| Abstract |
ᠬᠤᠤᠷᠲᠤ ᠬᠠᠪᠤᠳᠠᠷ ᠤᠨ ᠢᠯᠡᠷᠬᠡᠶᠢᠯᠡᠯ ᠦᠨ ᠲᠤᠭᠠ ᠪᠠᠷᠢᠮᠲᠠ ᠳᠤ ᠵᠠᠳᠠᠯᠤᠯᠲᠠ ᠬᠢᠵᠦ᠂ ᠬᠡᠪ ᠦᠨ ᠦᠯᠢᠭᠡᠷ ᠶᠠᠩᠵᠤ ᠬᠢᠭᠡᠳ ᠬᠬᠤᠤᠷᠲᠤ ᠬᠠᠪᠤᠳᠠᠷᠢ ᠤᠨ ᠦᠯᠢᠭᠡᠷ ᠶᠠᠩᠵᠤ ᠶᠢ ᠦᠷᠡ ᠠᠰᠢᠭ ᠲᠠᠢ ᠪᠠᠷ ᠢᠯᠭᠠᠬᠤ ᠶᠢᠨ ᠵᠠᠩᠭᠢᠯᠠᠭᠠ ᠪᠤᠯ᠄ ᠦᠯᠢᠭᠡᠷ ᠶᠠᠩᠵᠤ ᠶᠢᠨ ᠲᠦᠷᠦᠯ ᠵᠤᠢᠯ ᠢ ᠲᠤᠭᠲᠠᠭᠠᠵᠤ ᠴᠢᠳᠠᠬᠤᠢᠴᠠ ᠬᠠᠮᠤᠭ ᠤᠨ ᠪᠠᠭᠠ ᠣᠨᠴᠠᠯᠢᠭ ᠰᠢᠨᠵᠢᠲᠦ ᠭᠧᠨ ᠢ ᠡᠷᠢᠨ ᠭᠠᠷᠭᠠᠵᠤ᠂ ᠲᠡᠭᠦᠴᠢᠯᠡᠨ ᠨᠢᠭᠡᠨ ᠴᠢᠳᠠᠮᠵᠢ ᠪᠠᠷ ᠨᠡᠯᠢᠶᠡᠳ ᠰᠠᠢᠨ ᠲᠦᠷᠦᠯ ᠵᠤᠢᠯ ᠢᠯᠭᠠᠭᠴᠢ ᠪᠠᠷ ᠲᠦᠷᠦᠯ ᠵᠤᠢᠯ ᠢᠯᠭᠠᠨ ᠬᠡᠮᠵᠢᠨ ᠪᠠᠢᠴᠠᠭᠠᠨᠠ᠃ ᠲᠤᠰ ᠠᠰᠠᠭᠤᠳᠠᠯ ᠤᠨ ᠬᠤᠪᠢ ᠳᠤ᠂ ᠶᠠᠭᠤᠨ ᠤ ᠤᠷᠢᠳ ᠵᠠᠰᠠᠪᠤᠷᠢ ᠣᠷᠤᠭᠤᠯᠤᠭᠰᠠᠨ ᠣᠨᠴᠠᠯᠢᠭ ᠰᠢᠨᠵᠢ ᠪᠡᠷ ᠬᠤᠪᠢ ᠲᠡᠮᠳᠡᠭᠯᠡᠬᠦ ᠳᠦᠷᠢᠮ (Revised Feature Score Criterion, RFSC) ᠢᠶᠠᠷ ᠬᠤᠯᠪᠤᠭᠳᠠᠯ ᠪᠤᠰᠤ ᠭᠧᠨ ᠢ ᠣᠷᠬᠢᠨᠠ᠃ ᠳᠠᠷᠠᠭᠠ ᠨᠢ᠂ ᠬᠤᠶᠠᠷ ᠬᠤᠶᠠᠷ ᠢᠯᠡᠭᠦᠳᠡᠯ ᠦᠨ ᠠᠷᠭᠠ ᠪᠠᠷ ᠦᠭᠡᠷᠡᠴᠢᠯᠡᠨ ᠰᠠᠢᠵᠢᠷᠠᠭᠤᠯᠵᠤ᠂ ᠴᠢᠩᠭ᠍ᠠ ᠬᠤᠯᠪᠤᠭᠳᠠᠯᠲᠤ ᠮᠤᠳᠤ (Strong Correlation Tree, SCT)᠋ ᠶᠢᠨ ᠠᠷᠭᠠ ᠪᠠᠷ ᠢᠯᠡᠭᠦᠴᠡ ᠭᠧᠨ ᠢ ᠣᠷᠬᠢᠨᠠ; ᠡᠴᠦᠰ ᠲᠦ᠂ ᠤᠯᠠᠮᠵᠢᠯᠠᠯᠲᠤ C ᠳᠡᠮᠵᠢᠯᠭᠡ ᠶᠢᠨ ᠴᠢᠭᠯᠡᠯᠲᠦ ᠬᠡᠮᠵᠢᠭᠳᠡᠭᠦᠨ ᠦ ᠮᠠᠰᠢᠨ (C Support Vector Machine, CSVM) ᠢᠶᠠᠷ ᠦᠯᠢᠭᠡᠷ ᠶᠠᠩᠵᠤ ᠶᠢᠨ ᠴᠤᠭᠯᠠᠷᠠᠯ ᠤᠨ ᠲᠦᠷᠦᠯ ᠵᠤᠢᠯ ᠢ ᠢᠯᠭᠠᠪᠤᠷᠢᠯᠠᠨᠠ᠃ ᠬᠤᠤᠷᠲᠤ ᠬᠠᠪᠤᠳᠠᠷ ᠤᠨ ᠦᠯᠢᠭᠡᠷ ᠶᠠᠩᠵᠤ ᠶᠢᠨ ᠴᠤᠭᠯᠠᠷᠠᠯ ᠢᠶᠠᠷ ᠵᠢᠱᠢᠶᠡᠯᠡᠨ ᠲᠤᠷᠰᠢᠯᠲᠠ ᠬᠢᠭᠰᠡᠨ ᠦ ᠳ᠋ᠦᠩ ᠳᠦ᠂ ᠳᠤᠷᠠᠳᠤᠨ ᠭᠠᠷᠭᠠᠨ SCT ᠠᠷᠭᠠ ᠪᠠᠷ ᠪᠤᠯᠤᠮᠵᠢᠲᠤ ᠴᠢᠨᠠᠷ ᠪᠠ ᠦᠷᠡ ᠠᠰᠢᠭᠲᠤ ᠴᠢᠨᠠᠷ ᠢ ᠨᠤᠲᠠᠯᠠᠪᠠ᠃ |
