| Abstract |
ᠲᠠᠷᠬᠠᠨ ᠬᠤᠰᠢᠭᠤᠨ ᠤ ᠤᠳᠤ ᠦᠶ ᠠ ᠶᠢᠨ ᠤᠷᠠᠨ ᠵᠣᠬᠢᠶᠠᠯ ᠢ ᠪᠦᠷᠢᠯᠳᠦᠯ ᠤᠨ ᠦᠶ ᠠ(1947-1977)᠂ ᠬᠦᠭᠵᠢᠯ ᠤᠨ ᠦᠶ ᠠ(1978-1992) ᠪᠠ ᠲᠡᠯᠡᠷᠡᠯ ᠤᠨ ᠦᠶ ᠠ(1993-)ᠭᠡᠵᠦ ᠭᠤᠷᠪᠠᠨ ᠱᠠᠲᠤ ᠬᠤᠪᠢᠶᠠᠨ ᠠᠵᠢᠭᠯᠠᠵᠤ ᠪᠤᠯᠤᠨᠠ᠃ ᠪᠦᠷᠢᠯᠳᠦᠯ ᠤᠨ ᠦᠶ ᠠ ᠳ᠋ᠤ᠂ ᠣᠨᠴᠠ ᠵᠠᠷᠢᠮ ᠨᠡᠷᠡᠲᠦ ᠵᠣᠬᠢᠶᠠᠯᠴᠢ ᠴᠣᠯᠭᠤᠷᠠᠵᠤ᠂ ᠬᠦᠭᠵᠢᠯ ᠤᠨ ᠦᠶ ᠠ ᠳ᠋ᠤ᠂ ᠵᠣᠬᠢᠶᠠᠭᠴᠢᠳ ᠤᠨ ᠡᠩᠨᠡᠭᠡ ᠪᠦᠷᠢᠯᠳᠦᠵᠦ᠂ ᠤᠷᠤᠨ ᠲᠠᠶᠠᠭᠠᠷ ᠨᠦᠯᠦᠭᠡ ᠪᠦᠬᠦᠢ ᠨᠡᠷᠡᠲᠦ ᠵᠣᠬᠢᠶᠠᠯᠴᠢᠳ ᠡᠩᠨᠡᠷᠡᠨ ᠪᠤᠰᠴᠤ᠂ ᠤᠯᠠᠨ ᠲᠠᠭᠠᠨ ᠤ ᠨᠦᠯᠦᠭᠡ ᠲᠠᠢ ᠪᠦᠲᠦᠭᠡᠯ ᠮᠡᠨᠳᠦᠯᠡᠵᠦ᠂ ᠲᠠᠯᠡᠷᠡᠯ ᠤᠨ ᠦᠶ ᠡ ᠳ᠋ᠤ᠂ ᠵᠠᠯᠠᠭᠤ ᠦᠶ ᠠ ᠶᠢᠨ ᠵᠣᠬᠢᠶᠠᠭᠴᠢᠳ ᠰᠢᠭᠤᠢᠷᠠᠨ ᠪᠤᠰᠴᠤ᠂ ᠵᠣᠬᠢᠶᠠᠭᠴᠢᠳ ᠤᠨ ᠡᠩᠨᠨᠡᠭᠡ ᠦᠷᠭᠡᠵᠢᠨ᠂ ᠵᠢᠩᠲᠡᠢ ᠪᠦᠲᠦᠭᠡᠯ ᠤᠳ ᠮᠡᠨᠳᠦᠯᠡᠵᠦ᠂ ᠤᠳᠤᠬᠠᠨ ᠳ᠋ᠤ ᠲᠡᠷᠬᠠᠨ ᠬᠤᠰᠢᠭᠤᠨ ᠤ ᠮᠣᠩᠭᠤᠯ ᠢᠢᠡᠷ ᠵᠣᠬᠢᠶᠠᠨ ᠪᠦᠲᠦᠭᠡᠭᠴᠢᠳ ᠵᠢᠷᠠ ᠭᠠᠷᠤᠢ ᠬᠦᠮᠦᠰ ᠪᠤᠯᠤᠭᠰᠠᠨ ᠪᠠᠢᠨᠠ᠃ ᠬᠡᠪᠰᠢᠮᠡᠯ ᠰᠢᠨᠵᠢ ᠪᠠ ᠨᠡᠭᠡᠭᠡᠯᠳᠡᠯᠢᠭ ᠰᠢᠨᠵᠢ ᠶᠢᠨ ᠡᠰᠡᠷᠭᠦᠴᠡᠯᠳᠦᠯ ᠨᠢᠭᠡᠳᠦᠯ ᠢᠢᠡᠷ ᠪᠡᠯᠭᠡ ᠲᠡᠮᠳᠡᠭ ᠪᠤᠯᠭᠠᠭᠰᠠᠨ ᠬᠤᠴᠢᠨᠴᠤᠳ ᠤᠨ ᠰᠣᠶᠣᠯ ᠰᠡᠳᠬᠢᠴᠡ ᠶᠢᠨ ᠬᠤᠶᠠᠳᠠᠮᠠᠯ ᠰᠢᠨᠵᠢ ᠪᠤᠯ ᠲᠠᠷᠬᠠᠨ ᠬᠤᠰᠢᠭᠤᠨ ᠤ ᠤᠲᠤ ᠦᠶ ᠠ ᠶᠢᠨ ᠤᠷᠠᠨ ᠵᠣᠬᠢᠶᠠᠯ ᠳ᠋ᠤ ᠢᠯᠡᠷᠡᠭᠰᠡᠨ ᠬᠠᠮᠤᠭ ᠤᠨ ᠮᠦᠨ ᠴᠢᠨᠠᠷᠯᠢᠭ ᠣᠨᠴᠠᠯᠢᠭ ᠪᠤᠯᠤᠨᠠ᠃ ᠲᠡᠷᠡ ᠨᠢ ᠭᠤᠤᠯᠳᠠᠭᠤ ᠰᠣᠶᠣᠯ ᠰᠡᠳᠬᠢᠴᠡ ᠶᠢᠨ ᠵᠦᠷᠢᠴᠡᠯᠲᠦ ᠤᠷᠤᠰᠢᠯ ᠪᠠ ᠰᠢᠪᠲᠤᠯᠤᠯᠲᠠ ᠶᠢᠨ ᠤᠬᠠᠮᠰᠠᠷ᠂ ᠤᠯᠠᠮᠵᠢᠯᠠᠯ ᠤᠨ ᠪᠠᠷᠢᠮᠳᠠᠯᠠᠯ ᠪᠠ ᠰᠢᠨᠡᠴᠢᠯᠠᠯᠲᠠ ᠶᠢᠨ ᠤᠬᠠᠮᠰᠠᠷ᠂ ᠡᠭᠡᠯ ᠪᠤᠷᠤᠭᠵᠢᠭᠤᠨ ᠰᠠᠷᠠᠭᠤᠯ ᠤᠨ ᠲᠡᠭᠡᠳᠦᠯᠡᠯ ᠪᠠ ᠤᠷᠠᠨ ᠨᠠᠷᠢᠨ ᠬᠦᠨ ᠤ ᠬᠦᠬᠡᠭᠡᠴᠡᠯᠳᠦᠯ ᠵᠡᠷᠭᠡ ᠰᠣᠶᠣᠯ ᠤᠨ ᠵᠤᠷᠢᠭ ᠰᠠᠨᠠᠭᠠ᠂ ᠤᠷᠠᠯᠢᠭ ᠤᠨ ᠤᠨᠴᠠᠯᠢᠭ᠂ ᠭᠤᠤ ᠠ ᠰᠠᠢᠬᠠᠨ ᠤ ᠰᠤᠨᠩᠭᠤᠯᠲᠠ ᠭᠤᠷᠪᠠᠨ ᠲᠠᠯ ᠠ ᠪᠡᠷ ᠢᠯᠡᠷᠡᠵᠦ ᠪᠤᠢ᠃ |
