| Abstract |
《ᠭᠡᠰᠡᠷ》 ᠪᠤᠯ ᠲᠦᠪᠡᠳ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠦ ᠠᠷᠠᠳ ᠲᠦᠮᠡᠨ ᠦ ᠤᠷᠲᠤ ᠤᠳᠠᠭ᠋ᠠᠨ ᠬᠤᠭ᠋ᠤᠴᠠᠭᠠᠨ ᠤ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ ᠦᠨ ᠶᠠᠪᠤᠴᠠ ᠳᠠᠭ᠋ᠠᠨ ᠡᠭᠦᠳᠦᠨ ᠪᠦᠲᠦᠭᠡᠭᠰᠡᠨ ᠠᠯᠳᠠᠷᠲᠤ ᠲᠤᠤᠯᠢ ᠪᠤᠯᠤᠨᠠ᠃ ᠰᠤᠶᠤᠯ ᠤᠨ ᠤᠬᠠᠭ᠋ᠠᠨ ᠤ ᠡᠭᠦᠳᠡᠨ ᠡᠴᠡ ᠠᠵᠢᠭᠯᠠᠪᠠᠯ᠂ 《ᠭᠡᠰᠡᠷ》 ᠨᠢ ᠲᠦᠪᠡᠳ ᠮᠣᠩᠭᠤᠯ ᠤᠨ ᠡᠬᠡ ᠰᠤᠶᠤᠯ ᠬᠢᠭᠡᠳ ᠡᠨ᠋ᠡᠳᠬᠡᠭ ᠦᠨ ᠬᠠᠷᠢ ᠰᠤᠶᠤᠯ ᠤᠨ ᠬᠤᠭ᠋ᠤᠷᠤᠨᠳᠤᠬᠢ ᠬᠠᠷᠢᠯᠴᠠᠨ ᠮᠦᠷᠭᠦᠯᠳᠦᠭᠡᠨ ᠬᠠᠷᠢᠯᠴᠠᠨ ᠠᠭ᠋ᠤᠰᠤᠯᠴᠠᠯ ᠤᠨ ᠦᠷᠡ ᠳ᠋ᠦᠩ ᠳᠦ ᠪᠤᠢ ᠪᠤᠯᠤᠭᠰᠠᠨ ᠶᠤᠮ᠃ ᠲᠤᠰ ᠦᠭᠦᠯᠡᠯ ᠳᠦ ᠲᠦᠪᠡᠳ ᠮᠣᠩᠭᠤᠯ 《ᠭᠡᠰᠡᠷ》 ᠦᠨ ᠲᠤᠤᠯᠢ ᠨᠢ 《ᠨᠢᠭᠡ ᠡᠭᠡᠳᠡᠢ ᠰᠠᠯᠪᠤᠷᠢ ᠤᠷᠤᠰᠬᠠᠯ》 ᠭᠡᠬᠦ ᠦᠵᠡᠯᠲᠡ ᠶᠢ ᠪᠠᠷᠢᠮᠲᠠᠯᠠᠨ ᠲᠡᠳᠡᠭᠡᠷ ᠢ ᠨᠢᠭᠡ ᠴᠤᠭᠴᠠ ᠳᠤ ᠲᠠᠯᠪᠢᠵᠤ᠂ ᠲᠡᠳᠡᠭᠡᠷ ᠦᠨ ᠳᠤᠲᠤᠷᠠ ᠠᠴᠠ ᠡᠨ᠋ᠡᠳᠬᠡᠭ ᠦᠨ ᠬᠠᠷᠢ ᠰᠤᠶᠤᠯ ᠤᠨ ᠤᠯᠠ ᠮᠦᠷ ᠢ (1) ᠡᠨ᠋ᠡᠳᠬᠡᠭ ᠰᠤᠶᠤᠯ ᠤᠨ ᠳᠠᠪᠠᠭ᠋ᠤᠯᠢᠭ ᠰᠢᠨᠵᠢ; (2) ᠡᠨ᠋ᠡᠳᠬᠡᠭ ᠰᠤᠶᠤᠯ ᠤᠨ ᠲᠦᠪᠡᠳ ᠮᠣᠩᠭᠤᠯ ᠵᠦᠭ ᠨᠡᠪᠲᠡᠷᠡᠯ; (3) 《ᠭᠡᠰᠡᠷ》 ᠲᠡᠬᠢ ᠡᠨ᠋ᠡᠳᠬᠡᠭ ᠰᠤᠶᠤᠯ ᠤᠨ ᠤᠯᠠ ᠮᠦᠷ ᠭᠡᠬᠦ ᠭᠤᠷᠪᠠᠨ ᠰᠡᠳᠦᠪ ᠢᠶᠡᠷ ᠦᠭᠦᠯᠡᠨ ᠨᠤᠲᠠᠯᠠᠵᠠᠢ᠃ |
