠᠨ ᠰᠠᠬᠢᠭᠤᠰᠤ᠂ ᠪᠤᠭᠳᠠ ᠬᠦᠮᠦᠰ᠂ ᠲᠡᠭᠡᠳᠦᠰ ᠤᠨ ᠰᠦᠨᠡᠰᠦ ᠳᠤ ᠴᠤ ᠪᠤᠵᠠᠷ ᠪᠤᠷᠳᠠᠭ ᠶᠠᠭᠤᠮᠠ ᠤᠢ᠋ᠷᠠᠳᠤᠭᠤᠯᠬᠤ ᠦᠭᠡᠢ ᠶᠢᠨ ᠲᠤᠯᠠᠳᠠ ᠲᠤᠰᠬᠠᠢ᠌ᠯᠠᠨ ᠭᠠᠯ ᠶᠢᠡᠷ ᠠᠷᠢᠭᠤᠳᠬᠠᠯ ᠬᠢᠵᠦ ᠲᠠᠬᠢᠵᠤ ᠢᠷᠡᠭᠰᠡᠨ ᠪᠠᠢ᠌ᠭᠠᠯᠢ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠦᠵᠡᠯ ᠪᠠᠷᠢᠮᠳᠠᠯᠠᠯ ᠢ ᠰᠠᠩ ᠤᠨ ᠰᠢᠯᠦᠭ ᠡᠴᠡ ᠮᠦᠷᠳᠡᠭᠰᠡᠨ ᠪᠠᠢ᠌ᠨᠠ᠃ |
