| Abstract |
ᠮᠣᠩ᠋ᠭᠤᠯ ᠤᠨ ᠡᠷᠲᠡᠨ ᠦ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠲᠤ ᠮᠠᠩ᠋ᠭᠤᠰ ᠭᠠᠷᠤᠨᠠ᠂ ᠲᠤᠤᠯᠢᠰ ᠤᠨ ᠮᠠᠩ᠋ᠭᠤᠰ ᠲᠤ ᠤᠤᠷ ᠳᠦᠷᠢ ᠤᠷᠠᠯᠢᠭ ᠳᠦᠷᠢ ᠭᠡᠬᠦ ᠠᠳᠠᠯᠢ ᠦᠭᠡᠢ ᠤᠬᠠᠭᠳᠠᠬᠤᠨ ᠪᠠᠢ᠌ᠪᠠᠯ ᠵᠤᠬᠢᠨᠠ᠃ ᠫᠤᠼᠳᠠᠨᠢᠶᠸᠧ ᠤᠨ ᠵᠠᠭᠤᠭᠠᠳ ᠵᠢᠯ ᠦᠨ ᠳᠡᠷᠳᠡᠭᠡ ᠴᠤᠭᠯᠠᠭᠤᠯᠤᠨ ᠪᠢᠴᠢᠵᠦ ᠬᠡᠯᠡᠭᠦᠯᠦᠭᠰᠡᠨ 《ᠵᠠᠩ᠋ᠭᠠᠷ᠋》᠋ ᠤᠨ ᠳᠤᠭᠰᠢᠨ ᠰᠢᠷᠠ ᠮᠠᠩ᠋ᠭᠤᠰ ᠤᠨ ᠪᠦᠯᠦᠭ ᠲᠦ ᠰᠠᠭᠤᠷᠢᠯᠠᠵᠤ ᠮᠣᠩ᠋ᠭᠤᠯ ᠤᠨ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠲᠡᠬᠢ ᠮᠠᠩ᠋ᠭᠤᠰ ᠤᠨ ᠤᠤᠷ ᠳᠦᠷᠢ ᠶᠢᠨ ᠣᠨᠴᠠᠯᠢᠭ᠂ ᠰᠢᠨᠵᠢ᠂ ᠤᠬᠠᠭᠳᠠᠬᠤᠨ ᠢ ᠶᠠᠷᠢᠭᠠᠳ᠂ ᠴᠢᠨᠠᠭᠰᠢᠯᠠᠨ ᠲᠡᠭᠦᠨ ᠳᠦ ᠰᠦᠭᠡᠷᠭᠦ ᠡᠶᠡᠷᠭᠦ ᠬᠤᠶᠠᠷ ᠲᠤᠢ᠌ᠯᠳᠠᠭᠤ ᠰᠢᠨᠵᠢ ᠠᠭᠰᠠᠨ ᠢ ᠦᠭᠦᠯᠡᠵᠡᠢ᠃ ᠣᠳᠣ ᠤᠯᠠᠮᠵᠢᠯᠠᠯᠵᠦ ᠢᠷᠡᠭᠰᠡᠨ ᠮᠣᠩ᠋ᠭᠤᠯ ᠤᠨ ᠳᠤᠮᠳᠠ ᠪᠠᠭᠠ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠪᠤᠶᠤ ᠮᠠᠩ᠋ᠭᠤᠰ ᠢ ᠳᠠᠷᠤᠭᠰᠠᠨ ᠦᠯᠢᠭᠡᠷ ᠲᠦ ᠬᠠᠷᠢᠨ ᠮᠠᠩ᠋ᠭᠤᠰ ᠨᠢ ᠡᠷᠲᠡᠨ ᠦ ᠤᠤᠷ ᠳᠦᠷᠢ ᠪᠡ ᠤᠤᠭᠠᠯ ᠳᠦᠷᠰᠦᠯᠡᠯ ᠡᠴᠡ ᠪᠡᠨ ᠣᠨᠴᠠ ᠢᠯᠭᠠᠪᠤᠷᠢᠯᠠᠭᠳᠠᠬᠤ ᠪᠤᠯᠪᠠ᠃ ᠡᠨᠡ ᠪᠤᠯ ᠬᠤᠵᠢᠭᠤ ᠦᠶᠡ ᠶᠢᠨ ᠬᠦᠭ᠍ᠵᠢᠯ ᠶᠤᠮ᠃ ᠤᠷᠠᠯᠢᠭ ᠤᠨ ᠳᠦᠷᠢ ᠶᠢᠨ ᠲᠠᠯᠠ ᠪᠠᠷ ᠠᠪᠴᠤ ᠬᠡᠯᠡᠪᠡᠯ᠂ ᠮᠠᠩ᠋ᠭᠤᠰ ᠤᠨ ᠳᠦᠷᠢ ᠶᠢᠨ ᠡᠨᠡᠬᠦ ᠬᠤᠪᠢᠷᠠᠯ ᠨᠢ ᠲᠡᠭᠦᠨ ᠦ ᠬᠦᠭ᠍᠍ᠵᠢᠯ ᠪᠠᠶᠠᠯᠢᠭᠵᠢᠯ ᠪᠤᠯᠬᠤ ᠪᠦᠭᠡᠳ ᠰᠦᠭᠡᠷᠭᠦ ᠭᠤᠤᠠ ᠲᠠᠭᠠᠰᠢᠶᠠᠯ ᠤᠨ ᠬᠢᠨᠢ ᠴᠢᠳᠠᠪᠬᠢ ᠬᠦᠴᠦᠨ ᠪᠤᠯᠪᠠ᠃ ᠮᠠᠩ᠋ᠭᠤᠰ᠂ ᠡᠨᠡ ᠦᠶᠡ ᠳᠦ ᠰᠠᠶᠢ ᠤᠷᠠᠯᠢᠭ ᠳᠦᠷᠢ ᠪᠤᠯᠵᠠᠢ ᠭᠡᠬᠦ ᠦᠵᠡᠯᠲᠡ ᠶᠢ ᠲᠤᠰ ᠦᠭᠦᠯᠡᠯ ᠳᠦ ᠳᠡᠪᠰᠢᠭᠦᠯᠪᠡ᠃ |
