| Abstract |
ᠲᠤᠰ ᠦᠭᠦᠯᠡᠯ ᠳᠦ ᠂ ᠵᠤᠬᠢᠶᠠᠭᠴᠢ ᠮᠣᠩᠭ᠋ᠤᠯ ᠬᠡᠯᠡᠨ ᠦ 《ᠲᠦᠰᠢ》᠂ 《ᠰᠢᠳᠤ》 ᠭᠡᠰᠠᠡᠨ ᠬᠤᠶᠠᠷ ᠦᠭᠡᠨ ᠦ ᠠᠪᠢᠶᠠᠨ ᠪᠦᠲᠦᠴᠡ᠂ ᠤᠳᠬᠠ ᠶᠢᠨ ᠪᠦᠲᠦᠴᠡ ᠪᠤᠯᠤᠨ ᠬᠡᠷᠡᠭᠯᠡᠭᠳᠡᠬᠦ ᠪᠠᠢ᠌ᠳᠠᠯ ᠵᠡᠷᠭᠡ ᠶᠢ ᠬᠠᠷᠢᠴᠠᠭᠤᠯᠵᠤ ᠰᠢᠨᠵᠢᠯᠡᠭᠰᠡᠨ ᠦ ᠰᠠᠭᠤᠷᠢᠨ ᠳᠡᠭᠡᠷᠡ ᠡᠨᠡ ᠬᠤᠶᠠᠷ ᠦᠭᠡ ᠭᠠᠷᠤᠯ ᠡᠭᠦᠰᠦᠯ ᠦᠨ ᠲᠠᠯᠠ ᠪᠠᠷ ᠤᠤᠯ ᠨᠢ ᠨᠢᠭᠡ ᠦᠭᠡ ᠪᠠᠢ᠌ᠭᠠᠳ t᠂ s ᠬᠤᠶᠠᠷ ᠠᠪᠢᠶᠠᠨ ᠤ ᠲᠤᠩ᠋ᠭ᠋ᠤᠷᠤᠯ ᠢᠶᠠᠷ ᠬᠤᠶᠠᠷ ᠦᠭᠡᠷᠡ ᠦᠭᠡ ᠪᠤᠯᠵᠤ ᠰᠡᠯᠪᠦᠷᠢᠯᠡᠵᠡᠢ ᠭᠡᠰᠡᠨ ᠳᠠᠭᠠᠮᠠᠭ ᠳᠤᠷᠠᠳᠤᠭᠠᠳ᠂ ᠠᠳᠠᠯᠢ ᠪᠤᠰᠤ ᠴᠠᠭ ᠦᠶᠡ ᠶᠢᠨ ᠮᠣᠩᠭ᠋ᠤᠯ ᠬᠡᠯᠡ᠂ ᠮᠣᠩᠭ᠋ᠤᠯ ᠲᠦᠷᠦᠯ ᠬᠡᠯᠡ᠂ ᠠᠶᠠᠯᠭᠤ ᠨᠤᠭᠤᠳ᠂ ᠴᠢᠨᠠᠭᠰᠢᠯᠠᠪᠠᠯ ᠠᠯᠳᠠᠷ ᠢᠵᠠᠭᠤᠷ ᠬᠡᠯᠡ ᠨᠦᠬᠦᠳ ᠦᠨ ᠬᠠᠮᠢᠶᠠ ᠪᠦᠬᠦᠢ ᠵᠢᠱᠶᠡᠳ ᠢᠶᠡᠷ ᠲᠡᠭᠦᠨ ᠢᠶᠡᠨ ᠪᠠᠲᠤᠯᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠢᠭᠡ ᠦᠭᠡᠨ ᠡᠴᠡ ᠬᠤᠶᠠᠷ ᠦᠭᠡ ᠪᠤᠯᠵᠤ ᠰᠠᠯᠪᠤᠷᠢᠯᠠᠭᠰᠠᠨ ᠶᠠᠪᠤᠴᠠ ᠶᠢ ᠨᠢ ᠴᠤ ᠨᠤᠲᠠᠯᠠᠬᠤ ᠪᠠᠷ ᠴᠢᠷᠮᠠᠢ᠌ᠵᠠᠢ᠃ ᠦᠭᠦᠯᠡᠯ ᠳᠦ ᠂ ᠠᠪᠢᠶᠠ ᠲᠤᠩᠭ᠋ᠤᠷᠤᠯ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠦᠭᠡ ᠪᠦᠲᠦᠭᠡᠬᠦ ᠨᠢ ᠮᠣᠩᠭ᠋ᠤᠯ ᠬᠡᠯᠡᠨ ᠦ ᠦᠭᠡ ᠪᠦᠲᠦᠭᠡᠬᠦ ᠨᠢᠭᠡ ᠵᠤᠢ᠌ᠯ ᠦᠨ ᠠᠷᠭᠠ ᠪᠠᠷᠢᠯ ᠮᠦᠨ ᠭᠡᠵᠦ ᠳᠤᠷᠠᠳᠤᠭᠠᠳ᠂ 《ᠲᠠᠰᠤᠷᠠᠬᠤ tosuraxu᠂ ᠰᠠᠳᠠᠷᠠᠬᠤ sadaroxu》᠂ 《ᠲᠡᠰᠦᠷᠡᠬᠦ tesürexü᠂ ᠰᠡᠳᠡᠷᠡᠬᠦ setetexü》᠂ 《ᠬᠤᠷᠮᠤᠢ qormoi᠂ ᠬᠤᠢ᠌ᠮᠤᠷ qoyimor》 ᠵᠡᠷᠭᠡ ᠭᠤᠷᠪᠠᠨ ᠬᠤᠤᠰ ᠦᠭᠡ ᠶᠢ ᠴᠤ ᠮᠦᠨ ᠤᠤᠯ ᠨᠢ ᠲᠤᠰ ᠲᠤᠰ ᠨᠢᠭᠡ ᠦᠭᠡ ᠪᠠᠢ᠌ᠭᠠᠳ᠂ ᠠᠪᠢᠶᠠ ᠲᠤᠩᠭ᠋ᠤᠷᠤᠯ ᠢᠶᠠᠷ ᠳᠠᠮᠵᠢᠨ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠬᠤᠶᠠᠷ ᠦᠭᠡᠷᠡ ᠦᠭᠡ ᠪᠤᠯᠵᠠᠢ ᠭᠡᠵᠦ ᠦᠵᠡᠭᠰᠡᠨ ᠪᠠᠢ᠌ᠨᠠ᠃ |
