| Abstract |
ᠲᠤᠰ ᠦᠭᠦᠯᠡᠯ ᠳᠦ ᠮᠣᠩ᠋ᠭᠤᠯ ᠰᠤᠶᠤᠯ ᠤᠨ ᠣᠨᠴᠠᠭᠠᠢ ᠨᠢᠭᠡᠨ ᠭᠠᠨᠵᠤᠭᠠᠯᠠᠭᠴᠢ ᠪᠤᠯᠤᠭᠰᠠᠨ ᠮᠣᠩ᠋ᠭᠤᠯ ᠭᠡᠷ (ᠭᠡᠷ)᠋ ᠦᠨ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠤᠨ ᠤᠳᠬᠠ ᠰᠢᠨᠵᠢ ᠶᠢ ᠳᠦᠷᠪᠡᠨ ᠲᠠᠯᠠ ᠠᠴᠠ ᠮᠦᠷᠳᠡᠨ ᠬᠠᠢ᠌ᠭᠰᠠᠨ ᠪᠠᠢ᠌ᠨᠠ᠃ ᠲᠤᠬᠠᠢ᠌ᠯᠠᠪᠠᠯ᠂ ᠮᠣᠩ᠋ᠭᠤᠯ ᠭᠡᠷ ᠦᠨ ᠢᠷᠦᠭᠡᠯ ᠮᠠᠭᠲᠠᠭᠠᠯ ᠨᠢ ᠮᠣᠩ᠋ᠭᠤᠯᠴᠤᠳ ᠤᠨ ᠮᠣᠩ᠋ᠭᠤᠯ ᠭᠡᠷ ᠪᠤᠶᠤ ᠭᠡᠷ ᠪᠠᠷᠢᠯᠭᠠ ᠶᠢᠨ ᠤᠷᠠ ᠤᠬᠠᠭᠠᠨ ᠢ ᠬᠡᠯᠡᠨ ᠦ ᠤᠷᠠᠯᠢᠭ ᠢᠶᠠᠷ ᠡᠵᠡᠮᠳᠡᠨ ᠳᠦᠷᠰᠦᠯᠡᠭᠰᠡᠨ ᠤᠶᠤᠯᠢᠭ ᠲᠠᠨᠢᠯᠲᠠ ᠶᠢᠨ ᠢᠯᠡᠷᠡᠯ ᠪᠤᠯᠤᠭᠰᠠᠨ; ᠮᠣᠩ᠋ᠭᠤᠯᠴᠤᠳ ᠤᠨ ᠠᠯᠤᠰ ᠬᠤᠯᠠ ᠶᠢᠨ ᠠᠰᠢᠭ ᠲᠤᠰᠠ ᠪᠠ ᠡᠷᠭᠢᠯᠲᠡ ᠣᠷᠴᠢᠯᠲᠠ ᠶᠢᠨ ᠲᠤᠬᠠᠢ ᠪᠦᠷᠢᠨ ᠲᠡᠭᠦᠰ ᠦᠵᠡᠯ ᠰᠠᠨᠠᠭᠠ ᠶᠢ ᠭᠤᠤᠯᠴᠢᠯᠠᠨ ᠢᠯᠡᠳᠭᠡᠭ᠍ᠰᠡᠨ; ᠪᠡᠶᠡᠴᠢ ᠴᠤᠭᠴᠠ — ᠬᠦᠮᠦᠨ ᠢ ᠳᠤᠪᠤᠢ᠌ᠯᠭᠠᠭᠰᠠᠨ ᠢᠶᠠᠷ ᠢᠶᠠᠨ ᠮᠣᠩ᠋ᠭᠤᠯᠴᠤᠳ ᠤᠨ ᠠᠬᠤᠢ᠌ᠴᠢ ᠵᠤᠷᠢᠭ ᠰᠠᠨᠠᠭᠠ ᠶᠢ ᠬᠠᠷᠠᠭᠤᠯᠤᠭᠰᠠᠨ; ᠮᠣᠩ᠋ᠭᠤᠯ ᠭᠡᠷ ᠦᠨ ᠰᠤᠶᠤᠯ ᠬᠢᠭᠡᠳ ᠮᠣᠩ᠋ᠭᠤᠯ ᠰᠤᠶᠤᠯ ᠤᠨ ᠲᠤᠮᠤ ᠠᠴᠢᠶᠠᠯᠠᠨ ᠲᠠᠷᠬᠠᠭᠠᠭᠴᠢ᠂ ᠤᠯᠠᠮᠵᠢᠯᠠᠨ ᠨᠡᠪᠲᠡᠷᠡᠭᠦᠯᠦᠭᠴᠢ ᠪᠤᠯᠤᠭᠰᠠᠨ ᠭᠡᠬᠦᠴᠢᠯᠡᠨ ᠰᠢᠨᠡ ᠤᠳᠬᠠ ᠰᠡᠳᠭᠢᠭᠦᠢ ᠶᠢᠨ ᠡᠭᠦᠳᠡᠨ ᠡᠴᠡ ᠳᠤᠲᠤᠭᠠᠳᠤ ᠤᠴᠢᠷ ᠶᠤᠰᠤᠨ ᠢ ᠨᠢ ᠲᠤᠩ᠋ᠭᠠᠨ ᠬᠠᠢ᠌ᠬᠤ ᠶᠢ ᠬᠢᠴᠢᠶᠡᠵᠡᠢ᠃ |
