| Abstract |
ᠨᠠᠢ᠌ᠷᠠᠯᠳᠤ ᠲᠦᠪ ᠤᠨ ᠠᠷᠪᠠᠳᠤᠭᠠᠷ ᠤᠨ（1732） ᠳᠤ ᠂ ᠴᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠬᠢᠯᠢ ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠴᠡᠭᠡᠨ ᠡᠴᠡ ᠨᠢᠭᠡ ᠪᠦᠯᠦᠭ ᠲᠠᠭᠤᠷᠴᠤᠳ ᠪᠤᠳᠬᠠ ᠤᠷᠤᠨ ᠡᠴᠡ ᠬᠢᠩᠭ᠋ᠠᠨ ᠲᠠᠪᠠᠭᠠᠨ ᠤ ᠪᠠᠷᠠᠭᠤᠨᠳᠠᠬᠢ ᠬᠦᠯᠦᠨ ᠪᠤᠢ᠌ᠷ ᠲᠤ ᠨᠡᠭᠦᠳᠡᠯᠯᠡᠨ ᠢᠷᠡᠵᠦᠮ᠂ ᠲᠡᠭᠷᠢ ᠶᠢᠨ ᠲᠡᠳᠭᠦᠭ᠍ᠰᠡᠨ ᠤ ᠲᠤᠯᠤᠳᠤᠭᠠᠷ ᠤᠨ（1742） ᠳᠤ ᠲᠠᠬᠢᠨ ᠤᠭ ᠨᠤᠳᠤᠭ ᠪᠤᠳᠬᠠ ᠤᠷᠤᠨ ᠳᠠᠭᠠᠨ ᠡᠭᠡᠨ ᠪᠤᠴᠠᠭᠰᠠᠨ ᠪᠠᠢ᠌ᠨᠠ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠭᠤᠪᠤᠯ ᠬᠠᠯᠠ ᠶᠢᠨ ᠬᠦᠢᠰᠦ᠂ ᠠᠭᠤᠯᠠ ᠬᠠᠯᠠ ᠶᠢᠨ ᠹᠠᠨᠴᠠᠨᠪᠤᠤ ᠪᠢᠴᠢᠭᠡᠴᠢ ᠶᠢᠨ ᠲᠤᠰᠢᠶᠠᠯ ᠬᠠᠷᠢᠭᠤᠴᠠᠵᠤ ᠪᠠᠢ᠌ᠭᠰᠠᠨ ᠡᠴᠡ ᠬᠦᠯᠦᠨ ᠪᠤᠢ᠌ᠷ ᠲᠤ ᠦᠯᠡᠳᠡᠨ ᠨᠤᠳᠤᠭᠰᠢᠵᠠᠢ᠃ ᠰᠡᠭᠦᠯᠡᠷ ᠨᠢ ᠮᠸᠷᠳ᠋ᠸᠩ ᠬᠠᠯᠠ ᠶᠢᠨ ᠵᠦᠱᠠᠨ ᠨᠡᠭᠦᠳᠡᠯᠯᠡᠨ ᠢᠷᠡᠭᠰᠡᠨ ᠤ ᠲᠠᠷᠠᠭᠠ᠂ ᠬᠠᠢ᠌ᠯᠠᠷ ᠤᠷᠤᠨ ᠳᠤ ᠭᠤᠪᠤᠯ᠂ ᠠᠭᠤᠯᠠ᠂ ᠮᠸᠷᠳ᠋ᠸᠩ ᠭᠤᠷᠪᠠᠨ ᠬᠠᠯᠠ ᠪᠡᠷ ᠭᠤᠤᠯᠯᠠᠭᠰᠠᠨ ᠬᠠᠢ᠌ᠯᠠᠷ ᠲᠠᠭᠤᠷ ᠪᠦᠷᠢᠯᠳᠦᠵᠦ᠂ ᠦᠶᠡ ᠤᠯᠠᠷᠢᠨ ᠬᠠᠢ᠌ᠯᠠᠷ ᠤᠷᠤᠨ ᠳᠤ ᠰᠠᠭᠤᠷᠢᠰᠢᠵᠠᠢ᠃ ᠡᠳᠦᠭᠡ ᠲᠡᠳᠡ ᠭᠤᠤᠯᠳᠠᠭᠤ ᠬᠦᠯᠦᠨ ᠪᠤᠢ᠌ᠷ ᠤᠨ ᠡᠸᠩᠬᠢ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠬᠤᠰᠢᠭᠤᠨ ᠤ ᠡᠮᠦᠨᠡ ᠠᠢ᠌ᠯ ᠪᠠ ᠪᠠᠶᠠᠨᠴᠠᠭᠠᠨ ᠰᠤᠮᠤ ᠶᠢᠨ ᠮᠦᠭᠡᠷᠳᠦ ᠲᠤᠰᠬᠤᠨ ᠳᠤ ᠲᠦᠪᠯᠡᠷᠡᠨ ᠰᠠᠭᠤᠵᠤ ᠪᠤᠢ᠃ |
