| Abstract |
ᠲᠤᠰ ᠦᠭᠦᠯᠡᠯ ᠳᠦ ᠪᠠᠯᠠᠷᠯᠢᠭ ᠦᠶᠡ ᠶᠢ ᠦᠩᠭᠡᠷᠡᠭᠡᠭᠴᠢ ᠳᠡᠯᠡᠬᠡᠢ ᠶᠢᠨ ᠡᠯᠡ ᠦᠨᠳᠦᠰᠦᠲᠡᠨ ᠦ ᠳᠤᠮᠳᠠ ᠪᠦᠷ ᠬᠡᠯᠡ ᠶᠢ ᠰᠢᠳᠢᠲᠦ ᠬᠦᠴᠦᠨ ᠲᠡᠢ ᠭᠡᠰᠡᠨ ᠣᠢᠯᠠᠭ᠋ᠠᠯᠲᠠ ᠲᠠᠨ᠋ᠢᠯᠲᠠ ᠲᠠᠢ ᠪᠠᠢᠭᠰᠠᠨ ᠪᠦᠭᠡᠳ ᠡᠨ᠋ᠡᠭᠦ ᠰᠤᠶᠤᠯ ᠰᠡᠳᠬᠢᠯᠭᠡᠨ ᠦ ᠬᠢᠨ᠋ᠢ ᠤᠯᠠ ᠮᠦᠷ ᠨᠢ ᠡᠳᠦᠭᠡ ᠪᠤᠯᠲᠠᠯᠠ ᠦᠨᠳᠦᠰᠦᠲᠡᠨ ᠦ ᠵᠠᠩ ᠦᠢᠯᠡ ᠶᠢᠨ ᠰᠤᠶᠤᠯ ᠳᠤ ᠬᠠᠳᠠᠭ᠋ᠠᠯᠠᠭᠳᠠᠭᠰᠠᠭ᠋ᠠᠷ ᠪᠠᠢᠭᠠ ᠶᠢ ᠦᠭᠦᠯᠡᠵᠡᠢ᠃ ᠦᠭᠦᠯᠡᠯ ᠳᠦ ᠮᠣᠩᠭᠤᠯ ᠤᠨ ᠡᠷᠲᠡᠨ ᠦ ᠰᠢᠲᠦᠯᠭᠡ ᠪᠢᠰᠢᠷᠡᠯ ᠪᠡ ᠪᠠᠯᠠᠷᠯᠢᠭ ᠶᠢᠷᠲᠢᠨᠴᠦ ᠶᠢᠨ ᠦᠵᠡᠯᠲᠡ ᠶᠢᠨ ᠡᠭᠦᠳᠡᠨ ᠡᠴᠡ ᠮᠣᠩᠭᠤᠯ ᠤᠨ ᠠᠨᠳᠠᠭ᠋ᠠᠢ ᠲᠠᠩᠭ᠋ᠠᠷᠢᠭ ᠤᠨ ᠶᠤᠰᠤᠨ᠂ ᠳᠤᠮ ᠰᠢᠪᠰᠢᠯᠭᠡ ᠶᠢᠨ ᠬᠡᠯᠡᠯᠭᠡ᠂ ᠴᠡᠭᠡᠷ ᠳᠠᠪᠤᠤ ᠶᠢᠨ ᠵᠤᠢᠯᠡᠰ ᠪᠤᠯᠤᠨ ᠢᠷᠦᠭᠡᠯ ᠮᠠᠭᠲᠠᠭ᠋ᠠᠯ᠂ ᠬᠠᠷᠢᠶᠠᠯ ᠵᠦᠭᠡᠯ ᠮᠡᠲᠦ ᠣᠯᠠᠨ ᠲᠠᠯᠠ ᠠᠴᠠ ᠰᠢᠨᠵᠢᠯᠡᠵᠦ᠂ ᠮᠣᠩᠭᠤᠯᠴᠤᠳ ᠡᠷᠲᠡᠨ ᠡᠴᠡ ᠠᠪᠤᠭ᠋ᠠᠳ ᠬᠡᠯᠡ ᠶᠢ ᠣᠨᠴᠠ ᠰᠢᠳᠢᠴᠢᠯᠡᠳᠡᠭ᠌ ᠪᠦᠭᠡᠳ ᠡᠨ᠋ᠡᠭᠦ ᠰᠡᠳᠬᠢᠭᠦᠢ ᠶᠢᠨ ᠣᠨᠴᠠᠯᠢᠭ ᠨᠢ 《ᠮᠣᠩᠭᠤᠯ ᠬᠦᠮᠦᠨ ᠠᠮᠠᠨ ᠤ ᠪᠡᠯᠭᠡ ᠪᠡᠷ ᠁》 ᠭᠡᠬᠦ ᠮᠡᠲᠦ ᠶᠢᠨ ᠬᠦᠮᠦᠨ ᠪᠡ ᠪᠠᠢᠭ᠋ᠠᠯᠢ᠂ ᠪᠡᠶᠡᠴᠢ ᠪᠡ ᠪᠤᠰᠤᠳᠴᠢ ᠶᠢᠨ ᠬᠠᠷᠢᠴᠠᠭᠠ ᠶᠢ ᠵᠦᠪ ᠡᠰᠡ ᠲᠠᠨ᠋ᠢᠭᠰᠠᠨ ᠪᠠᠯᠠᠷᠯᠢᠭ ᠦᠵᠡᠯ ᠤᠬᠠᠮᠰᠠᠷ ᠲᠠᠢ ᠪᠠᠢᠭᠰᠠᠨ ᠢ ᠬᠡᠯᠡ ᠰᠤᠶᠤᠯ ᠤᠨ ᠤᠶᠠᠯᠳᠤᠮᠵᠢ ᠰᠤᠳᠤᠯᠤᠯᠭ᠋ᠠᠨ ᠢᠶᠠᠷ ᠰᠢᠨᠵᠢᠯᠡᠨ ᠲᠠᠢᠯᠪᠤᠷᠢᠯᠠᠵᠠᠢ᠃ |
